India Warns to Pakistan: పాకిస్థాన్ కు వార్నింగ్ ఇచ్చిన భారత్.. మరో దాడికి ప్రయత్నిస్తే సిందూర్‌ కంటే చాలా ప్రమాదకరంగా ఉంటుంది

India Warns to Pakistan: హరిద్వార్‌లో గంగా తీరాలపై నిలబడి భారత్ ఇచ్చిన తాజా హెచ్చరిక పాకిస్థాన్‌ను కంపించించేలా చేసింది. భారత సైన్యంలోని అగ్రశ్రేణి కమాండర్ చేసిన కఠిన వ్యాఖ్యలు ఇస్లామాబాద్ సైనిక వ్యవస్థను నిద్రపోనివ్వనన్నట్టుగా ఉన్నాయి. ఈ హెచ్చరిక రాజనీతిక మాటలు కాదు. స్పష్టంగా, నేరుగా, దాడి శైలిలో ఇచ్చిన వార్నింగ్. భారత పశ్చిమ ఫ్రంట్‌ను పర్యవేక్షిస్తున్న లెఫ్టినెంట్ జనరల్ మను్జ్ కుమార్ కాటియార్ కఠినంగా చెప్పిన సందేశం ఒక్కటే. పాకిస్థాన్ మళ్లీ ఏదైనా దుష్ప్రవర్తన చేస్తే, వచ్చే ప్రతిస్పందన ‘ఆపరేషన్ సిందూర్’ కంటే కూడా తీవ్రమైంది అవుతుంది.

Also Read: RGV Piracy Comments: ‘రాబిన్ హుడ్ రవి’ సిద్ధాంతంపై రామ్ గోపాల్ వర్మ సెటైరికల్ ట్వీట్.. ఏమన్నారంటే?..

ఆపరేషన్ సిందూర్.. పాకిస్థాన్‌ను కుదిపేసిన ఆ రాత్రి

గత మేలో పహల్గాం ఉగ్రదాడిలో 26 మంది పౌరులు ప్రాణాలు కోల్పోయిన ఘటనకు ప్రతీకారంగా భారత్ చేపట్టిన ఆపరేషన్ సిందూర్‌లో, సరిహద్దు ఆవల ఉన్న తొమ్మిది ఉగ్రశిబిరాలు నేలమట్టమయ్యాయి. ఒక్క రాత్రిలోనే 100కి పైగా ఉగ్రవాదులు ఖతం అయ్యారు. పాకిస్థాన్ సైన్యం స్పందించలేని స్థితికి చేరింది. అలాంటి ఆపరేషన్‌నే “ పెద్ద హెచ్చరిక” గా చూడాలని, నిజమైన ప్రతిస్పందన ఇంకా ఎంత తీవ్రమైనదో చూడాల్సిందే అని జనరల్ కాటియార్ అన్న మాటలు ఆందోళన రేపుతున్నాయి.

Also Read: VC Sajjanar: సినీ ప్రముఖులతో కలిసి ప్రెస్‌మీట్​ ఏంటి? సామాన్యులతో ఇలా ఎప్పుడైనా మీడియాతో మాట్లాడారా?

ప్రమాద ఘోష పుట్టించిన జనరల్ కాటియార్ వ్యాఖ్యలు

వెస్ట్రన్ కమాండ్‌కు కమాండర్-ఇన్-చీఫ్‌గా ఉన్న లెఫ్టినెంట్ జనరల్ కాటియార్.. హరిద్వార్ సమీపంలో నిర్వహించిన ‘ఎక్సర్సైజ్ రామ్ ప్రహార్’ సందర్భంగా మాట్లాడుతూ.. ఆపరేషన్ సిందూర్‌లో శత్రువుకు భారీ నష్టం కలిగించామని స్పష్టం చేశారు. అయితే, శత్రువు మళ్లీ ఎలాంటి దుష్చర్యకు పాల్పడినా, వచ్చే ప్రతిస్పందన గతం కంటే మరింత తీవ్రంగా ఉంటుందని హెచ్చరించారు. ఈ యుద్ధాభ్యాసమే అలాంటి సమగ్రమైన ప్రతిచర్యకు సిద్ధత అని ఆయన తెలిపారు.

Also Read: GHMC Tax Collection: ప్రాపర్టీ ట్యాక్స్ టార్గెట్ ఫిక్స్ చేసిన బల్దియా.. వసూలు చేయకుంటే జీతాలు లేవని స్పష్టీకరణ

ఎక్సర్సైజ్ రామ్ ప్రహార్: పశ్చిమ కమాండ్‌ శక్తి ప్రదర్శన

హరిద్వార్ సమీపంలోని జీవ అభయారణ్యంలో రామ్ డివిజన్ నిర్వహించిన ‘రామ్ ప్రహార్’ ఆపరేషన్. ఇది సాధారణ సైనిక వ్యాయామం కాదు. పాకిస్థాన్‌కు పంపిన స్పష్టమైన వ్యూహాత్మక సందేశం. కొండలు, నదులు, అరణ్యాలు దాటి ఆర్మర్డ్ ట్యాంకులు మెరుపువేగంతో ముందుకు దూసుకెళ్లాయి. భారీ తుపాకులు మైదానాల్లో మార్మోగాయి. రుద్ర, అపాచీ వంటి హెలికాప్టర్లు గగనతలాన్ని ఆధిపత్యంలోకి తీసుకున్నాయి. సైబర్, ఎయర్, ల్యాండ్ .. మూడు రంగాల్లో యుద్ధ సిద్ధతను ప్రదర్శించారు. నాలుగు వారాల పాటు పశ్చిమ కమాండ్‌లోని ప్రతీ యూనిట్ అత్యాధునిక ఆయుధాలు, టెక్నాలజీలతో యుద్ధతీరును పరీక్షించింది. ఇవన్నీ కలిపి భారత సైన్యం ప్రస్తుత భద్రతా పరిస్థితుల్లో ‘తయారీ, దెబ్బతీయగల శక్తి, వ్యూహాత్మక ఆధిపత్యం’ను క్లారిటీతో చూపించాయి.