Trading Fraud Hyderabad: కోట్ల ట్రేడింగ్ ఫ్రాడ్.. థాయ్ లాండ్ నుంచి ఆపరేషన్

తెలంగాణ బ్యూరో, స్వేచ్ఛ: Trading Fraud Hyderabad: ట్రేడింగ్​ ఫ్రాడ్​ కేసులో నిందితునిగా ఉన్న వ్యక్తిని హైదరాబాద్​ సైబర్ క్రైం పోలీసులు అరెస్ట్​ చేశారు. విచారణలో నిందితుడు థాయ్​ లాండ్​ లో ఉన్న సైబర్​ క్రిమినల్​ తో కలిసి దేశవ్యాప్తంగా మొత్తం 23 నేరాలకు పాల్పడినట్టుగా వెల్లడైంది.  జనం నుంచి 6 కోట్ల రూపాయలను కొల్లగొట్టినట్టుగా తేలింది. సైబర్ క్రైం డీసీపీ డీ.కవిత తెలిపిన ప్రకారం వివరాలు ఇలా ఉన్నాయి. ఉత్తరప్రదేశ్​ కు చెందిన అంకిత్​ అరోరా (38) ప్రైవేట్​ జాబ్​ చేస్తున్నాడు.  ఉత్తరప్రదేశ్​ కి చెందిన ప్రస్తుతం థాయ్​ లాండ్​ లో ఉంటూ సైబర్​ నేరాలు చేస్తున్న దీపక్​ కుమార్​ తో అతనికి పాత పరిచయం ఉంది.

Also Read; Illegal Lottery Tickets Sale: సీఎం సొంత జిల్లాల్లో అక్రమ లాటరీ దందా.. కుదేలవుతున్న బాధితులు

ఈ క్రమంలో దీపక్​ కుమార్​ కొంతకాలం క్రితం అంకిత్​ అరోరాతో మాట్లాడి తనకు బ్యాంక్​ అకౌంట్లను సమకూర్చి పెట్టాల్సిందిగా అడిగాడు. తాను చేస్తున్న సైబర్ మోసాల గురించి కూడా చెప్పాడు. తన ఉచ్ఛులో చిక్కిన వారితో ఆ అకౌంట్లలోకి డబ్బు ట్రాన్స్​ ఫర్​ చేయిస్తానని తెలిపాడు. ఆ తరువాత తాను తీసుకుంటానన్నాడు. ఈ పని చేసి పెడితే పెద్ద మొత్తాల్లో కమీషన్​ ఇస్తానన్నాడు. దాంతో అకౌంట్లు సమకూర్చి పెట్టటానికి అంకిత్​ అరోరా అంగీకరించాడు. తన పేరన వేర్వేరు బ్యాంకుల్లో మూడు ఖాతాలను తెరిచి వాటికి సంబంధించిన ఆన్​ లైన్​ బ్యాంకింగ్​ తోపాటు అన్ని వివరాలు అన్నింటినీ దీపక్​ కుమార్​ కు తెలియచేశారు.

Also Read; Delimitation JAC meeting:హైద‌రాబాద్‌లో రెండో స‌ద‌స్సు.. రానున్న దక్షిణాది సీఎంలు!

ఇదిలా ఉండగా దాదాపు ఆరు నెలల క్రితం దీపక్ కుమార్​ సికింద్రాబాద్​ లో ఉంటున్న ఓ వ్యక్తికి టెలిగ్రాం యాప్​ ద్వారా ఓ మెసెజ్​ పంపించాడు. దాంట్లో తాను ఇచ్చిన సలహాల మేరకు ట్రేడింగ్​ లో పెట్టుబడులు పెడితే దండిగా లాభాలు సంపాదించ వచ్చని పేర్కొన్నాడు. దాంతో బాధితుడు డబ్బు వస్తుంది కదా అని ఆశ పడి కొంత డబ్బును పెట్లుబడిగా పెట్టాడు. దీనికి దీపక్​ కొంత మొత్తాన్ని లాభంగా పంపించాడు. బాధితుడు తనను పూర్తిగా నమ్మాడని నిర్ధారించుకున్న తరువాత దీపక్​ కుమార్​ తాను కొన్ని ట్రేడింగ్ అప్లికేషన్లను పంపిస్తానని, వాటిల్లో పెట్టుబడులు పెడితే ఇంకా ఎక్కువగా లాభాలు వస్తాయని చెప్పాడు.

Also Read: Panjagutta Police Station: ఈ పోలీస్ స్టేషన్ ఒక సంచలనం.. హైదరాబాద్ లో ఇదే హైలెట్..

బాధితుడు మొత్తం కోటీ 22లక్షల 87వేల రూపాయలను దీపక్​ కుమార్​ చెప్పిన మేరకు అంకిత్​ అరోరాకు చెందిన బ్యాంక్​ ఖాతాల్లో జమ చేశాడు. ఆ తరువాత ఈ డబ్బును థాయ్​ లాండ్​ లో ఉన్న దీపక్​ కుమార్​ తన అకౌంట్లలోకి ట్రాన్స్​ ఫర్ చేసుకున్నాడు. కాగా, పెట్టుబడులు పెట్టిన బాధితునికి ఆన్​ లైన్​ ద్వారా లాభాలు వచ్చినట్టుగా అతని పేర క్రియేట్​ చేసిన వాలెట్​ లో చూపించిన దీపక్​ కుమార్​ ఆ నగదును డ్రా చేయటానికి వీల్లేగుండా చేశాడు. అదే విషయాన్ని బాధితుడు అడుగగా వేర్వేరు కారణాల వల్ల ఇప్పుడు ఆ డబ్బు ఇవ్వలేకపోతున్నామని చెప్పిన దీపక్​ కుమార్​ మరికొంత నగదును తాను చెప్పిన ఖాతాల్లో వేయమన్నాడు. లేనిపక్షంలో మరోసారి తనను సంప్రదించవద్దని చెప్పాడు. అప్పుడు జరిగింది మోసమని గ్రహించిన బాధితుడు సైబర్​ క్రైం పోలీసులకు ఫిర్యాదు చేశాడు.

Also Read: CM Revanth Reddy: ఇది రేవంత్ సర్కార్.. ప్రతీ నిర్ణయం ఓ సంచలనమే!

ఈ మేరకు కేసులు నమోదు చేసిన సైబర్​ క్రైం సీఐ కే.ప్రసాదరావు, ఏసీపీ శివమారుతి పర్యవేక్షణలో హెడ్​ కానిస్టేబుల్​ పీ.వీ.శ్రీనివాస్​, కానిస్టేబుళ్లు సతీష్​, శ్రీనివాస్​ రెడ్డి, క్రాంతి, రాకేశ్​, శేఖర్​, వెంకటేశ్​ లతో కలిసి నిందితుల్లో ఒకడైన అంకిత్​ అరోరాను అరెస్ట్​ చేశారు. అతని నుంచి మొబైల్​ ఫోన్​, రెండు సిమ్​ కార్డులు, ఓ పాస్​ బుక్కు, వేర్వేరు అకౌంట్లకు చెందిన 11 డెబిట్​ కార్డులను స్వాధీనం చేసుకున్నారు. పరారీలో ఉన్న దీపక్​ కుమార్ పై ఎల్వోసీ జారీ చేయించి ఇక్కడకు రప్పించటానికి చర్యలు తీసుకుంటున్నట్టు డీసీపీ కవిత తెలిపారు.

స్వేచ్ఛ ఈ పేపర్ కోసం ఈ https://epaper.swetchadaily.com/ లింక్ క్లిక్ చేయగలరు