Mirai Collections : ‘మిరాయ్‌’.. వారం రోజుల్లో ఎన్ని కోట్లు కలెక్ట్ చేసిందంటే?

Mirai Collections : టాలీవుడ్ యంగ్ హీరో తేజ సజ్జా నటించిన లేటెస్ట్ మూవీ మిరాయ్ బాక్సాఫీస్ వద్ద సంచలనం సృష్టిస్తోంది. కార్తీక్ ఘట్టమనేని దర్శకత్వంలో రూపొందిన ఈ ఫాంటసీ యాక్షన్ అడ్వెంచర్ చిత్రం సెప్టెంబర్ 12, 2025న ప్రపంచవ్యాప్తంగా విడుదలై, బ్లాక్‌బస్టర్ టాక్‌తో అభిమానులను ఆకట్టుకుంది. రితికా నాయక్ కథానాయికగా, మంచు మనోజ్ విలన్‌గా నటించిన ఈ సినిమా, శ్రియా శరణ్, జగపతి బాబు, జయరాం వంటి నటీనటులు నటించారు.

Also Read: Telangana Govt Plans: శిశు మరణాల రేటును సింగిల్ డిజిట్ తీసుకురావడమే ప్రభుత్వ లక్ష్యం.. ప్రకటించిన ఆరోగ్య శాఖ

బాక్సాఫీస్ వసూళ్ల తుఫాన్

రిలీజ్ అయిన తొలి ఐదు రోజుల్లోనే మిరాయ్ ప్రపంచవ్యాప్తంగా 100 కోట్ల గ్రాస్ వసూళ్లను దాటి అద్భుత విజయం సాధించింది. ఏడు రోజులు పూర్తయ్యేసరికి, ఈ చిత్రం 112.10 కోట్ల గ్రాస్ కలెక్షన్లతో దూసుకెళ్లింది. ఈ విషయాన్ని చిత్ర బృందం సోషల్ మీడియాలో ఓ స్టైలిష్ పోస్టర్ ద్వారా ప్రకటించింది. ట్రేడ్ వర్గాల అంచనాల ప్రకారం, ఈ నెల 25 వరకు పెద్ద సినిమాల పోటీ లేకపోవడంతో మిరాయ్ మరిన్ని కలెక్షన్లను సొంతం చేసుకునే అవకాశం ఉంది.

Also Read: Governor Jishnu Dev Varma: వేగం కన్న ప్రాణం మిన్న.. రోడ్డు సేఫ్టీపై ప్రజల్లో అవగాహన కల్పించాలి.. గవర్నర్ కీలక వ్యాఖ్యలు

పీపుల్స్ మీడియా ఫ్యాక్టరీ పతాకం పై విశ్వప్రసాద్ నిర్మించిన మిరాయ్, అశోకుడు రాసిన 9 పవిత్ర గ్రంథాల చుట్టూ తిరిగే ఒక ఆసక్తికర కథాంశంతో రూపొందింది. ఫాంటసీ, అడ్వెంచర్, యాక్షన్ ఎలిమెంట్స్‌ను అద్భుతంగా మేళవించిన ఈ మూవీ, ముఖ్యంగా క్లైమాక్స్‌లో శ్రీరాముడి ఎలిమెంట్‌ను ఆవిష్కరించిన విధానం ప్రేక్షకులను ఆకట్టుకుంది. స్క్రీన్‌పై ఈ సీన్స్ ను అద్భుతంగా ప్రజెంట్ చేసిన తీరు ఆడియన్స్‌ను ఫిదా చేసింది.

Also Read: Bandla Ganesh: ఈ మాఫియా నిన్ను బతకనివ్వదు.. లిటిల్ హార్ట్స్ హీరోకి సినిమా పాఠాలు నేర్పిస్తున్న బండ్ల గణేష్?

సుమారు 50-60 కోట్ల రూపాయల బడ్జెట్‌తో నిర్మితమైన మిరాయ్, మొదటి రోజు నుండే బాక్సాఫీస్ వద్ద దూకుడు కనబరిచింది. జియోహాట్‌స్టార్ ఈ సినిమాని డిజిటల్ హక్కులను 40 కోట్ల రూపాయలకు కైవసం చేసుకోవడంతో, నిర్మాతలు ఇప్పటికే బడ్జెట్‌లో 90% రికవరీ చేశారు. దీనితో, ప్రస్తుతం సాధిస్తున్న కలెక్షన్లు నిర్మాతలకు భారీ లాభాలను తెచ్చిపెడుతున్నాయి