Epaper 
Jio vs Airtel : టెలికాం సంస్థలు వరుసగా కొత్త ప్లాన్లను విడుదల చేస్తుండటంతో, ప్రత్యేకంగా రూ.700 లోపు రీఛార్జ్ ఎంపికలో యూజర్లు ఏది తీసుకోవాలనే ఆలోచన ఎక్కువైంది. రోజువారీ డేటా, వ్యాలిడిటీ, ఓటీటీ , అదనపు యాప్ సబ్స్క్రిప్షన్లు. ఇవన్నీ ఇప్పుడు మొబైల్ యూజర్ల కోసం ముఖ్య అంశాలయ్యాయి.
ఎయిర్టెల్ (Airtel ) , జియో (Jio) రెండు సంస్థలు కూడా కొత్త ప్యాక్స్ను అందిస్తున్నప్పటికీ, వాటి మధ్య ఉన్న చిన్న చిన్న తేడాలు యూజర్కు ఏది బెస్ట్ అన్నది అర్థం చేసుకోవడంలో కీలక పాత్ర పోషిస్తున్నాయి. ఇలాంటి పరిస్థితుల్లో, రెండు కంపెనీల ప్రముఖ ప్లాన్లను పోల్చి చూసినప్పుడు స్పష్టమైన వ్యత్యాసాలు కనిపిస్తాయి.
ఎయిర్టెల్ ( Airtel ) ప్లాన్లలో ప్రధానంగా Perplexity Pro, Hellotunes, JioHotstar Mobile, Spam Alerts వంటి యాప్ బెనిఫిట్స్ ఉండటం ప్రత్యేకం. Jio మాత్రం JioTV, JioCloud, JioAICloud, OTT ప్రయోజనాలతో కూడిన ప్లాన్లను అందిస్తోంది.
Jio ప్లాన్లలో రూ.349, రూ.445 వంటి 28 రోజుల వాలిడిటీ ఉన్నవి OTT ప్రయోజనాలతో వస్తే, రూ.579, రూ.629, రూ.666 వంటి ప్లాన్లు 56 నుండి 70 రోజుల వరకూ ఎక్కువ వాలిడిటీని అందిస్తాయి. ముఖ్యంగా, రూ.666 ప్లాన్ రోజుకు 1.5GB డేటాతో పాటు JioTV, JioAICloud వంటి సేవలను అందించడం వల్ల ఎక్కువ రోజుల వాలిడిటీ అవసరమైన యూజర్లకు ఇది మంచి ఆప్షన్ అవుతుంది.
మరోవైపు Airtel రూ.399 నుండి రూ.649 వరకూ పలు ఆకర్షణీయమైన ప్లాన్లను అందిస్తోంది. రూ.399 ప్లాన్ 2.5GB రోజువారీ డేటాతో 28 రోజుల వాలిడిటీని అందించగా, రూ.649 ప్లాన్ రోజుకు 2GB డేటా, Perplexity Pro, Hellotunes, JioHotstar Mobile, Spam Alerts వంటి డిజిటల్ ప్రయోజనాలను కలిగి ఉంది.
అంతేకాదు, Airtel రూ.598 ప్లాన్ Netflix Basic, Zee5 Premium నెట్ఫ్లిక్స్ బేసిక్, జీ5 ప్రీమియం వంటి OTT సబ్స్క్రిప్షన్లను కూడా అందిస్తుండడం వల్ల, ఎక్కువగా వీడియో కంటెంట్ స్ట్రీమింగ్ చేసే యూజర్లకు ఇది ప్రత్యేకంగా సరిపోతుంది.
Also Read: Mandhana Wedding: స్మృతి మంధాన కుటుంబ గోప్యతను గౌరవించాల్సినదిగా మీడియాను కోరిన పలక్ ముచ్చల్..
ఒకే ధరలో రెండు కంపెనీలను పోల్చి చూస్తే, ఉదాహరణకు రూ.579 ప్లాన్లో Airtel, Jio రెండూ 1.5GB రోజువారీ డేటా, 56 రోజుల వాలిడిటీని అందిస్తున్నాయి. అయితే, ప్రయోజనాల పరంగా Airtel Perplexity Pro, Hellotunes, JioHotstar Mobile ఎయిర్టెల్ పర్ప్లెక్సిటీ ప్రో, హెలోథన్, జియో హాట్స్టార్ మొబైల్ , Spam Alertsను జత చేస్తే, Jio మాత్రం JioTV , JioAICloud సేవలను అందిస్తోంది. డేటా పరంగా Airtel ఎక్కువ డేటా కలిగిన ప్యాక్స్ను అందించడంలో ప్రత్యేకతను చూపిస్తుండగా, Jio ఎక్కువ వాలిడిటీ గల ప్లాన్లపై దృష్టి పెడుతోంది.
మొత్తం మీద, తమ అవసరాల ఆధారంగా యూజర్లు తమకి సరిపోయే ప్లాన్ను ఎంచుకోవచ్చు. రోజువారీ ఎక్కువ డేటా, ఓటీటీ OTT ప్రయోజనాలు, యాప్ బెనిఫిట్స్ కావాలనుకునేవారికి Airtel మరింత అనుకూలంగా ఉంటుంది. అదే ఎక్కువ వాలిడిటీ, సమతౌల్యమైన డేటా అవసరాలున్న యూజర్లకు Jio ప్లాన్లు సరిపోతాయి. ఈ పోలికతో రూ.700 లోపు ఉన్న ప్లాన్లను యూజర్లు మరింత స్పష్టంగా అర్థం చేసుకుని, కాకపోతే గందరగోళం లేకుండా తమ అవసరాలకు సరిపోయే ఉత్తమ ఎంపిక చేసుకోవచ్చు.
