ACB Rides: ఏసీబీ వలలో చిక్కిన నాగిరెడ్డి పేట తహసీల్దార్

ACB Rides: అధికారికంగా సాయ పడేందుకు లంచం తీసుకున్న తహసిల్దార్(MRO) తోపాటు అతనికి సహకరించిన ప్రైవేట్​ వ్యక్తిని ఏసీబీ(ACB) అధికారులు రెడ్ హ్యాండెడ్ గా పట్టుకున్నారు. వివరాలు ఇలా ఉన్నాయి. కామారెడ్డి(kanmareddy) జిల్లా నాగిరెడ్డి(nagireddy Peta) పేట మండల తహసిల్దార్ గా యార్లగడ్డ శ్రీనివాస్ రావు(Yarlagadda Srinivas Rao) విధులు నిర్వర్తిస్తున్నారు. ఇటీవల ఓ వ్యక్తి తన తండ్రి పేర ఉన్న వ్యవసాయ భూమిని తన పేర మార్చాలని దరఖాస్తు చేసుకున్నాడు. దీనికి సంబంధించి నివేదికను అధికారులకు పంపించాలని కోరాడు.

Also Read: Gongidi Sunitha: మేము కన్నెర్ర చేస్తే గ్రామాల్లో తిరగలేవు జాగ్రత్త: గొంగిడి సునీత ఫైర్..!

50వే రూపాయలు

ఈ పని చేసి పెట్టటానికి శ్రీనివాస్ రావు లంచం డిమాండ్ చేశాడు. నేరుగా డబ్బు తీసుకోకుండా చిన్నూరి అజయ్(Chinnuri Ajay) అనే ప్రైవేట్ వ్యక్తికి డబ్బు ఇవ్వాలని సూచించాడు. ఈ క్రమంలో మంగళవారం చిన్నూరి అజయ్ లంచం డబ్బు 50వే రూపాయలను తీసుకుంటుండగా అప్పటికే అందిన సమాచారంతో మాటు వేసిన ఏసీబీ(ACB) అధికారులు రెడ్ హ్యాండెడ్ గా పట్టుకున్నారు. విచారణలో శ్రీనివాస్ రావు చెప్పినందునే ఆ డబ్బు తీసుకున్నట్టు అజయ్ చెప్పటంతో ఆయనను కూడా అరెస్ట్ చేశారు. ఇద్దరిపై కేసులు నమోదు చేసి నాంపల్లిలోని ఏసీబీ కేసుల ప్రత్యేక కోర్టులో హాజరు పరిచి జైలుకు రిమాండ్​ చేశారు.

Also Read: TVK – congress: డీఎంకే ముందు కాంగ్రెస్ కీలక డిమాండ్.. విజయ్ పార్టీ వైపు హస్తం పార్టీ చూస్తోందా?