India vs South Africa: భారత్ వర్సెస్ దక్షిణాఫ్రికా తొలి వన్డేలో టాస్ పడింది.. బ్యాటింగ్ ఎవరిదంటే

India vs South Africa: రాంచీ వేదికగా భారత్ వర్సెస్ దక్షిణాఫ్రికా జట్ల (India vs South Africa) మధ్య తొలి వన్డేలో టాస్ పడింది. దక్షిణాఫ్రికా కెప్టెన్ మార్క్‌రమ్ టాస్ గెలిచి ఫీల్డింగ్ ఎంచుకున్నాడు. ఆతిథ్య భారత్‌ను బ్యాటింగ్‌కు ఆహ్వానించాడు. ఈ సిరీస్‌లో భారత కెప్టెన్‌గా కేఎల్ రాహుల్ వ్యవహరిస్తున్నాడు.

తుది జట్లు ఇవే

దక్షిణాఫ్రికా: రియన్ రికెల్టన్, క్వింటన్ డికాక్ (వికెట్ కీపర్), ఐడెన్ మార్క్రమ్ (కెప్టెన్), మాథ్యూ బ్రీట్జ్కే, టోనీ డి జోర్జీ, డెవాల్డ్ బ్రేవిస్, మార్కో జాన్సన్, కార్బిన్ బోష్, ప్రెనెలిన్ సుబ్రయెన్, నాండ్రే బర్గర్, ఆట్నీల్ బర్ట్‌మాన్.

భారత్: రోహిత్ శర్మ, యశస్వి జైస్వాల్, విరాట్ కోహ్లీ, రుతురాజ్ గైక్వాడ్, వాషింగ్టన్ సుందర్, కేఎల్ రాహుల్ (వికెట్ కీపర్, కెప్టెన్), రవీంద్ర జడేజా, హర్షిత్ రాణా, కుల్దీప్ యాదవ్, అర్షదీప్ సింగ్, ప్రసిద్ధ్ కృష్ణ.

Read Also- Abhishek Sharma: 12 బంతుల్లో హాఫ్ సెంచరీ.. 32 బంతుల్లో శతకం.. అభిషేక్ శర్మ విధ్వంసకర బ్యాటింగ్

ముగ్గురు స్పిన్నర్లు.. ముగ్గురు పేసర్లు

ఇక భారత కెప్టెన్ కేఎల్ రాహుల్ మాట్లాడుతూ, టాస్ గెలిచి ఉంటే తాము కూడా ముందుగా బౌలింగ్ చేసేవాళ్లమని అన్నాడు. ప్రాక్టీస్ బాగానే చేశామని, చాలా మంది ఆటగాళ్లు తిరిగి జట్టులోకి రావడంతో వాతావరణం ఉత్సాహంగా ఉందని తెలిపాడు. మ్యాచ్‌ను ఆస్వాదించాలని అనుకుంటున్నామని, నైపుణ్యాలను పరీక్షించుకోవడానికి ఇదొక గొప్ప అవకాశంగా భావిస్తున్నామని చెప్పాడు. తమ జట్టులో ఇవాళ ముగ్గురు స్పిన్నర్లు, ముగ్గురు ఫాస్ట్ బౌలర్లు ఉంటారని వెల్లడించాడు.

Read Also- Telangana Power: ఆర్థిక నష్టాల ఊబిలో కొట్టుమిట్టాడుతున్న విద్యుత్ సంస్థలు.. మళ్లీ చార్జీల పెంచేనా..!

బవూమాకు విశ్రాంతి

టాస్ సందర్భంగా ఐడెన్ మార్క్రమ్ మాట్లాడుతూ, ముందుగా బౌలింగ్ చేస్తామని చెప్పాడు. రాత్రి వేళ మంచు కురుస్తుంది కాబట్టి, సెకండ్ బ్యాటింగ్ చేయడం కొంచెం సులభంగా మారుతుందని ఆశాభావం వ్యక్తం చేశాడు. జట్టులో కొత్త ఆటగాళ్లు ఉన్నారని, డ్రెస్సింగ్ రూమ్‌ వాతావరణం ఉత్సాహంగా ఉందని తెలిపాడు. 2027 వన్డే ప్రపంచకప్‌కు ఇంకా సమయం ఉన్నప్పటికీ, ప్రపంచంలోనే అత్యుత్తమ జట్లలో ఒకటైన భారత్‌ను ఎదుర్కొంటున్నామని చెప్పాడు. ఈ మ్యాచ్‌లో తుది జట్టు విషయానికి వస్తే, జట్టులో సుబ్రాయన్ ఒక్కడే స్పిన్నర్ అని, తాను కూడా కొన్ని ఓవర్లు బౌలింగ్ చేస్తానని చెప్పాడు. తెంబా బవూమా, మహరాజ్‌లకు విశ్రాంతి తీసుకున్నారని, నలుగురు పేసర్లతో బరిలోకి దిగుతున్నామని వివరించాడు.

కలిసిరాని టాస్..

టీమిండియా టాస్ ఓటముల పరంపర కొనసాగుతోంది. ఆ దురదృష్టం ఇంకా వెంటాడుతూనే ఉంది. 2023 వన్డే ప్రపంచకప్ ఫైనల్ (అహ్మదాబాద్) నుంచి మొదలైన ఈ వరుస టాస్ ఓటముల పరంపర రాంచీ వన్డేలోనూ రిపీట్ అయ్యింది. ఈ మ్యాచ్‌తో కలిపి వరుసగా 19 వన్డేలలో భారత్ టాస్ ఓడిపోయింది. వన్డే క్రికెట్ చరిత్రలో టాస్ కోల్పోయిన అత్యంత చెత్త రికార్డుగా ఇప్పటికే రికార్డు నమోదయింది. గతంలో నెదర్లాండ్స్ జట్లు 2011 మార్చి నుంచి 2013 ఆగస్టు మధ్య వరుసగా 11 వన్డేల్లో టాస్ ఓడిపోయింది. ఆ రికార్డును దాటిపోయి మరీ భారత జట్టును దురదృష్టం వెంటాడుతోంది.