BRS Diksha Divas: తెలంగాణ రాష్ట్రం కోసం కేసీఆర్ చేసిన త్యాగం కృషి మరువలేనిది: ఎమ్మెల్యే సునీతా లక్ష్మారెడ్డి

BRS Diksha Divas: మాజీ డిప్యూటీ స్పీకర్, మెదక్ జిల్లా బిఆర్ఎస్ పార్టీ అధ్యక్షురాలు యం. పద్మ దేవేందర్ రెడ్డి(Padma Devender Reddy) ఆధ్వర్యంలో దీక్ష దివాస్ కార్యక్రమం శనివారం మెదక్ జిల్లా పార్టీ కార్యాలయంలో ఘనంగా జరిగాయి. ఈ సందర్భంగా జిల్లా పార్టీ అధ్యక్షురాలు పద్మదేవేందర్ రెడ్డి, నర్సాపూర్ ఎమ్మెల్యే సునీత లక్ష్మారెడ్డి(MLA Sunitha Laxma Reddy), మాజీ ఎమ్మెల్సీ శేరి.సుభాష్ రెడ్డి(MLC Subash Reddy), మాజీ ఎమ్మెల్యే శశిధర్ రెడ్డి, మున్సిపల్ మాజీ చైర్మన్ మల్లికార్జున గౌడ్, పట్టణ పార్టీ కన్వీనర్ మామిళ్ళ ఆంజనేయులు,మాజీ గ్రంథాలయ చైర్మన్ చంద్ర గౌడ్, పీఏసిఎస్ చైర్మన్ సిహెచ్.హనుమంత్ రెడ్డి, జిల్లా నాయకులతో కలసి జిల్లా పార్టీ కార్యాలయ ప్రాంగణంలో ఏర్పాటుచేసిన అమరుల స్థూపానికి నివాళులు అర్పించారు. తెలంగాణ తల్లి చిత్రపటానికి పూలమాలలు వేశారు. కెసిఆర్ చిత్రపటానికి పాలాభిషేకం చేశారు.

మలివిడత ఉద్యమ చరిత్రలో..

అనంతరం ఉద్యమం నాటి ఫోటో ఎగ్జిబిషన్ ప్రారంభించి నాయకులు కార్యకర్తలతో తిలకించారు.ఈ సందర్బంగా తెలంగాణ రాష్ట్ర సాధన దశా దిశను మార్చిన అపురూప గట్టమే దీక్ష దివస్ అని మెదక్(Medak) జిల్లా బిఆర్ఎస్ పార్టీ అధ్యక్షురాలు పద్మా దేవేందర్ రెడ్డి, నర్సాపూర్ ఎమ్మెల్యే సునీత లక్ష్మారెడ్డి వ్యాఖ్యానించారు. తెలంగాణ మలివిడత ఉద్యమ చరిత్రలో దీక్షా దివస్ ఒక మహత్తర ఘట్టంగా నిలిచిందని పేర్కొన్నారు. తెలంగాణ రాష్ట్రం కోసం జరిగిన పోరాటంలో కేసీఆర్(KCR) చేసిన త్యాగం, కృషి ఏనాడూ మరువలేనిది. ‘కేసీఆర్ సచ్చుడో… తెలంగాణ వచ్చుడో’ అన్న ధృఢ సంకల్పంతో ఆయన చేపట్టిన ఆమరణ నిరాహార దీక్ష ప్రజా ఉద్యమానికి నూతన దిశను చూపింది” అని గుర్తుచేశారు.అరవై ఏళ్ల తెలంగాణ ప్రజల ఆకాంక్ష సాకారానికి ఆ దీక్ష బలమైన ఆయుధంగా నిలిచిందని అన్నారు. కేసీఆర్ సారథ్యంలో సబ్బండ వర్గాలన్నీ ఏకమై ఉద్యమాన్ని విజయవంతం చేయడానికి అండగా నిలిచాయని గుర్తు చేశారు.

Also Read: Telangana Cabinet: సీఎం రేవంత్ సంచలనం.. ఆ ఐదుగురు మంత్రుల తొలగింపు.. కొత్తవారికి ఛాన్స్..!

11 రోజుల కఠోర దీక్షకు..

సబ్బండ వర్గాలను ఒకతాటిపైకి తీసుకువచ్చి, ఉద్యమానికి మలుపుతిప్పిన రోజు నవంబర్ 29 ఎప్పటికీ చారిత్రాత్మకంగా నిలుస్తుంది. ఈ దినం భవిష్యత్ తరాలకు స్ఫూర్తినిచ్చేలా అందరం కలిసి కృషి చేయాలని పిలుపునిచ్చారు..తెలంగాణ నలు దిక్కులను ఏకం చేసిందే దీక్షా దివాస్ అని కొనియాడారు. 11 రోజుల కఠోర దీక్షకు దక్కిన ఫలితమే తెలంగాణ రాష్ట్రమని పేర్కొన్నారు.2009 నవంబర్ 29 చరిత్ర మలుపు తిప్పిన రోజు.. చారిత్రాత్మక రోజు అని అన్నారు. నవంబర్ 29 కేసీఆర్ దీక్ష ఫలితం, అమరుల త్యాగ ఫలితం తెలంగాణ రాష్ట్రం అని పేర్కొన్నారు. నవంబర్ 29 లేకపోతే డిసెంబర్ 9 లేదు.. డిసెంబర్ 9 లేకపోతే జూన్ 2 లేదని అన్నారు. జూన్ 2 లేకపోతే తెలంగాణ ఎక్కడిది రేవంత్ రెడ్డి(Reavanth Reddy)కి సీఎం పదవి ఎక్కడిది అని ప్రశ్నించారు. ఈ కార్యక్రమంలో మెదక్ జిల్లాలోని వివిధ మండలాల పార్టీ అధ్యక్షులు,మాజీ జెడ్పిటిసిలు, ఎంపీపీలు, మున్సిపల్ కౌన్సిలర్లు, మాజీ సర్పంచ్ లు ఉద్యమకారులు, బిఆర్ఎస్ పార్టీ నాయకులు తదితరులు పాల్గొన్నారు.

Also Read: Mrunal Thakur: మా అమ్మను దారుణంగా అవమానించారు.. మృణాల్