Hong Kong Fire: 128 మందిని బలి తీసుకున్న హాంకాంగ్ అగ్ని ప్రమాదం కేసులో మరో ఎనిమిది మంది అరెస్ట్

Hong Kong Fire: హాంకాంగ్‌ తై పో జిల్లాలోని వాంగ్ ఫుక్ కోర్ట్‌ నివాస సముదాయంలో సంభవించిన భారీ అగ్ని ప్రమాదం కేసులో విచారణ వేగవంతం చేశారు.  భవన మరమ్మత్తులు, నిర్వహణ పనుల్లో అవినీతి జరిగి ఉండొచ్చని అనుమానాల నేపథ్యంలో హాంకాంగ్‌ ఇండిపెండెంట్ కమిషన్ అగెనెస్టు కరప్షన్ (ICAC) తాజాగా మరో ఎనిమిది మందిని అరెస్ట్ చేసినట్టు అధికారులు శుక్రవారం వెల్లడించారు.

అరెస్ట్ అయిన వారిలో ఇంజనీరింగ్ కన్సల్టెంట్లు, స్కాఫోల్డింగ్‌ సబ్‌ కాంట్రాక్టర్లు, ఒక మిడిల్‌మ్యాన్ ఉన్నట్టు సమాచారం. వీరిపై భవన మరమ్మత్తుల పనుల్లో అక్రమాలు, నిర్లక్ష్యం, నాసిరకం మెటీరియల్స్ వినియోగం వంటి అనుమానాలపై ICAC దర్యాప్తు కొనసాగిస్తోంది.

ఘోరంగా మంటలు చెలరేగిన ఈ ఘటనలో ఇప్పటివరకు 128 మంది మృతి చెందినట్లు అధికారి నివేదికలు చెబుతున్నాయి. ఇంకా సుమారు 200 మంది కనిపించకుండా పోయినవారిగా నమోదు కాగా, వారిని వెతికే ప్రక్రియ కొనసాగుతోంది. 42 గంటల పాటు పోరాడిన అగ్నిమాపక సిబ్బంది చివరకు మంటలను అదుపులోకి తెచ్చినట్టు నివేదికలో పేర్కొన్నారు. అలాగే 79 మంది గాయపడినట్టు హాంకాంగ్ సెక్యూరిటీ సెక్రటరీ క్రిస్ టాంగ్ ప్రకటించారు.

Also Read: Bhagyashri Borse: సినిమా ప్రమోషనా? ప్రీ వెడ్డింగ్ షూటా?.. భాగ్యశ్రీ షేర్ చేసిన ఫొటోపై నెటిజన్ల కామెంట్స్ వైరల్!

1983లో నిర్మితమైన వాంగ్ ఫుక్ కోర్ట్‌ ఆర్థికంగా బలహీన వర్గాల కోసం ఉన్న భారీ గృహ సముదాయం. 1,984 యూనిట్లలో దాదాపు 4,000 మంది నివసిస్తున్నారు. ప్రమాదం జరిగిన సమయంలో మొత్తం ఎనిమిది భవనాలు ఒకేసారి గ్రీన్‌ మెష్‌, స్కాఫోల్డింగ్‌తో కప్పబడి ప్రధాన పునరుద్ధరణ పనులు జరుగుతున్నాయి. స్కాఫోల్డింగ్‌పై మంటలు మొదలై ఒక్క భవనంలో నుంచి మరో ఆరు భవనాలకు వేగంగా వ్యాపించాయని షిన్హువా వెల్లడించింది.

Also Read: Cold Wave: స్వెటర్లు రెడీ చేసుకోండి.. తెలంగాణ వాసులను గజగజ వణికించబోతున్న చలి.. లేటెస్ట్ అప్‌డేట్ ఇదే

ఇక గురువారం, ఈ పునరుద్ధరణ పనులకు సంబంధించి ముగ్గురు వ్యక్తులను పోలీసులు “గ్రాస్ నెగ్లిజెన్స్”అనుమానిత హత్య కేసులో అరెస్ట్ చేశారు. భవనాలపై అమర్చిన పాలిస్టైరిన్ బోర్డులు, ఇతర నిర్మాణ సామగ్రి భద్రతా ప్రమాణాలకు అనుగుణంగా లేవని ప్రాథమిక విచారణలో తేలింది.

Also Read: Bigg Boss Telugu 9: కెప్టెన్సీ కోసం డైరెక్ట్‌గా నాతో తలపడు.. డిమోన్‌కు కళ్యాణ్ సవాల్.. ఏం ప్లాన్ చేశావ్ సంజన?

“ఈ పాలిస్టైరిన్ బోర్డులు అత్యంత దహనశీలం. మంటలు ఎంతో వేగంగా విస్తరించడానికి ఇవే ప్రధాన కారణం,” అని హాంకాంగ్ ఫైర్ సర్వీసెస్ డైరెక్టర్ ఆండి యెంగ్ తెలిపారు. నివాస భవనాల కిటికీలపై ఇటువంటి పదార్థాలు ఉండటం “అసాధారణం” అని, దీనిపై పూర్తి స్థాయి దర్యాప్తు అవసరమని అన్నారు.

ఈ విషాదం నేపథ్యంలో, హాంకాంగ్ ప్రభుత్వం నగరవ్యాప్తంగా జరుగుతున్న అన్ని పునరుద్ధరణ పనుల్లో వినియోగిస్తున్న స్కాఫోల్డింగ్‌, నిర్మాణ సామగ్రిపై అత్యవసర భద్రతా తనిఖీలు నిర్వహించడానికి ఆదేశాలు జారీ చేసింది.