Bhagyashri Borse: యంగ్ హీరో రామ్ పోతినేని (Ram Pothineni), టాలీవుడ్ నయా సెన్సేషన్ భాగ్యశ్రీ బోర్సే (Bhagyashri Borse) జోడీ ప్రస్తుతం సోషల్ మీడియాలో హాట్ టాపిక్‌గా మారింది. ఈ జంట కలిసి నటించిన ‘ఆంధ్ర కింగ్ తాలుకా’ (Andhra King Taluka) చిత్రం తాజాగా విడుదలై పాజిటివ్ టాక్‌ను దక్కించుకోవడంతో, సినిమా ప్రమోషన్స్‌లో భాగంగా ఇద్దరూ చురుకుగా పాల్గొంటున్నారు. ఈ ప్రమోషన్స్ సందర్భంగా భాగ్యశ్రీ తన సోషల్ మీడియాలో షేర్ చేసిన ఒక ఫొటోపై నెటిజన్ల కామెంట్స్ ఇప్పుడు విపరీతంగా వైరల్ అవుతున్నాయి. ఆమె షేర్ చేసిన ఫొటోలో రామ్ పోతినేని వైన్ రెడ్ కలర్ సూట్, హుడ్ ధరించి స్టైలిష్‌గా కనిపిస్తుండగా.. భాగ్యశ్రీ బోర్సే నలుపు రంగు దుస్తులు, లాంగ్ కోట్‌లో అంతే స్టైలిష్‌గా నవ్వుతూ కనిపిస్తోంది. ఇద్దరూ ఒకరినొకరు చూసుకుంటూ చిరునవ్వులు చిందిస్తున్నట్లుగా ఉన్న ఈ ఫొటో చూసిన నెటిజన్లు రకరకాల కామెంట్లతో హోరెత్తిస్తున్నారు.

Also Read- Bigg Boss Telugu 9: బిగ్ బాస్ తెలుగు సీజన్ 9లో చివరి కెప్టెన్ ఎవరంటే.. ప్రోమో వచ్చేసింది!

ప్రమోషన్ కాదు.. ప్రీ వెడ్డింగ్ షూట్

సాధారణంగా సినిమా ప్రమోషన్స్ అంటే ఆ సినిమాకు సంబంధించిన విషయాలపైనే ఎక్కువగా దృష్టి పెడతారు. కానీ రామ్, భాగ్యశ్రీల మధ్య ఉన్న కెమిస్ట్రీ, ఆకర్షణీయమైన స్టైలిష్ లుక్స్ చూసి కొందరు నెటిజన్లు ఇది సినిమా ప్రమోషన్ కాదని, ‘ప్రీ వెడ్డింగ్ షూట్’లా ఉందని కామెంట్ చేస్తున్నారు. ‘ఇది నిజంగా సినిమా ప్రమోషనా లేక హనీమూన్ ట్రిప్ ఫోటో షూటా?’, ‘వావ్! ఈ జంట చాలా బాగుంది. పెళ్లికి సిద్ధమవుతున్న కపుల్‌లా ఉన్నారు’, ‘సినిమా స్క్రీన్‌పైనే కాదు, బయట కూడా వీరిద్దరి జోడీ అదుర్స్! డేటింగ్‌లో ఉన్నారా?’, ‘హనీమూన్‌కు వెళ్లిన కొత్త జంట భలే ఉన్నారు’ వంటి కామెంట్లు వెల్లువెత్తుతున్నాయి. వీరిద్దరూ ఆఫ్‌స్క్రీన్‌లో కూడా నిజంగానే డేటింగ్ చేస్తున్నారా? అనే సందేహాలు కూడా ఈ ఫొటో ద్వారా మరింతగా బలపడుతున్నాయి. వారి డ్రెస్సింగ్ స్టైల్, ఒకరిపై ఒకరికి ఉన్న శ్రద్ధ, చిలిపి నవ్వులు ఈ అనుమానాలకు మరింత ఆజ్యం పోస్తున్నాయి. మొత్తంగా చూస్తే.. ఈ ఫొటోతో భాగ్యశ్రీ బోర్సే టాలీవుడ్‌లో కొత్త చర్చకు దారి తీసిందని మాత్రం చెప్పొచ్చు.

Also Read- Annagaru Vostaru Teaser: కార్తి ‘అన్నగారు వస్తారు’ టీజర్ ఎలా ఉందంటే?

ఈ కామెంట్లపై స్పందిస్తారా?

భాగ్యశ్రీ బోర్సే విషయానికి వస్తే.. టాలీవుడ్‌కి ‘మిస్టర్ బచ్చన్’ సినిమాతో పరిచయమై, తక్కువ కాలంలోనే మంచి గుర్తింపు తెచ్చుకుంది భాగ్యశ్రీ బోర్సే. ప్రస్తుతం ఆమె వరుస అవకాశాలతో దూసుకుపోతోంది. విజయ్ దేవరకొండ ‘కింగ్‌డమ్’, దుల్కర్ సల్మాన్ ‘కాంత’ మూవీస్ అనంతరం, ఆమె రామ్ సరసన ‘ఆంధ్ర కింగ్ తాలుకా’తో ప్రేక్షకుల ముందుకు వచ్చారు. ఈ సినిమా విజయం సాధించడంతో, రామ్-భాగ్యశ్రీల జోడీపై కూడా మంచి అంచనాలు ఏర్పడ్డాయి. ఇక సోషల్ మీడియాలో వైరల్ అవుతున్న కామెంట్లపై రామ్ పోతినేని, భాగ్యశ్రీ బోర్సే ఏ విధంగా స్పందిస్తారనేది మాత్రం చూడాల్సి ఉంది. ప్రస్తుతానికి ఈ ఫొటో మాత్రం సోషల్ మీడియాలో ట్రెండింగ్‌లో ఉంది.

pic.twitter.com/lZApCAxJc9

— Bhagyashrii Borse (@BhagyashriBose) November 28, 2025

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు