Bigg Boss Telugu 9: ఈ వారం కెప్టెన్సీ కంటెండర్ షిప్ కోసం బిగ్ బాస్ (Bigg Boss) ఏ విధంగా ప్లాన్ చేశాడో అంతా చూస్తూనే ఉన్నారు. హౌస్‌లోకి వచ్చిన యోధులతో పోరాడి.. కళ్యాణ్, పవన్, ఇమ్మానుయేల్, దివ్య, సంజన, రీతూ కెప్టెన్సీ రేసులో స్థానం దక్కించుకున్నారు. భరణి, సుమన్ శెట్టి, తనూజ యోధులతో పోరాడి ఓడిపోయారు. ఇక కంటెండర్ షిప్‌‌ టాస్క్‌లలో విజయం సాధించిన హౌస్‌మేట్స్ అందరితో బిగ్ బాస్ టాస్క్‌లు ఆడించగా, అందులో కళ్యాణ్ (Kalyan), పవన్ (Demon Pavan) మాత్రమే ఫైనల్ టాస్క్ ఆడేందుకు అర్హతను సాధించారు. మిగతా అందరూ ఈ రేసు నుంచి అవుటయ్యారు. ఇక వారిద్దరిలో కెప్టెన్ ఎవరనే దానిపై ఉత్కంఠ నెలకొన్న నేపథ్యంలో తాజాగా వచ్చిన ప్రోమోతో.. హౌస్‌లో చివరి కెప్టెన్ (Bigg Boss Season 9 Last Captain) ఎవరో బిగ్ బాస్ క్లారిటీ ఇచ్చేశారు. అసలీ ప్రోమోలో ఏముందంటే..

Also Read- Annagaru Vostaru Teaser: కార్తి ‘అన్నగారు వస్తారు’ టీజర్ ఎలా ఉందంటే?

రోడ్ టు కెప్టెన్సీ

‘‘బిగ్ బాస్ సీజన్ 9 చివరి కెప్టెన్ అవడానికి పోటీ దారులకు ఇస్తున్న టాస్క్ ‘రోడ్ టు కెప్టెన్సీ’ (Road to Captaincy). గుంతలుగా ఉన్న తమ రోడ్డుని, వారికి ఇచ్చిన ఇసుక, కంకరను ఉపయోగించి, గుంతలను పూడ్చి లెవల్ చేయాలి’’ అని బిగ్ బాస్ ఇచ్చిన టాస్క్‌లో ఇద్దరూ పోటాపోటీగా తలపడ్డారు. కానీ, డిమోన్ పవన్ మాత్రం లాస్ట్‌కు వచ్చేసరికి నడుం నొప్పి రావడంతో పడిపోయాడు. ఈ లోపు కళ్యాణ్ తన టాస్క్‌ను పూర్తి చేసినట్లుగా ఈ ప్రోమోలో చూపించారు. పడిపోయిన పవన్‌ చుట్టూ చేరి, అతని నడుముకు మిగతా ఇంటి సభ్యులు మసాజ్ చేస్తున్నారు. రీతూ మాత్రం ఏడ్చేస్తుంది. హౌస్‌లో మొదటి నుంచి రీతూ, పవన్‌ల మధ్య ఎలాంటి బాండింగ్ ఉందో తెలియంది కాదు. టాస్క్ మధ్యలో పవన్ పడిపోతే.. లేవరా అంటూ రీతూ అరిచింది. నడుం నొప్పి పెడుతుంది అంటూ పవన్ చెప్పినా.. మరి కెప్టెన్ అవ్వవా? అంటూ రీతూ అడగడం, పవన్ పోడిపోవడంతో పక్కకి వెళ్లి ఏడ్వడం ఈ ప్రోమోలో గమనించవచ్చు. మొత్తంగా అయితే బిగ్ బాస్‌ సీజన్ 9 చివరి కెప్టెన్‌గా కళ్యాణ్ నిలిచినట్లుగా ఈ ప్రోమో స్పష్టం చేస్తోంది.

Also Read- Bigg Boss Telugu 9: కెప్టెన్సీ కోసం డైరెక్ట్‌గా నాతో తలపడు.. డిమోన్‌కు కళ్యాణ్ సవాల్.. ఏం ప్లాన్ చేశావ్ సంజన?

తనూజ తీరేం బాలేదు..

వాస్తవానికి ఈ వారం కెప్టెన్ అవ్వాలని ప్రతి ఒక్కరూ ఎంతగానో పోరాటం చేశారు. భరణి, తనూజ, సుమన్ శెట్టి కూడా బాగానే పోరాడారు కానీ, విన్నర్ కాలేకపోయారు. ఇక విన్ అయినా ఏం లాభంలే అన్నట్లుగా.. చాలా సింపుల్‌గా కెప్టెన్సీ కంటెండర్ షిప్‌ని సాధించిన వారిని పొడిచేశారు. మరీ ముఖ్యంగా దివ్య, సంజనలను కావాలని ఈ రేసులో నుంచి పోయేలా తనూజ, రీతూ వ్యవహరించిన తీరుపై ఆడియెన్స్ కూడా గరంగరంగా ఉన్నారు. మరీ ముఖ్యంగా తనూజ ప్రవర్తన ఈ టాస్క్‌లో అసలేం బాలేదు అని అంతా కామెంట్స్ చేస్తుండటం విశేషం. ఇక కళ్యాణ్ మాత్రం.. స్ట్రాంగ్ కంటెస్టెంట్‌ని ఓడించి కెప్టెన్ అవుతానని పవన్‌ని సెలక్ట్ చేసుకుని, అతడిని ఓడించి కెప్టెన్ అయినందుకు.. నెటిజన్లు ప్రశంసలు కురిపిస్తున్నారు.