Bigg Boss Telugu 9: ‘‘బిగ్ బాస్ హౌస్లో చివరి కెప్టెన్సీ కోసం జరుగుతున్న ఈ సంగ్రామంలో ఇప్పటి వరకు నేను పంపించిన యోధులతో మీరంతా అలుపెరుగని పోరాటం చేశారు. ఈ పోరాటం తమ ధైర్యం, బుద్ధి, స్ట్రాటజీలతో చాంపియన్స్ను కూడా తమ ముందు మోకరిల్లేలా చేసి, విజయ పతాకాన్ని ఎగుర వేశారు’’ అంటూ శుక్రవారం బిగ్ బాస్, కెప్టెన్సీ రేసులో లేని సభ్యులు.. కెప్టెన్సీ కంటెండర్ షిప్లో ఉన్న వారిలో ఎవరు కెప్టెన్గా ఉండాలని అనుకుంటున్నారో వాళ్లకి నైఫ్ని ఇచ్చి, వారితో వేరొకరిని ఈ రేసు నుంచి తొలగించే టాస్క్ ఆడిస్తున్నారు. ఈ టాస్క్లో సుమన్ శెట్టి మొదట నైఫ్ అందుకుని రీతూకి ఇచ్చాడు. రీతూ ఆ నైఫ్తో సంజనని రేసు నుంచి లేకుండా చేసింది. దీంతో వారిద్దరి మధ్య బీభత్సమైన యుద్ధం నడుస్తోంది. మండే రోజు ఎలా అయితే రీతూని సంజన (Sanjjanaa) టార్గెట్ చేసిందో.. సేమ్ మరోసారి అదే పాయింట్తో ఆమెతో వాదించింది. ఆ తర్వాత నైఫ్ని భరణి (Bharani) అందుకుని, పవన్ (Demon Pavan)కు ఇచ్చాడు. ఇమ్మానుయేల్ను పవన్ రేసు నుంచి లేకుండా చేశాడు. దీంతో వారిద్దరి మధ్య కూడా సీరియస్ ఫైట్ నడుస్తుంది. దీంతో ఇమ్ము కూడా ఈ రేసు నుంచి అవుటయ్యాడు.
Also Read- NBK111: చరిత్ర సృష్టించేవాడు ఒక్కడే.. ‘NBK111’ లాంచ్లో బాలయ్య చెప్పిన పవర్ ఫుల్ డైలాగ్ ఇదే!
దమ్ముంటే నాతో ఆడి గెలువ్
ఇక తాజాగా వచ్చిన ప్రోమోని గమనిస్తే.. ఇదే టాస్క్ కంటిన్యూ అవుతోంది. భరణి, సుమన్ శెట్టి నైఫ్ ఛాన్స్ అయిపోవడంతో తనూజ, ఇమ్ము, సంజన నైఫ్ కోసం పరుగులు పెడుతున్నారు. ఈసారి తనూజకి నైఫ్ దొరికింది. రీతూకి తనూజ నైఫ్ని ఇవ్వగా, ఆమె దివ్యని రేసులో నుంచి తీసేసింది. దివ్య, రీతూల మధ్య వాగ్వివాదం నడుస్తుంది. దమ్ముంటే నాతో ఆడి గెలువ్ అని దివ్య సవాల్ విసిరింది. భయపడే అంతా చేస్తున్నావ్ అంటూ.. రీతూకి దివ్య ఇచ్చి పడేసింది. రెండు వారాలుగా ఎవరో ఒకరు ఇమ్యునిటీ ఇస్తూనే ఉన్నారు. మళ్లీ బుద్ధి ఉన్నవాళ్లు ఎవరైనా ఇమ్యునిటీ ఇస్తారా? అంటూ తనూజకు కూడా తగిలేలా దివ్య కౌంటర్లు వేసింది. దివ్య, ఇమ్ము, సంజన నైఫ్ కోసం వెళ్లగా సంజనకు నైఫ్ దొరికింది.
Also Read- Mokshagna Teja: మళ్లీ వార్తల్లోకి నందమూరి వారసుడి ఎంట్రీ.. దర్శకుడు ఫిక్సయ్యాడా!
డైరెక్ట్గా నాతో తలపడు..
కళ్యాణ్ (Kalyan) నీకు నైఫ్ ఇస్తే ఎవరిని పొడుస్తావ్? అని సంజన అడిగింది. కాస్త ఆలోచించుకుని చెబుతానన్న కళ్యాణ్.. పోటీగా ఉన్న పవన్తో డిస్కస్ చేస్తున్నాడు. నీకు కత్తి ఇస్తే.. నువ్వు ఎవరిని పొడుస్తావ్ అని అడుగుతున్నాడు. నీతో ఫైట్ చేయడానికి నేను రెడీ అని పవన్ అనగానే.. అయితే రీతూని పొడుస్తానని చెప్పి, ఆమెని రేసులో నుంచి తీసేశాడు. కంటెండర్ అవడం కాదు, డైరెక్ట్గా నాతో కెప్టెన్సీ కోసం తలపడమని పవన్కు ఛాన్స్ ఇస్తున్నానని కళ్యాణ్ వివరణ ఇచ్చాడు. రీతూ కామ్ అయింది. ఇక్కడ సంజన చాలా తెలివిగా ప్లాన్ చేసిందని చెప్పుకోవచ్చు. ఫైనల్గా కెప్టెన్సీ కోసం కళ్యాణ్, పవన్ తలపడనున్నారు. మరి వారిద్దరిలో ఈ వారం ఎవరు కెప్టెన్ అవుతారనేది తెలియాలంటే మాత్రం.. ఇంకొన్ని గంటలు వెయిట్ చేయాల్సిందే.
స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు
