WPL Auction: భారీ ధర పలికిన దీప్తి శర్మ.. ఎవరి ధర ఎంత?.. ప్లేయర్ల లిస్ట్ ఇదే!

WPL Auction: క్రికెట్ అభిమానులు ఆసక్తిగా ఎదురుచూస్తున్న ఉమెన్స్ ప్రీమియర్ లీగ్ వేలం (WPL Auction) గురువారం జరిగింది. ఈ వేలంలో పలువురు క్రీడాకారిణిలు భారీ ధర పలికారు. టీమిండియా ఆల్‌రౌండర్ దీప్తి శర్మ (Deepthi Sharma) అత్యధిక ధర పలికింది. యూపీ వారియర్జ్ (UP Warriorz) ఆమెను ఏకంగా రూ. 3.2 కోట్లకు దక్కించుకుంది. ఆర్టీఎం (రైట్-టు-మ్యాచ్) కార్డు ద్వారా తిరిగి దక్కించుకుంది. ఇక, న్యూజిలాండ్ క్రికెటర్ అమేలియా కెర్ అత్యధిక ధర పలికిన రెండవ క్రీడాకారిణిగా నిలిచింది. ఆమెను ముంబై ఇండియన్స్ రూ.3 కోట్లకు దక్కించుకుంది. ఖాతాలో ఉన్న మొత్తం డబ్బులో సగానికి పైగా అమేలియా కోసం ముంబై ఇండియన్స్ ఖర్చు చేసింది.

Read Also- Congress 2014 defeat: కాంగ్రెస్ ఓటమికి సీఐఏ, మొస్సాద్ కుట్ర.. కాంగ్రెస్ మాజీ ఎంపీ సంచలన వ్యాఖ్యలు

ఢిల్లీ క్యాపిటల్స్ జట్టు ఇంగ్లాండ్ స్పిన్నర్ సోఫీ ఎక్లెస్టోన్‌ను కేవలం రూ. 85 లక్షలకే దక్కించుకుంది. ఉమెన్స్ వరల్డ్ కప్-2025లో అదరగొట్టిన దక్షిణాఫ్రికా కెప్టెన్ లారా వోల్వార్డ్‌ను కూడా ఢిల్లీ క్యాపిటల్ రూ. 1.1 కోట్లకు దక్కించుకుంది. గుజరాత్ జెయింట్స్ రేణుకా సింగ్‌ను రూ. 60 లక్షలకు తీసుకుంది. అన్నింటికంటే ఆశ్చర్యకరమైన విషయం ఏంటంటే, ఆస్ట్రేలియా కెప్టెన్ అలీసా హీలీ బేస్ ధర రూ. 50 లక్షలుగా ఉండగా, అమ్ముడుపోలేదు. ఆమెపై ఎవరూ ఆసక్తిచూపలేదు. అత్యధిక నగదు, నాలుగు ఆర్టీఎంలను ఉపయోగించుకున్న యూపీ వారియర్జ్ వేలం ఆరంభంలో కీలక ప్లేయర్లను దక్కించుకుంది.

శ్రీచరణికి రూ.1.30 కోట్లు

డబ్ల్యూపీఎల్ వేలం-2025లో తెలుగమ్మాయి శ్రీచరణికి మంచి రేటు దక్కింది. ఢిల్లీ క్యాపిటల్స్ జట్టు ఆమెను రూ.1.30 కోట్లకు దక్కింది. సోఫీ డివైన్‌ను గుజరాత్ టైటాన్స్ రూ.2 కోట్లకు, సోఫీ ఎక్సెల్‌స్టోన్‌ను యూపీ వారియర్జ్ రూ.85 లక్షలు, మెగ్ లానింగ్‌ను రూ.1.90 కోట్లకు యూపీ వారియర్జ్, భారతి ఫుల్మాలిని రూ.70 లక్షలకు గుజరాత్ టైటాన్స్, ఫొమీ లిచ్‌ఫీల్డ్‌ను యూపీ వారియర్జ్ రూ.1.20 కోట్లకు దక్కించుకున్నాయి.

Read Also- TG High Court: హైడ్రా కమిషనర్‌పై హైకోర్టు సీరియస్.. విచారణకు హాజరుకాకపోతే..

మిగతా ప్లేయర్లు.. వారి రేట్లు ఇవే

జార్జియా వోల్‌ (ఆర్సీబీ) రూ.60 లక్షలు, కిరణ్ నవగిరే (యూపీ వారియర్జ్) రూ.60 లక్షలు, గ్రేస్ హారిస్ (ఆర్సీబీ) రూ.75 లక్షలు, చినెల్లె హెన్రీ (డీసీ) రూ.1.20 కోట్లు, నాదిన్ డి క్లర్క్ (ఆర్సీబీ) రూ.65 లక్షలు, స్నేహ్ రాణా (డీసీ) రూ.50 లక్షలు, రాధా యాదవ్ (ఆర్సీబీ) రూ.65 లక్షలు, హర్లీన్ డియోల్ (యూపీ వారియర్జ్) రూ.50 లక్షలు చొప్పున అమ్ముడుపోయారు. ఇక, లిజెల్ లీ ( ఢిల్లీ క్యాపిటల్స్) రూ. 30 లక్షలు, లారెన్ బెల్ (ఆర్సీబీ) రూ.90 లక్షలు, క్రాంతి గౌడ్ (యూపీ వారియర్జ్) – రూ.50 లక్షలు, షాబ్నిమ్ ఇస్మాయిల్ (ముంబై ఇండియన్స్) రూ.60 లక్షలు, టిటాస్ సాధు (గుజరాత్ జెయింట్స్) రూ.30 లక్షలు, లిండ్సే స్మిత్ (ఆర్సీబీ) రూ. 30 లక్షలు, ఆశా సోభానా (యూపీ వారియర్జ్) రూ. 1.10 కోట్లు, దియా యాదవ్ (డీసీ) రూ. 10 లక్షలు, సంస్కృతి గుప్తా (ముంబై ఇండియన్స్) రూ.20 లక్షలు, ప్రీమా రావత్ (ఆర్సీబీ) రూ.20 లక్షలు, షిప్రా గిరి (యూపీ వారియర్జ్) రూ. 10 లక్షలు, మమత మడివాల ( ఢిల్లీ క్యాపిటల్స్) రూ.10 లక్షలు, హ్యాపీ కుమారి (గుజరాత్ జెయింట్స్) రూ.10 లక్షలు, నందిని శర్మ (ఢిల్లీ క్యాపిటల్స్) రూ.20 లక్షలు, డియాండ్రా డొటిన్ (యూపీ వారియర్జ్) రూ. 80 లక్షలు చొప్పున ఆయా యాజమాన్యాలు కొనుగోలు చేశాయి.