CBI Director Praveen Sood: హైదరాబాద్ వచ్చిన సీబీఐ డైరెక్టర్ ప్రవీణ్​ సూద్.. అందుకోసమేనా..?

CBI Director Praveen Sood: సీబీఐ డైరెక్టర్​ ప్రవీణ్​ సూద్​ శుక్రవారం హైదరాబాద్ వచ్చారు. కోఠిలోని సీబీఐ కార్యాలయంలో అధికారులతో సమావేశమయ్యారు. కాళేశ్వరం ప్రాజెక్ట్ అక్రమాల కేసును సీబీఐకి అప్పగిస్తూ ప్రభుత్వం నిర్ణయం తీసుకున్న కొన్ని రోజుల్లోనే ఆయన రావటం ఇటు పోలీస్.. అటు రాజకీయ వర్గాల్లో చర్చనీయంగా మారింది. గత బీఆర్​ఎస్(BRS) ప్రభుత్వం ఘనంగా చెప్పుకొన్న కాళేశ్వరం ప్రాజెక్ట్​ లోని మేడిగడ్డ బ్యారేజీ(Medigadda Byrage) పిల్లర్లు కట్టిన మూడేళ్లకే కూలిపోయిన విషయం తెలిసిందే.

కాంగ్రెస్​(Congress) అధికారంలోకి రాగానే దీనిపై మొదట విజిలెన్స్ విచారణకు ఆదేశాలు ఇచ్చింది. ఆ తరువాత సుప్రీం కోర్టు రిటైర్డ్ జస్టిస్​ పీ.సీ.ఘోష్​ కమిషన్(Justice P.C. Ghosh Commission) ను ఏర్పాటు చేసి న్యాయ విచారణ జరిపింది. అటు విజిలెన్స్​.. ఇటు పీ.సీ.ఘోష్​ కమిషన్​ జరిపిన విచారణల్లో ప్లానింగ్​, డిజైనింగ్​ లోపాలతోపాటు నాణ్యతను పాటించక పోవటం వల్లనే మేడిగడ్డ బ్యారేజీ పిల్లర్లు కుంగి పోయాయని నిర్ధారణ అయ్యింది.

Also Read; Viral video: అయ్యబాబోయ్.. దిల్లీ నడిబొడ్డున జలపాతం.. అది కూడా మెట్రో స్టేషన్‌లో..

 కోఠిలోని సీబీఐ కార్యాలయంలో

దాంతోపాటు ప్రాజెక్టులో భారీ స్థాయిలో అక్రమాలు జరిగినట్టుగా బయట పడింది. ఈ నేపథ్యంలో పీ.సీ.ఘోష్​ కమిషన్​ నివేదికను అసెంబ్లీలో ప్రవేశ పెట్టి చర్చ జరిపిన ప్రభుత్వం ఆ తరువాత కాళేశ్వరం ప్రాజెక్ట్ అక్రమాల కేసును సీబీఐ(CBI)కి అప్పగించాలని నిర్ణయించింది. ఈ మేరకు కేసును సీబీఐకి అప్పగిస్తూ ఉత్తర్వులు (జీవో నెంబర్ 104) కూడా జారీ చేసింది. ఇక, జీవో ప్రతి తమకు అందినట్టుగా సీబీఐ వర్గాలు కూడా నిర్ధారించాయి.

ఇది జరిగిన కొన్ని రోజులకే సీబీఐ డైరెక్టర్​ ప్రవీణ్​ సూద్(CBI Director Praveen Sood)​ హైదరాబాద్(Hyderabad) రావటం.. కోఠిలోని సీబీఐ కార్యాలయంలో అధికారులతో సమావేశం కావటం చర్చనీయంగా మారింది. సమావేశంలో కాళేశ్వరం ప్రాజెక్ట్(Kaleshwaram Project) అక్రమాల కేసుతోపాటు న్యాయవాద దంపతులు వామనరావు హత్యకు సంబంధించిన కేసుపై చర్చ జరిగినట్టుగా విశ్వసనీయ వర్గాల ద్వారా తెలిసింది.

Also Read: Niharika Konidela: సారీ అమ్మా! అంటూ నిహారిక పోస్ట్.. అల్లు శిరీష్ కామెంట్ వైరల్!