Seethakka: మేడారం జాతరలో భక్తులకు ఎలాంటి ఇబ్బందులు కలగకుండా ఏర్పాట్లు చేయాలి : మంత్రి సీతక్క!

Seethakka:  ఆసియా ఖండంలోనే అతిపెద్ద గిరిజన జాతరగా పేరుగాంచిన, తెలంగాణ కుంభమేళాగా నానుడి ఉన్న మేడారం జాతరలో ఈ ఏడాది భక్తులకు ఎలాంటి ఇబ్బందులు కలగకుండా అన్ని రకాల ఏర్పాట్లు చేయాలని తెలంగాణ పంచాయతీ రాజ్, గ్రామీణ అభివృద్ధి శాఖల మంత్రి సీతక్క అధికారులను ఆదేశించారు. గతంలో కంటే ఈ ఏడాది ఎక్కడ కూడా కాంప్రమైజ్ కాకుండా తెలంగాణ రాష్ట్ర ప్రభుత్వం మేడారం జాతర విషయంలో అన్ని రకాల జాగ్రత్త చర్యలను తీసుకొని మేడారం అభివృద్ధి పనుల పునరుద్ధరణ కార్యక్రమంలో ఎక్కడా కూడా ప్రభుత్వం భక్తులకు లోటు చేయకుండా అన్ని రకాల ఏర్పాట్లను చేస్తుందని మంత్రి సీతక్క అన్నారు.

కని విని ఎరుగని రీతిలో ఈ ఏడాది మేడారం జాతర

కని విని ఎరుగని రీతిలో ఈ ఏడాది మేడారం జాతర జరగనుందని పేర్కొన్నారు. గత ప్రభుత్వాల కంటే ఈసారి తెలంగాణ రాష్ట్ర సీఎం రేవంత్ రెడ్డి ఆదివాసీల ఆదర్శ దైవం సమ్మక్క, సారలమ్మ, పగిడిద్దరాజు, గోవిందరాజుల విగ్రహ పునరుద్ధరణ పనులను పాల రాతి విగ్రహాలతో పాటు ఆదివాసి సంప్రదాయాలు, సాంస్కృతికి సంబంధించిన 7000 రకాల చిహ్నాలను రాతి స్తంభాలపై రాష్ట్ర ప్రభుత్వం ప్రతిష్టాత్మకంగా తీసుకొని ఏర్పాటు చేస్తుందన్నారు. సీఎం రేవంత్ రెడ్డి నేతృత్వంలో సమ్మక్క సారలమ్మ జాతరకు అన్ని రకాల ఏర్పాట్లను సమకూర్చడంతో పాటు జాతరలో వనదేవతల విగ్రహాలను తరతరాలుగా ఉండే విధంగా ఏర్పాటు చేయడం 2014 నుంచి 2023 వరకు ఏలిన భారతీయ రాష్ట్ర సమితి నాయకులు ఆదివాసీల సంస్కృతిని విస్మరించి అభివృద్ధి చేయకపోవడంతో పాటు ప్రస్తుతం సీఎం రేవంత్ రెడ్డి చేస్తున్న అభివృద్ధిని ఓర్వలేక నానా రకాలుగా విమర్శిస్తున్నారని ఆరోపించారు.

Also Read: Seethakka: గ్రామాల్లో తాగునీటి సరఫరా పటిష్టం చేయాలి.. ఉన్నతాధికారులతో మంత్రి సీతక్క సమీక్ష!

కన్నెపల్లిలో సారలమ్మను దర్శించుకున్న మంత్రి సీతక్క

కాకతీయ రాజులను ఎదిరించి ఆదివాసీల హక్కుల కోసం పోరాడిన తల్లి సమ్మక్క బాటలోనే నడిచిన సారలమ్మ ను కన్నెపల్లిలో తెలంగాణ రాష్ట్ర మంత్రి సీతక్క దర్శించుకున్నారు. సాంప్రదాయ బద్ధంగా ఆదివాసీల పద్ధతి ప్రకారం పూజలు నిర్వహించారు. అక్కడ జరిగే ఆదివాసీల సాంప్రదాయ ప్రకారం మొక్కులు చెల్లించుకున్నారు. రానున్న సమ్మక్క సారలమ్మ జాతర పూర్తిస్థాయిలో భక్తులకు అన్ని రకాలుగా అనుకూలించాలని పూజలు చేశారు. వనదేవతలైన సమ్మక్క సారలమ్మ జాతరకు జిల్లా కలెక్టర్ దివాకర్ టిఎస్, ఎస్పీ సుధీర్ రామ్నాథ్ కేకన్ లు విశేషంగా పనిచేస్తున్నారని ప్రశంసించారు. ఎక్కడ కూడా అవాంఛనీయ ఘటనలతో పాటు, భక్తులకు అసౌకర్యం లేకుండా జిల్లా ఉన్నతాధికారులు పనిచేయడం గొప్ప విషయమని పేర్కొన్నారు. భక్తుల మన్ననలు పొందేలా ములుగు జిల్లా ఎస్పీ, కలెక్టర్లు పనిచేస్తున్నారని ప్రశంసించారు.

Also Read: Minister Seethakka: పంచాయతీ సవరణ బిల్లుల‌కు అసెంబ్లీ ఆమోదం.. ముఖ్య అంశాలివే..!