Epaper 
AI Shopping Tool: ప్రతీ ఏటా క్రిస్మస్, న్యూయర్ సందర్భంగా ప్రపంచ వ్యాప్తంగా పెద్ద ఎత్తున ఆన్ లైన్ షాపింగ్స్ జరుగుతుంటాయి. సెలవుల సీజన్ కావడంతో దుస్తులు, గ్యాడ్జెట్స్, ఎలక్ట్రానిక్ వస్తువులు, గృహోపకరణ సామాగ్రిని చాలా మంది కొనుగోలు చేస్తుంటారు. అయితే దీనిని గుర్తించిన ఏఐ కంపెనీలు.. రాబోయే హాలీడే సీజన్ కోసం షాపింగ్ కు అనువైన టూల్స్ ను అందుబాటులోకి తీసుకొస్తున్నాయి. గత నెలలో గూగుల్ జెమినీ (Google Gemini) ఏఐ మోడ్ లో షాపింగ్ టూల్ ను విడుదల చేసింది. ఓపెన్ ఏఐ (Open AI) కూడా చాట్ జీపీటీ (ChatGPT)లో ‘షాపింగ్ రీసెర్చ్’ (Shopping Research) పేరుతో టూల్ ను తీసుకొచ్చింది. తాజాగా ప్రముఖ ఏఐ సెన్సేషన్ పర్‌ప్లెక్సిటీ (Perplexity) సైతం కృత్రిమ మేధతో పనిచేసే షాపింగ్ టూల్ ను లాంచ్ చేసింది.
షాపింగ్ టూల్ ప్రత్యేకతలు
అమెరికాలోని శాన్ ఫ్రాన్సిస్కో కేంద్రంగా పనిచేస్తున్న పర్‌ప్లెక్సిటీ రాబోయే సెలవు సీజన్ ను దృష్టిలో పెట్టుకొని ఈ సరికొత్త షాపింగ్ ఫీచర్ ను అందుబాటులోకి తీసుకొచ్చింది. ఈ ఫీచర్ ఏ విధంగా పనిచేస్తుందో తన బ్లాగ్ లో తెలియజేసింది. యూజర్ అభిరుచికి సరిపడ వస్తువులను వెతికి ఇవ్వడం, వాటి ప్రత్యేకతలతో పాటు ఆ వస్తువును కొనడం వల్ల కలిగే ప్రయోజనాలు ఈ టూల్ క్షణాల్లో అందించనుంది. ప్రస్తుతం ఈ టూల్ అమెరికాలోని డెస్క్ టాప్ కంప్యూటర్లలో మాత్రమే అందుబాటులోకి వచ్చింది. త్వరలోనే ఆండ్రాయిడ్ (Android) యాపిల్ (iOS) వినియోగదారులకు కూడా విస్తరించనున్నారు.
ఫీచర్ ఎలా పనిచేస్తుందంటే?
పర్‌ప్లెక్సిటీ తీసుకొచ్చి సరికొత్త ఏఐ షాపింగ్ టూల్ ఏ విధంగా పనిచేస్తుందో ఇప్పుడు చూద్దాం. ఉదాహరణకు ఒక యూజర్ వింటర్ జాకెట్ లేదా రన్నింగ్ షూలను కొనుగోలు చేయాలని భావించాడు. అప్పుడు వింటర్ జాకెట్ లేదా రూ.5,000లోపు ఉత్తమ రన్నింగ్ షూలను చూపించమని పర్‌ప్లెక్సిటీని కోరాల్సి ఉంటుంది. అప్పుడు పర్‌ప్లెక్సిటీ గంపగుత్తగా అతడు కోరిన వస్తువులను చూపించకుండా.. వియోగదారుల అభిరుచులకు తగ్గట్లు ఉన్న ప్రొడక్ట్స్ ను ఫిల్టర్ చేసి కొద్ది మెుత్తంలో మాత్రమే చూపిస్తుంది. ఇందుకోసం గతంలో సదరు యూజర్ సెర్చ్ వస్తువుల డేటాను పరిగణలోకి తీసుకుంటుంది. యూజర్ తన ఆసక్తులను మరింత జోడించడం ద్వారా వాటి నుంచి మరింత ఉత్తమమైన వస్తువును ఎంపిక చేసుకోవడానికి వీలు కలుగుతుంది.
Today, we’re launching a new personalized shopping experience in Perplexity.
Users now enjoy curated product recommendations with Instant Buy powered by @PayPal. pic.twitter.com/H0B1JR6W32
— Perplexity (@perplexity_ai) November 25, 2025
Also Read: Pawan Kalyan: మీకు వరాలు ఇవ్వడానికి.. నేనేం సీఎం కాదు.. రైతులతో పవన్ ఆసక్తిర వ్యాఖ్యలు
చెల్లింపులకు పేపాల్‌తో ఒప్పందం
యూజర్ తమకు నచ్చిన వస్తువును వేగంగా, సులభంగా కొనుగోలు చేసేందుకు పేపాల్ తో పర్‌ప్లెక్సిటీ భాగస్వామ్య ఒప్పందం కుదుర్చుకుంది. యూజర్లు.. పేమెంట్ ఆప్షన్స్ కింద క్రెడిట్ కార్డ్ (Credite Card), డెబిట్ కార్డు (Debite Card)లతో పాటు పేపాల్ కూడా అందుబాటులో ఉండనుంది. మరోవైపు ఈ షాపింగ్ టూల్.. వ్యాపారులకు కూడా ప్రయోజనకరంగా ఉంటుందని పర్‌ప్లెక్సిటీ తెలిపింది. తమ వస్తువుకు సంబంధించిన పాజిటివ్ సమాచారం క్షణాల్లోనే ప్రత్యక్షం కావడంతో యూజర్ వెంటనే ఆ ప్రాడక్ట్ ను కొనుగోలు చేసే అవకాశాలు మెరుగవుతాయని పేర్కొంది.
