Epaper 
Pawan Kalyan: ఆంధ్రప్రదేశ్ ఉపముఖ్యమంత్రి పవన్ కళ్యాణ్ అంబేద్కర్ కోనసీమ జిల్లాలో పర్యటిస్తున్నారు. కేశనపల్లిలోని శంకరగుప్తం ప్రాంతంలో దెబ్బతిన్న కొబ్బరి తోటలను స్వయంగా వెళ్లి పరిశీలించారు. పంట నష్టానికి సంబంధించిన వివరాలను జిల్లా కలెక్టర్ డా. మహేష్ కుమార్ ను అడిగి తెలుసుకున్నారు. సముద్రపు నీరు వచ్చి చేరుతుండటంతో కొబ్బరి తోటలు దెబ్బతింటున్నట్లు పవన్ కు కలెక్టర్ స్పష్టం చేశారు. ఈ నేపథ్యంలో స్థానికులు, రైతుల సమస్యలను తెలుసుకునేందుకు వారితో పవన్ ముఖాముఖి నిర్వహించారు. ఈ సందర్భంగా పవన్ చేసిన వాఖ్యలు ఆసక్తికరంగా మారాయి.
‘ఏదైనా సీఎంను అడగాల్సిందే’
శంకరగుప్తంలో నిర్వహించిన ముఖాముఖిలో పవన్ మాట్లాడుతూ.. తాత్కాలిక పరిష్కారం కోసం తాను ఇక్కడకు రాలేదని పవన్ అన్నారు. రూ.20 కోట్లు ఇచ్చేసి, మీతో చప్పట్లు కొట్టించుకొని వెళ్లిపోవాలని చూడట్లేదని అన్నారు. మెుత్తం కోనసీమ జిల్లాల్లోని కొబ్బరి రైతాంగానికి సంబంధించి శాశ్వత పరిష్కారం కనుగొనే దిశగా ప్రయత్నం చేస్తున్నట్లు పవన్ స్పష్టం చేశారు. అయితే అడిగి వెంటనే వరాలు ఇవ్వడానికి తాను సీఎం స్థానంలో లేనని పవన్ పేర్కొన్నారు. ఏది కావాలన్నా ముఖ్యమంత్రి చంద్రబాబును అడాగాల్సిందేనని చెప్పారు. మీకు ఇచ్చేంత బడ్జెట్ తన వద్ద లేదని పవన్ చెప్పుకొచ్చారు. ఉన్న డబ్బంతా పథకాలకు ఖర్చు చేస్తే ఎలా? అంటూ పవన్ ఆసక్తికర వ్యాఖ్యలు చేశారు. గత ప్రభుత్వం ఇదే తప్పు చేసిందని గుర్తుచేశారు.
కొబ్బరి రైతులతో డిప్యూటీ సీఎం పవన్ కళ్యాణ్ ఆసక్తికర వ్యాఖ్యలు
మీకు వరాలు ఇవ్వడానికి నేను సీఎం స్థానంలో లేను
ఏది కావాలన్నా మీరు ముఖ్యమంత్రిని అడగాలి
మీకు ఇచ్చేంత బడ్జెట్ నా దగ్గర ఉండదు
ఉన్న డబ్బంతా పథకాలకు ఖర్చు చేస్తే అభివృద్ధి ఎలా?
గత ప్రభుత్వం ఇదే తప్పు చేసింది
— BIG TV Breaking News (@bigtvtelugu) November 26, 2025
కోనసీమకు తెలంగాణ దిష్టి
మరోవైపు ఈ సమావేశంలో పవన్ కళ్యాణ్ మరో ఆసక్తికర కామెంట్ చేశారు. కోనసీమ ప్రాంతానికి తెలంగాణ వాళ్ల దిష్టి తగిలిందని అన్నారు. రాష్ట్రం విడిపోవడానికి గోదావరి పచ్చదనమే కారణమని అన్నారు. తెలంగాణ నాయకులు అంటుంటారు. గోదావరి జిల్లాలు పచ్చదనంతో చాలా బాగుంటుంది. కొబ్బరి చెట్లతో చాలా హాయిగా ఉంటుందని అంటుంటారు. ఇవాళ చూస్తే కొబ్బరి చెట్టు మెుండాలు కూడా లేవు. కోనసీమకు అంత దిష్టి తగిలింది’ అని పవన్ వ్యాఖ్యానించారు. కోనసీమను ఇలా చూస్తుంటే తనకు నిజంగా చాలా బాధ వేస్తోందని పవన్ పేర్కొన్నారు. నరుడి దిష్టికి నల్లరాయి అయినా బద్దలు కావాల్సిందేనని పవన్ చెప్పుకొచ్చారు.
కోనసీమకు తెలంగాణ వాళ్ల దిష్టి తగిలింది
రాష్ట్రం విడిపోవడానికి గోదావరి పచ్చదనమే కారణం
నరుడు దిష్టికి నల్ల రాయి అయినా బద్దలై పోతుంది అంటారు
కోనసీమ కొబ్బరి చెట్లకు కూడా అదే జరిగి ఉంటుంది
– – డిప్యూటీ సీఎం పవన్ కళ్యాణ్ pic.twitter.com/Jl49ZV00R8
— BIG TV Breaking News (@bigtvtelugu) November 26, 2025
Also Read: Viral Video: షాకింగ్ ఘటన.. కాళీమాత విగ్రహానికి.. మేరిమాత అలంకరణ
డిసెంబర్ రెండో వారంలో..
మరోవైపు శంకరగుప్తం డ్రైయిన్ కారణంగా తాగునీటి జలాలు కలుషితమవుతున్నట్లు స్థానికులు పవన్ దృష్టికి తీసుకొచ్చారు. ఈ నేపథ్యంలో అధికారులపై పవన్ సీరియస్ అయ్యారు. డ్రెయిన్ చుట్టూ జరిగి ఆక్రమణలపై ఎందుకు దృష్టి సారించలేదని పవన్ ప్రశ్నించారు. గతంలో నీటిపారుదల నిపుణులు రోశయ్య కమిటీ ఇచ్చిన నివేదికను ఎందుకు పక్కన పెట్టేశారని నిలదీశారు. డిసెంబర్ రెండో వారంలో మరోమారు ఇక్కడకు వస్తానని స్థానికులు, రైతులకు పవన్ హామీ ఇచ్చారు. మరోవైపు కోనసీమ డ్రైనేజీ వ్యవస్థ ప్రక్షాళన కోసం యాక్షన్ ప్లాన్ ను సిద్ధం చేయాలని అధికారులను పవన్ ఆదేశించారు.
