Gig Workers: గిగ్ వర్కర్లకు కొత్త కోడ్‌లతో పోర్టబుల్ సోషల్ సెక్యూరిటీ

Gig Workers:  దేశవ్యాప్తంగా గిగ్, ప్లాట్‌ఫార్మ్ కార్మికులకు అధికారిక గుర్తింపు, పోర్టబుల్ సోషల్ సెక్యూరిటీ ప్రయోజనాలు, అలాగే జాతీయ స్థాయి రిజిస్ట్రేషన్ ఫ్రేమ్‌వర్క్‌ను కల్పించేందుకు ఉద్దేశించిన కోడ్ ఆన్ సోషల్ సెక్యూరిటీ, 2020 నిబంధనలను కేంద్ర ప్రభుత్వం మంగళవారం ప్రకటించింది. ఈ నిబంధనలు కొత్త లేబర్ కోడ్‌ల అమలులో కీలక పాత్ర వహించనున్నాయి.

ప్రభుత్వ ప్రకటన ప్రకారం, సోషల్ సెక్యూరిటీ కోడ్ కింద అగ్రిగేటర్లు తమ వార్షిక టర్నోవర్‌లో 1–2 శాతం నిధిని సోషల్ సెక్యూరిటీ ఫండ్‌కు కేటాయించాలి, అయితే ఈ మొత్తం గిగ్, ప్లాట్‌ఫార్మ్ వర్కర్లకు చేసే చెల్లింపుల 5 శాతాన్ని మించకూడదు. ఈ నిధితో ఈ వర్గాల కార్మికుల కోసం పలు సంక్షేమ పథకాలు అమలు చేయబడతాయి.

Also Read: Chiranjeevi: గ్లోబల్ సమ్మిట్‌కు పిలవడానికి మంత్రులు వచ్చినప్పుడు నేను ఏ పొజిషన్‌లో ఉన్నానో తెలుసా?

ఇంతకుముందు, గిగ్ వర్కర్లు తమపై వచ్చే అన్ని రిస్కులను స్వయంగా భరించేవారు. అగ్రిగేటర్లు వారి సంక్షేమానికి భాగస్వామ్యం కావాల్సిన బాధ్యత లేకపోవడంతో వారు పూర్తిగా రక్షణలేని పరిస్థితిలో ఉండేవారు. కొత్త నిబంధనలు ఈ పరిస్థితిని పూర్తిగా మార్చనున్నాయి. సోషల్ సెక్యూరిటీ చర్యల ద్వారా పోర్టబుల్ రైట్స్, వెల్ఫేర్ స్కీమ్స్, సురక్షిత జీవనోపాధి లభిస్తుందని ప్రభుత్వం తెలిపింది.

Also Read: Global Summit 2025: తెలంగాణ రైజింగ్ సమ్మిట్.. రెండో రోజూ పెట్టుబడుల వెల్లువ.. రూ.1,04,350 కోట్ల ఒప్పందాలు

ఈ కొత్త కోడ్‌ల ప్రకారం గిగ్, ప్లాట్‌ఫార్మ్ వర్కర్లకు ప్రభుత్వం ప్రకటించే భీమా, ఆరోగ్య ప్రయోజనాలు, వంటి పలు సౌకర్యాల కోసం అర్హత లభిస్తుంది. కార్మికులు ఈ-శ్రమ పోర్టల్‌లో రిజిస్టర్ అవ్వాలని, అక్కడ వారికి ఆధార్‌-లింక్ చేసిన ప్రత్యేక ఐడి జారీ అవుతుందని ప్రభుత్వం తెలిపింది. ఈ ఐడి తో వర్కర్ ప్లాట్‌ఫార్మ్ మార్చినా, ఉద్యోగం మార్చినా వారి సోషల్ సెక్యూరిటీ ప్రయోజనాలు కొనసాగుతాయి. గిగ్, ప్లాట్‌ఫార్మ్ కార్మికులు స్వయంగా ఈ-శ్రమ పోర్టల్‌లో రిజిస్టర్ అయ్యి జాతీయ డేటాబేస్‌లో భాగమవుతారు. ఇది వారి సోషల్ సెక్యూరిటీ, స్కిల్ డెవలప్‌మెంట్, టార్గెటెడ్ వెల్ఫేర్ డెలివరీకు మద్దతు ఇస్తుందని ప్రభుత్వం పేర్కొంది.

Also Read: Rowdy Janardhan: ‘రౌడీ జనార్ధన్’ సినిమాకు విజయ్ సేతుపతి తీసుకునేది తెలిస్తే షాక్ అవుతారు!.. విలన్ కోసం అంతా?

అదనంగా, కొత్త లేబర్ కోడ్‌లు అగ్రిగేటర్, గిగ్ వర్కర్, ప్లాట్‌ఫార్మ్ వర్కర్, ప్లాట్‌ఫార్మ్ వర్క్ లాంటి కీలక పదాలకు స్పష్టమైన నిర్వచనాలు ఇవ్వడం ద్వారా ఈ వర్గాలను చట్టపరమైన రక్షణ పరిధిలోకి తీసుకువస్తున్నాయి. దీంతో ఇప్పటివరకు లేబర్ లా పరిధికి బయట ఉన్న గిగ్ వర్కర్లు formal grievance redressal mechanisms కు చేరుకోగలుగుతారు. ప్రభుత్వం త్వరలో టోల్-ఫ్రీ హెల్ప్‌లైన్, కాల్స్ సెంటర్, లేదా ఫెసిలిటేషన్ సెంటర్ ఏర్పాటు చేసి కార్మికుల సమస్యలను పరిష్కరించే అవకాశం ఉందని అధికారిక ప్రకటనలో తెలిపారు.