Gen Z Daters: జెన్ జెడ్ ప్రేమికులపై షాకింగ్ సర్వే.. ఏఐ టూల్స్ ఉపయోగించి.. సీక్రెట్‌గా ఆన్ లైన్‌లో..

Gen Z Daters: ప్రస్తుతం ప్రపంచవ్యాప్తంగా డేటింగ్ కల్చర్ బాగా పెరిగిపోయింది. పెళ్లికి ముందే లవర్స్ ఒక గదిని అద్దెకు తీసుకొని జీవిస్తుండటం మనం చూస్తూనే ఉన్నాం. పెళ్లికి ముందు ఒకరినొకరు అర్థం చేసుకోవడం కోసం ఇలా డేటింగ్ చేస్తున్నట్లు పలువురు యువతీ, యువకులు సమర్థించుకుంటున్నారు. అయితే జెన్ జెడ్ యువత ఎక్కువగా ఈ డేటింగ్ పట్ల మెుగ్గు చూపుతున్నట్లు తెలుస్తోంది. కోవిడ్ లాక్ డౌన్ సమయంలో పెద్దవారిగా మారిన ఈ తరం ప్రేమను వెతికే విధానం కూడా గత జనరేషన్స్ తో పోలిస్తే పూర్తిగా మారిపోయినట్లు తాజా అధ్యయనం తేల్చింది. అంతేకాదు జెన్ జెడ్ యువతకు సంబంధించి కొన్ని నమ్మలేని నిజాలను సైతం ఈ సర్వే బయటపెట్టింది.

30 వేల మందిపై అధ్యయనం

ప్రముఖ డేటింగ్ యాప్ ‘హింజ్‌’ (Hinge) తాజాగా విడుదల చేసిన D.A.T.E. (Data, Advice, Trends, Expertise) రిపోర్ట్‌లో జెన్ జెడ్ యువతకు సంబంధించిన కొన్ని లోతైన విషయాలను బయటపెట్టింది. డేటింగ్ సందర్భంగా జెన్ జెడ్ యువతీ యువకుల మధ్య సంభాషణ ఏ విధంగా సాగుతుందన్న దానిపై ఈ సర్వే ఫోకస్ చేసింది. మెుత్తం 30 వేల మంది యూజర్లను పరిశీలించి.. ఈ అధ్యయనంలో కనుగొన్న విషయాలను విడుదల చేసింది. జెన్ జెడ్ ప్రేమికులు.. తమ తొలి డేట్ లో లోతైన సంభాషణ జరపడానికి మిల్లేనియల్స్ తో పోలిస్తే 36శాతం సంకోచిస్తున్నట్లు తేలింది.

మాట్లాడటంలో కన్ఫ్యూజన్..

అధ్యయనంలో పాల్గొన్న జెన్ జెడ్ సింగిల్స్ లోని 47 శాతం మంది.. కొత్త వ్యక్తులతో మాట్లాడానికి టెన్షన్ కు గురవుతున్నట్లు పేర్కొన్నారు. తమ మెుదటి డేట్ పరస్పర నమ్మకంతో సాగలేదని 25 శాతం మంది సర్వేలో తెలిపారు. మరోవైపు 35 శాతం మంది తమ భాగస్వామితో సంభాషణ ఎలా ప్రారంభించాలో తెలియక వెనకడుగు వేసారని పేర్కొన్నారు. యువతుల విషయానికి వస్తే 43 శాతం మంది ముందుగా సంభాణ ప్రారంభించేందుకు ఆసక్తి చూపలేదని తేలింది. డేటింగ్ లో ఎమోషనల్ అయితే తాము భావోద్వేగ వ్యక్తిలా కనిపిస్తామని 48 శాతం మంది యువకులు భయపడ్డారని సర్వే తెలిపింది.

సోషల్ మీడియాపై ఆధారపడటం

అయితే 95 శాతం జెన్ జెడ్ డేటర్లు రిజెక్షన్ గురించి భయపడుతున్నారని తాజా అధ్యయనంలో తేలింది. మరి ముఖ్యంగా 56% మంది ఆ భయంతో ఆ రిలేషన్ ను ముందుకు తీసుకెళ్లలేకపోతున్నారని తెలిపింది. అటు 50 శాతం జెన్ జెడ్ యువకులు, 45 శాతం మహిళలు సోషల్ మీడియాపై ఆధారపడుతున్నట్లు అధ్యయనం పేర్కొంది. సోషల్ మీడియా ప్రభావం వల్ల జెన్ జెడ్ యువతీ యువకుల్లో సంకోచం బాగా పెరిగిపోయిందన్న అంశం తెరపైకి వచ్చింది.

Also Read: Uttarakhand Accident: ఉత్తరాఖండ్‌లో మరో ప్రమాదం.. లోయలో పడ్డ బస్సు.. 27 మందికి పైగా..

డేటింగ్‌లో ఏఐ వాడకం

జెన్ జెడ్‌ డేటర్లలో ఏఐ వినియోగం బాగా పెరిగిపోయిందని తాజా అధ్యయనంలో వెల్లడైంది. నచ్చిన వ్యక్తితో సంభాషణ ప్రారంభించడానికి 58 శాతం మంది యువకులు.. ఏఐ సాయం కోరుతున్నారని తేలింది. జెన్ జెడ్ యువతుల్లో 40 శాతం మంది.. నచ్చిన వ్యక్తితో సంభాణ ప్రారంభించడానికి ఏఐ సలహా తీసుకుంటున్నారు. అయితే నిజమైన ప్రేమను కనుగొనే విషయంలో జెన్ జెడ్ యువతీ యువకులు గందరగోళానికి గురవుతున్నట్లు ఈ అధ్యయనాన్ని బట్టి అర్థమవుతోంది.

Also Read: Bus Accident: జర్నీ మూవీ సీన్ రిపీట్.. ఎదురెదురుగా ఢీకొన్న బస్సులు.. పలువురు స్పాట్ డెడ్