Telangana High Court: సిగాచీ పేలుడు ఘటన.. దర్యాప్తుపై హైకోర్టు అసహనం.. పోలీసులకు చివాట్లు!

Telangana High Court: సిగాచీ పేలుళ్ల ఘటనలో పోలీసుల దర్యాప్తు తీరుపై తెలంగాణ హైకోర్టు తీవ్ర ఆగ్రహం వ్యక్తం చేసింది. ఇది సాధారణ ఘటన కాదని 54మంది కార్మికులు చనిపోయిన సీజే అపరేష్ కుమార్ సింగ్ (Aparesh Kumar Singh) పేర్కొన్నారు. ఇంకా దర్యాప్తు కొనసాగుతోందని చెప్పడమేంటని ప్రభుత్వ అదనపు అడ్వకేట్ జనరల్ (ఏఏజీ) రజినీకాంత్ రెడ్డిని ప్రశ్నించారు. 237 మంది సాక్షులను విచారించినా ఇప్పటి వరకు దర్యాప్తులో ఎలాంటి పురోగతి లేదని మండిపడ్డారు. ఘటన జరిగి 5 నెలలు దాటినా ఇప్పటివరకు బాధ్యులెవరో తేల్చలేదా? అంటూ సీజే నిలదీశారు.

యావత్ దేశాన్ని కుదిపేసేలా భారీ ప్రమాదం జరిగితే డీఎస్పీ ర్యాంక్ ఆఫీసర్ ను విచారణాధికారిగా నియమించడమేంటని ఏఏజీని హైకోర్టు సీజే ప్రశ్నించారు. దర్యాప్తు కోసం ప్రత్యేక దర్యాప్తు బృందం ఏర్పాటు చేసి ఉండొచ్చు కదా అని నిలదీశారు. ఇదిలా ఉంటే సిగాచీ పేలుళ్లపై బాబురావు అనే వ్యక్తి ప్రజాప్రయోజన వ్యాజ్యాన్ని దాఖలు చేశారు. పేలుడు సంభవించి 5 నెలలు దాటినా ఇప్పటి వరకు ఎవరినీ అరెస్ట్ చేయలేదన్న పిటిషనర్ తరపు న్యాయవాది వసుధా కోర్టులో వాధించారు.

నిపుణల కమిటీ సైతం పరిశ్రమ నిర్వహణలో లోపాలున్నాయని తేల్చిందని లాయర్ వసుధా అన్నారు. నిబంధనలకు విరుద్ధంగా 17 టన్నుల సోడియం క్లోరైడ్ నిల్వ చేశారని కమిటీ గుర్తించిందని పేర్కొన్నారు. పేలుడు తీవ్రతకు 8 మంది శరీరాలు ఆనవాళ్లు లేకుండా కాలిపోయాయని గుర్తుచేశారు. మరోవైపు ప్రభుత్వం తరపున వాదనలు వినిపిస్తూ.. నిపుణుల కమిటీ నివేదిక ఆధారంగా తగిన చర్యలు తీసుకుంటామని ఏఏజీ రజినీకాంత్ కోర్టుకు స్పష్టం చేశారు. ఈ నేపథ్యంలో పోలీసుల దర్యాప్తు నివేదికను తమకు సమర్పించాలని ఏఏజీని హైకోర్టు ఆదేశించింది. తదుపరి విచారణఖు దర్యాప్తు అధికారి అయిన డీఎస్పీ కూడా కోర్టు ఎదుట హాజరు కావాలని సూచించింది. అనంతరం కేసు విచారణను డిసెంబర్ 9కి వాయిదా సీజే వాయిదా వేశారు.

Also Read: TG High Court: హైడ్రా కమిషనర్‌పై హైకోర్టు సీరియస్.. విచారణకు హాజరుకాకపోతే..

సిగాజీ పరిశ్రమలో జూన్ 30 ఉదయం 9.25 గంటల ప్రాంతంలో భారీ విస్ఫోటనం సంభవించింది. పేలుడు ధాటికి పరిశ్రమంతో పాటు కీలకమైన యూనిట్లు ధ్వంసమయ్యాయి. ప్రమాద సమయంలో పరిశ్రమలో 143 మంది కార్మికులు, ముగ్గురు భద్రతాసిబ్బంది ఉన్నారు. వారిలో 54 మంది ప్రాణాలు కోల్పోయారు. 25 మీటర్ల వరకు మంటలు ఎగిసిపడ్డాయి. సీఎం రేవంత్ రెడ్డి సైతం అప్పట్లో ప్రమాదస్థలిని స్వయంగా పరిశీలించి.. బాధ్యులపై కఠిన చర్యలు తీసుకుంటామని హామీ ఇచ్చారు.

Also Read: iPhone Lunch Box: ప్రీమియం లంచ్ బాక్స్.. ఈ బాలుడు చేసిన పనికి.. నెట్టింట నవ్వులే నవ్వులు!