Epaper 
TG High Court: హైడ్రా కమిషనర్ (Hydraa commissioner) రంగానాథ్ (A.V. Ranganath)పై తెలంగాణ హైకోర్టు తీవ్ర ఆగ్రహం వ్యక్తం చేసింది. బతుకమ్మ కుంట వివాదంలో ప్రత్యక్ష విచారణకు హాజరుకాకపోతే నాన్ బెయిలబుల్ వారెంట్ (Non bailable warrant) జారీ చేస్తామని హెచ్చరించింది. ఈ మేరకు డిసెంబర్ 5వ తేదీ వరకూ డెడ్ లైన్ విధించింది. దీంతో రంగనాథ్ విచారణకు తప్పక హాజరుకావాల్సిన పరిస్థితి తలెత్తింది.
హైదరాబాద్ అంబర్ పేట ప్రాంతంలోని బతుకమ్మ కుంట వివాదం గత కొన్నేళ్లుగా హైకోర్టులో విచారణ దశలో ఉంది. తమకు చెందిన పట్టా భూమిని కబ్జా చేశారని ఆరోపిస్తూ ప్రభుత్వం స్వాధీనం చేసుకుందని ఓ వ్యక్తి హైకోర్టును ఆశ్రయించారు. అంతేకాకుండా తమ భూమిని తవ్వి బతుకమ్మ కుంట చెరువులో కలిపేశారని పేర్కొన్నారు. అయితే ఈ మెుత్తం భూమి చెరువు పరిధిలోదేనని హైడ్రాతో పాటు రాష్ట్ర ప్రభుత్వం వాదిస్తోంది.
Also Read: iPhone Lunch Box: ప్రీమియం లంచ్ బాక్స్.. ఈ బాలుడు చేసిన పనికి.. నెట్టింట నవ్వులే నవ్వులు!
బతుకమ్మ కుంట విషయానికి వస్తే ఇది 14.06 ఎకరాల విస్తీర్ణంలో ఇది ఉంది. బఫర్ జోన్ తో కలిపి 16.3 ఎకరాల విస్తీర్ణం కలిగి ఉంది. అయితే కబ్జాకు గురైన 5.15 ఎకరాల స్థలాన్ని హైడ్రా కాపాడి.. బతుకమ్మ కుంటకు పూర్వ వైభవం తీసుకొచ్చింది. రూ.7.15 కోట్లు వెచ్చించి చెరువు చుట్టూ ఆధునీకరణ పనులు సైతం చేయించింది. కుంట చుట్టూ కాంక్రీట్ గోడను సైతం నిర్మించింది. ఇటీవల బతుకమ్మ వేడకలు సైతంఅంగరంగ వైభవంగా చెరువు వద్ద జరిగాయి. ఒక్కప్పుడు చెత్త చెదారాలు, ముళ్ల చెట్లతో నిండిన బతుకమ్మ కుంట ప్రాంతాన్ని అత్యంత సుందరంగా తీర్చిదిద్దడంపై స్థానికులు హర్షం వ్యక్తం చేశారు.
