Ponnam Prabhakar: హైదరాబాద్‌లో మౌలిక సదుపాయాల అభివృద్ధి సంక్షేమమే ప్రభుత్వ లక్ష్యం: మంత్రి పొన్నం ప్రభాకర్!

Ponnam Prabhakar: ఆకలి, బాధల్లేని హైదరాబాద్ సాధనే తమ లక్ష్యమని హైదరాబాద్ జిల్లా ఇన్ ఛార్జి మంత్రి పొన్నం ప్రభాకర్ (Ponnam Prabhakar) అన్నారు. హైదరాబాద్ నగరంలో మౌలిక సదుపాయాల కల్పనతో పాటు సంక్షేమంకు ప్రజా ప్రభుత్వం ప్రాధాన్యతనిస్తుందని కూడా ఆయన స్పష్టం చేశారు.  జీహెచ్ఎంసీ (GHMC) మేయర్ గద్వాల్ విజయలక్ష్మి, (Gadwal Vijayalakshmi) ఎంపీ అనిల్ కుమార్ యాదవ్, ఎమ్మెల్యే ముఠా గోపాల్, డిప్యూటి మేయర్ మోతే శ్రీలత శోభన్ రెడ్డిలతో కలిసి బాగ్ లింగంపల్లి సుందరయ్య పార్క్, కవాడి గూడ లలో ఇందిరమ్మ క్యాంటీన్ల ను జిల్లా ఇంచార్జీ మంత్రి పొన్నం ప్రభాకర్ (Ponnam Prabhakar) ప్రారంభించారు. ప్రారంభించినానంతరం మంత్రి, మేయర్, ఎంపీ, ఎమ్మెల్యే, డిప్యూటీ మేయర్, జీహెచ్ఎంసీ అధికారులు లబ్ధిదారులతో కలిసి బ్రేక్ ఫాస్ట్ చేశారు.

మహిళ ఇందిరమ్మ పేరుతో ఇందిరమ్మ క్యాంటీన్ లు ఏర్పాటు

వారి యోగక్షేమాలు అడిగి తెలుసుకున్నారు. ఈ సందర్భంగా జిల్లా ఇన్ ఛార్జి మంత్రి పొన్నం ప్రభాకర్ మాట్లాడుతూ సీఎం రేవంత్ రెడ్డి (CM Revanth Reddy) మార్గదర్శనం మేరకు మేయర్ గద్వాల్ విజయలక్ష్మి సారధ్యంలో జీహెచ్ఎంసీ సౌజన్యంతో ఆకలి బాధల్లేని హైదరాబాద్ లక్ష్యంగా ఉక్కు మహిళ ఇందిరమ్మ పేరుతో ఇందిరమ్మ క్యాంటీన్ లు ఏర్పాటు చేస్తున్నట్లు తెలిపారు. ఇందిరమ్మ క్యాంటీన్ ల ద్వారా రూ.5 కే ఉదయం నాణ్యమైన అల్పాహారం, రూ.5 కే మధ్యాహ్న భోజనం అందిస్తున్నట్లు తెలిపారు. ఇందిరమ్మ క్యాంటీన్ లతో హైదరాబాద్ లో ఉపాధి కోసం, పనుల కోసం వచ్చే ప్రజలు, పేదలు, కూలీలు, ఆటో డ్రైవర్లు, చిరు వ్యాపారులు, అల్పదాయ వర్గాల వారికి ప్రయోజనం కలుగుతుందని మంత్రి చెప్పారు. ఇంకా నగరంలో ఎక్కడెక్కడ ఇందిరమ్మ క్యాంటీన్లు అవసరముంటాయో ప్రభుత్వం గుర్తిస్తుందన్నారు. త్వరలో పూర్తి స్థాయిలో హైదరాబాద్ లో ఏర్పాటు చేస్తామన్నారు. స్థానిక ప్రజలు, ప్రజా ప్రతినిధులు కోరిన చోట కూడా ఇందిరమ్మ క్యాంటీన్ లు ఏర్పాటు చేస్తున్నామని మంత్రి తెలిపారు.

Also Read: Ponnam Prabhakar: కేంద్ర అటవీ పర్యావరణ శాఖల కార్యదర్శిని కలిసిన పొన్నం!

బ్రేక్ ఫాస్ట్ పై రూ.14, భోజనంపై రూ. 24.83 జీహెచ్ఎంసీ

మేయర్ గద్వాల్ విజయలక్ష్మి, డిప్యూటీ మేయర్ మోతే శ్రీలత శోభన్ రెడ్డి లు మాట్లాడుతూ పేదలకు, అల్పాదాయ వర్గాలకు ఇందిరమ్మ క్యాంటీన్ లు ఎంతో ప్రయోజనకారంగా ఉంటాయన్నారు. ఇప్పటికే ప్రారంభించిన ఇందిరమ్మ క్యాంటీన్ లకు ప్రజల నుంచి సానుకూల స్పందన లభిస్తుందన్నారు. ఒక్కో బ్రేక్ ఫాస్ట్ పై రూ.14, భోజనంపై రూ. 24.83 జీహెచ్ఎంసీ వెచ్చిస్తుందన్నారు. ఇందిరమ్మ క్యాంటీన్ ల ద్వారా ఉదయం ఏడు గంటల నుండి తొమ్మిదిన్నర గంటల వరకు బ్రేక్ ఫాస్ట్ ,భోజనం మధ్యాహ్నం 12 గంటల నుంచి రెండు గంటల మధ్య అందుబాటులో ఉంచుతున్నట్లు మంత్రి వివరించారు. ఈ క్యాంటీన్ లలో లబ్ధిదారులకు సబ్సిడీతో అల్పాహారం రూ.5, భోజనం రూ.5 కు అందిస్తున్నట్లు వెల్లడించారు.

భోజనం పై రూ.29.83 ఖర్చు 

చబడుతుంది. ఒక్కో బ్రేక్ ఫాస్ట్ పై రూ.19 కాగా, భోజనం పై రూ.29.83 ఖర్చవుతుండగా, జీహెచ్ఎంసీ ఒక్కో బ్రేక్ ఫాస్ట్ పై రూ.14, భోజనంపై రూ.24.83 వెచ్చిస్తున్నట్లు తెలిపారు. ఇందిరమ్మ క్యాంటీన్ లతో ప్రతి లబ్ధిదారునికి నెలకు సగటున సుమారు రూ.3 వేల వరకు ఆర్థిక ప్రయోజనం కలుగుతుందన్నారు. హరే కృష్ణ మూవ్ మెంట్ చారిటబుల్ పౌండేషన్ వీటి నిర్వహణ బాధ్యతలు చూస్తుందని, ఇందిరమ్మ క్యాంటీన్ ల ద్వారా ఉదయం అందించే అల్పాహారం, మధ్యాహ్న భోజనం తో హైదరాబాద్ లో పేదలు, అడ్డా కూలీలు, ఆటో డ్రైవర్లు, చిరు వ్యాపారులు, అల్పదాయ వర్గాల వారు, నిరుద్యోగులకు, మహా నగరం కు ఉపాధి కోసం, ఇతరత్ర పనుల కోసం వచ్చే ప్రజలకు ప్రయోజనం కలగుతుందని మేయర్ వివరించారు. ఈ కార్యక్రమంలో సికింద్రాబాద్ జోనల్ కమిషనర్ రవి కిరణ్, స్థానిక కార్పొరేటర్లు, అధికారులు తదితరులు పాల్గొన్నారు.

Also Read: Ponnam Prabhakar: రోడ్డు ప్రమాదాలపై ఇలాంటి అవగాహన అవసరం: మంత్రి పొన్నం ప్రభాకర్