Epaper 
Shalibanda Fire Accident: హైదరాబాద్ పాతబస్తీలోని శాలిబండ ప్రాంతంలో గల గోమతి ఎలక్ట్రానిక్స్ లో సోమవారం (నవంబర్ 24) రాత్రి భారీ విస్ఫోటనం జరిగిన సంగతి తెలిసిందే. అయితే ఈ ఘటనకు సంబంధించి తాజాగా ఓ వీడియో బయటకు వచ్చింది. దాన్ని బట్టి చూస్తే షాపు మూడు వైపుల పేలుడు జరిగినట్లు తెలుస్తోంది. ఈ ఘటనలో షాపు యజమానితో పాటు మరో ఇద్దరు ప్రాణాలు కోల్పోయారు.
షాపులో 3 అడుగుల గుంట..
గోమతి షాపు వెనుక భాగంలో ఏర్పాటు చేసిన సీసీటీవీ దృశ్యాలు తాజాగా బయటకొచ్చాయి. దాన్ని బట్టి చూస్తే సోమవారం రాత్రి 10.20 గంటల ప్రాంతంలో జరిగిన విస్ఫోటనం ఎంత తీవ్రమైనదో అర్థమవుతోంది. పేలుడు అనంతరం షాపులో 3 అడుగుల లోతు వరకూ గుంట పడినట్లు స్థానికులు చెబుతున్నారు. అంతేకాదు పేలుడు ప్రభావంతో 100 మీటర్ల దూరం వరకూ భూమి కంపించిందని కూడా ఆరోపిస్తున్నారు. కాబట్టి పేలుడు వెనుక ఉగ్ర కుట్ర ఉందన్న అనుమానాలను సైతం స్థానికులు వ్యక్తం చేస్తున్నారు. అందుచేత ఎన్ఐఏ, సీబీఐలతో ఈ కేసు విచారణ జరిపించాలని కోరుతున్నారు.
హైదరాబాద్ ఓల్డ్ సిటీ బ్లాస్టింగ్ కేసులో ట్విస్ట్
ప్రమాదమా? విద్రోహమా?
బిగ్ టీవీ దగ్గర పేలుడికి సంబంధించిన ఎక్స్ క్లూజివ్ సీసీటీవీ ఫుటేజ్
పేలుడు జరిగిన గోమతి షాపు మూడు వైపుల విస్పోటం
సోమవారం రాత్రి 10:25 గంటలకి పేలుడు
షాపు వెనుక భాగంలో కూడా భారీ శబ్దంతో పేలుడు దృశ్యాలు pic.twitter.com/bQGrnC2ZAJ
— BIG TV Breaking News (@bigtvtelugu) November 28, 2025
పేలుడుకు కారణమేంటి?
గోమతి ఎలక్ట్రానిక్స్ లో ప్రమాదానికి కారణం షార్ట్ సర్క్యూట్ అని తొలుత చాలా మంది భావించారు. కానీ తాజాగా విడుదలైన దృశ్యాలను గమనిస్తే అది కచ్చితంగా బాంబు పేలుడున్న అనుమానాలు పెద్ద ఎత్తున వ్యక్త మవుతున్నాయి. బ్లాస్ట్ జరిగిన వెంటనే గోమతి ఎలక్ట్రానిక్స్ కు ఆనుకొని ఉన్న ముందు, వెనుక షాపుల్లోకి కూడా మంటలు విస్తరించాయి. అయితే ఆ స్థాయిలో పేలుడు కారణం ఏమై ఉంటుందన్న దానిపై ఇంతవరకూ స్ఫష్టత రాలేదు. షాపులోని గ్యాస్ సిలిండర్లు పేలడం వల్లే ఈ స్థాయిలో విస్ఫోటనం జరిగిందని పలువరు చెబుతున్నప్పటికీ.. క్లూస్ టీమ్ ఇప్పటివరకూ దీనిని ధ్రువీకరించకపోవడం గమనార్హం.
Also Read: Bajaj Riki E-Rickshaw: బజాజ్ సరికొత్త ఈ-రిక్షా.. ఒక్క ఛార్జ్‌తో 164 కి.మీ నాన్ స్టాప్.. ధర ఎంతంటే?
ముక్కలైన కాంక్రీట్ స్లాబ్..
మరోవైపు గోమతి ఎలక్ట్రానిక్ షాపు శ్లాబ్ కూడా ప్రమాదంలో తీవ్రంగా దెబ్బతిన్నట్లు స్థానికులు చెబుతున్నారు. దాదాపు 5-6 అంగుళాల మందం ఉన్న కాంక్రీట్ శ్లాబ్ పేలుడు ధాటికి ముక్కలు ముక్కలుగా విరిగి కిందపడిపోయిందని అంటున్నారు. అంతేకాదు ఘటన సమయంలో షాపు ముందు నుంచి వెళ్తున్న కారు సైతం పేలుడు ధాటికి పల్టీ కొట్టినట్లు చెబుతున్నారు. అయితే డ్రైవర్ సురక్షితంగా బయటపడ్డారని స్పష్టం చేస్తున్నారు. మెుత్తంగా చూస్తే పేలుడు ఘటనలో 8 మంది గాయపడినట్లు పోలీసులు తెలిపారు.
