Hyderabad Task Force: రద్దయిన కరెన్సీ మార్పిడికి యత్నం.. గ్యాంగ్ అరెస్ట్ 1.92 కోట్లు సీజ్!

Hyderabad Task Force: రద్దయిన కరెన్సీ నోట్లను మార్పిడి చేసేందుకు ప్రయత్నించిన గ్యాంగును ఈస్ట్ జోన్​ టాస్క్​ ఫోర్స్​ అధికారులు నారాయణగూడ పోలీసుల(Narayanguda police)తో కలిసి అరెస్ట్ చేశారు. వారి నుంచి 1.92కోట్ల విలువ చేసే 500, 1000 రూపాయల నోట్లు, నాలుగు మొబైల్ ఫోన్లు, కౌంటింగ్ మిషన్ ను స్వాధీనం చేసుకున్నారు. టాస్క్​ ఫోర్స్​ అదనపు డీసీపీ అందె శ్రీనివాస​ రావు తెలిపిన ప్రకారం వివరాలు ఇలా ఉన్నాయి. బెంగళూరుకు చెందిన ముల్లా అబ్బాస్ అలీ (46) వృత్తిరీత్యా ఎలక్ట్రీషియన్​. పని చేస్తున్న సమయంలో కొంతమంది రద్దయిన 500, 1000 రూపాయల నోట్లను ఇప్పటికీ కొంటున్నట్టుగా అతనికి తెలిసింది. కోటీ రూపాయల రద్దయిన కరెన్సీకి 30 లక్షల రూపాయలు ఇస్తున్నట్టుగా తెలియవచ్చింది.

 Also Read: Collector Rizwan Basha: స‌మాజాన్ని జాగృతం చేసిన క‌వి కాళోజీ.. క‌లెక్ట‌ర్ కీలక వ్యాఖ్యలు

1.92కోట్ల రూపాయల రద్దయిన కరెన్సీ

దాంతో తేలికగా డబ్బు సంపాదించ వచ్చని భావించిన ముల్లా అబ్బాస్​ అలీ బెంగళూరులో రద్దయిన కరెన్సీని మార్చటానికి ప్రయత్నించి పరప్పణ అగ్రహార పోలీసులకు పట్టుబడి జైలు పాలయ్యాడు. బెయిల్​ పై విడుదలై బయటకు వచ్చిన తరువాత తనకు తెలిసిన వారి నుంచి 1.92కోట్ల రూపాయల రద్దయిన కరెన్సీ నోట్లను తీసుకున్నాడు. ఆ తరువాత సహచరుడైన ఒడిషా వాసి లడ్డూతో కలిసి హైదరాబాద్ వచ్చాడు. తంగెళ్ల కృష్ణమోహన్​ తో కలిసి వాటిని మార్చేందుకు ప్రయత్నాలు ప్రారంభించాడు.

ఈ క్రమంలో మన్నెల్లి రాజ్​ కుమార్​, యాద జయకవిత గుప్తాలు 1.92కోట్ల రద్దయిన కరెన్సీ నోట్లను 30లక్షల రూపాయలు ఇచ్చి తీసుకోవటానికి సిద్ధమయ్యారు. ఈ క్రమంలో కరెన్సీని మార్చుకునేందుకు నారాయణగూడ శాంతి థియేటర్ ప్రాంతానికి వచ్చారు. ఈ మేరకు సమాచారం అందుకున్న టాస్క్ ఫోర్స్​ సీఐ నాగార్జున, ఎస్​ఐ కరుణాకర్​ రెడ్డితోపాటు నారాయణగూడ పోలీసులతో కలిసి నిందితులను అరెస్ట్ చేశారు. పరారీలో ఉన్న లడ్డూ కోసం గాలిస్తున్నారు.

 Also Read: Kalvakuntla Kavitha: కేసీఆర్‌కు బిగ్ షాక్.. కాంగ్రెస్ ఉపరాష్ట్రపతి అభ్యర్థికి.. జై కొట్టిన కవిత