Baahubali The Epic: అదరగొడుతున్న ‘బాహుబలి ది ఎపిక్’ వీకెండ్ కలెక్షన్లు.. ఎంతంటే?

Baahubali The Epic: భారతీయ సినిమా చరిత్రలో మైలురాయిగా నిలిచిన ‘బాహుబలి: ది బిగినింగ్’, బాహుబలి ది కంక్లూజన్ కలిపి బాహుబలి: ది ఎపిక్ గా మళ్లీ స్క్రీన్‌లపైకి వచ్చి, ప్రేక్షకుల మనసులను అలరిస్తోంది. ప్రభాస్, రానా దగ్గుపాటి, తమన్నా, అనుష్క శెట్టిలు ప్రధాన పాత్రలు చేసిన ఈ చిత్రం, ఎస్.ఎస్.రాజమౌళి దర్శకత్వంలో 2015లో విడుదలై, పాన్-ఇండియా సినిమాలకు కొత్త మార్గం వేసింది. ఇప్పుడు రీ-రిలీజ్‌తో మరోసారి బాక్సాఫీస్ రికార్డులను ధ్వంసం చేస్తున్నారు. కేవలం మూడు రోజుల్లోనే రూ. 25 కోట్ల వైపు అడుగులు వేసిన ఈ సినిమా, ప్రేక్షకులకు సినిమాపై ఉన్న భక్తిని మరోసారి నిరూపిస్తోంది.

Read also-Dude movie ott: ప్రదీప్ రంగనాధన్ ‘డ్యూడ్’ ఓటీటీలోకి వచ్చేది అప్పుడేనా!.. ఎక్కడంటే?

అక్టోబర్ 31న శుక్రవారం అన్ని భాషల్లో విడుదలైన ‘బాహుబలి: ది ఎపిక్’, మొదటి రోజు నుంచే అద్భుతమైన కలెక్షన్లు సాధించింది. గురువారం తెలుగు వెర్షన్‌తో ప్రారంభమైన సినిమా, రూ. 1.15 కోట్లు వసూలు చేసింది. శుక్రవారం హిందీ, తమిళం, కన్నడం, మలయాళం వంటి భాషల్లో విస్తరించి, మొత్తం రూ. 9.65 కోట్లు సాధించింది. శనివారం కొంచెం తగ్గినా.. రూ. 7.3 కోట్లు వసూలు చేసింది. ఆదివారం మరోసారి రూ. 6 కోట్లు చేరింది. భారతదేశంలో మొత్తం కలెక్షన్లు ఇప్పటికే రూ. 24.10 కోట్లకు చేరుకున్నాయి. మరో రోజు లేదా రెండు రోజుల్లో రూ. 25 కోట్ల మైలురాయిని దాటేస్తుందని నిపుణులు అంచనా వేస్తున్నారు. ఈ రీ-రిలీజ్, ప్రస్తుతం థియేటర్లలో ‘థమ్మా’ (అయుష్మాన్ ఖుర్రానా), ‘ఏక్ దీవానే కి దీవానియత్’, ‘ది తాజ్ స్టోరీ’ వంటి సినిమాలతో పోటీ పడుతోంది. అయినప్పటికీ, ‘బాహుబలి’ ఎపిక్ లార్జ్ స్కేల్, వీఎఫ్ఎక్స్, యాక్షన్ సీక్వెన్స్‌లు ప్రేక్షకులను మళ్లీ ఆకట్టుకున్నాయి. ముఖ్యంగా తెలుగు ప్రాంతంలో ఈ చిత్రానికి గణనీయమైన ఆదరణ కనిపిస్తోంది.

Read also-Prashanth Varma: ప్రశాంత్ వర్మ.. అసలేం జరుగుతుంది?

ఈ సినిమా ప్రీమియర్ ద్వారా ప్రపంచ వ్యాప్తంగా రూ.1.15 కోట్లు వసూలు చేసింది. మొదటి రోజు అయిన రెగ్యులర్ షో మొత్తం రూ.9.65 కోట్లు వసూలు చేసి రికార్డు సృష్టించింది. రెండో రోజు అయిన శనివారం రూ.7.30 కోట్లు వసూలు చేసింది. ఇక మూడో రోజైన ఆదివారం దాదాపు రూ.6 కోట్లు వరకూ వసూలు చేసింది. మొత్తంగా ఈ సినిమా రూ.24.10 కోట్లు వసూలు చేసింది. సోమవారం నాటికి ఈ సినిమా రూ. 25 కోట్లు దాటుతుందని సినిమా క్రిటిక్స్ చెబుతున్నారు. అయితే ఈ సినిమా ఇవే కాకుండా మరిన్ని రికార్డుల నెలకొల్పే అవకాశం ఉంది.