Hyderabad Crime: గంజాయి దందాలో ఎక్స్‌పర్ట్ లేడీ డాన్.. నీతూ భాయ్ అరెస్ట్..!

Hyderabad Crime: గంజాయి దందాలో లేడీ డాన్​ గా పేరున్న నీతూబాయి ఇంటిపై మంగళవారం ఎక్సయిజ్ స్టేట్ టాస్క్​ ఫోర్స్ అధికారులు దాడి జరిపారు. తనిఖీలు చేసి 786గ్రాముల గంజాయితోపాటు 110 బాటిళ్ల బీర్లు, బ్రీజర్లు, బైక్​, 60,890 రూపాయల నగదును స్వాధీనం చేసుకున్నారు. ధూల్​ పేటలో వరుసగా దాడులు జరుగుతుండటంతో నానక్​ రాంగూడకు మకాం మార్చిన నీతూబాయి గంజాయి దందా కొనసాగిస్తూ వస్తోంది. ఈ మేరకు సమాచారం అందటంతో ఎస్టీఎఫ్​ బీటీం లీడర్ ప్రదీప్​ రావు, సీఐ భిక్షారెడ్డి, ఎస్​ఐ బాలరాజుతోపాటు సిబ్బందితో కలిసి దాడి జరిపారు. నీతూబాయితోపాటు ఆమె కొడుకు దుర్గాప్రసాద్​, గోవింద్​. దుర్గేశ్​ లను అరెస్ట్​ చేశారు. నిందితులపై కేసులు నమోదు చేసి శేరిలింగంపల్లి ఎక్సయిజ్ పోలీస్ స్టేషన్​ లో అప్పగించారు.

Also Read: Mahabubabad Police: ఫ్రాడ్‌ కో ఫుల్ స్టాప్ కార్యక్రమంలో సైబర్ అవగాహన పోస్టర్ ఆవిష్కరణ: ఎస్పీ డా. శబరీష్

మాన్​ గార్​ బస్తీలో..

గంజాయి విక్రయాలు జరుగుతున్నట్టు అందిన సమాచారం మేరకు ఎస్టీఎఫ్ ఏటీం లీడర్​ అంజిరెడ్డి మంగళవారం సిబ్బందితో కలిసి దాడి జరిపారు. ఒడిషా(Odhisha)కు చెందిన కాండ్లే పరిమళ, బసంతిలను అరెస్ట్ చేసి 1.2కిలోల గంజాయిని సీజ్​ చేశారు. కాగా, ఇదే కేసులో నిందితులుగా ఉన్న సాకేత్ బాబు, కాంబ్లే మురళీ పరారయ్యారు. వీరి కోసం గాలిస్తున్నారు. ఇక, శేరిలింగంపల్లి నెహ్రూనగర్​‌లో మంగ్లీ నరేశ్​ ఇంట్లో గంజాయి పెట్టుకుని అమ్ముతుండగా సమాచారం అందుకున్న ఎస్టీఎఫ్ సీ టీం ఎస్​ఐ మంజు సిబ్బందితో కలిసి దాడి చేశారు. 710 గ్రాముల గంజాయిని సీజ్​ చేసి నరేశ్​ ను అరెస్ట్ చేశారు.

Also Read: Hyderabad Crime News: నగరంలో తీవ్ర విషాదం.. వేర్వేరు చోట్ల ముగ్గురు విద్యార్థుల ఆత్మహత్యలు!