Balanagar Crime: సెలవుల్లో ఎంజాయ్​ చేద్దామని.. చిన్నారిపై అఘాయిత్యం!

Balanagar Crime: సెలవుల్లో ఎంజాయ్​ చేద్దామంటూ పదకొండేళ్ల చిన్నారిని ఇంటి నుంచి తీసుకెళ్లి లైంగిక దాడి జరిపిన యువకున్ని బాలానగర్​ పోలీసులు అరెస్ట్​ చేశారు. బాలానగర్ డీసీపీ కే.సురేష్​ కుమార్​ గురువారం అదనపు డీసీపీ సత్యనారాయణ, ఏసీపీ నరేశ్​ రెడ్డిలతో కలిసి మీడియా సమావేశంలో వివరాలు వెల్లడించారు. బాలానగర్​ ప్రాంతంలోని వినాయక్ నగర్ వాస్తవ్యుడైన రాబిన్సన్​ డీ కార్నెల్​ (25) క్యాటరింగ్​ వర్కర్​ గా పని చేస్తున్నాడు. ఇదెలా ఉండగా బాలానగర్​ ప్రాంతానికి చెందిన ఓ పదకొండేళ్ల బాలికతో కొంతకాలం క్రితం పరిచయం చేసుకున్నాడు.

తీయటి మాటలు, పొగడ్తలతో బాలికకు దగ్గరయ్యాడు. 2023, మే 22న రాత్రి 8గంటలకు బాలికను కలిసిన రాబిన్సన్​ ఇంట్లో నుంచి డబ్బు, దుస్తులు, మీ అమ్మ మొబైల్​ ఫోన్​ తీసుకుని అర్ధరాత్రి 1గంటకు వస్తే బయటి ప్రాంతానికి పోయి బాగా ఎంజాయ్ చేసి వద్దామన్నాడు. అభం శుభం తెలియని ఆ చిన్నారి ఇంట్లో నుంచి 30వేల రూపాయలు, రెండు మూడు జతల దుస్తులు, తన తల్లి మొబైల్​ ఫోన్​ తీసుకుని తెల్లవారుఝాము 2గంటల సమయంలో రాబిన్సన్ ను కలిసింది. బాలికను సికింద్రాబాద్ స్టేషన్ కు తీసుకెళ్లిన రాబిన్సన్ ఆ తరువాత రైల్లో విశాఖపట్టణం తీసుకెళ్లాడు. అక్కడ తనకు తెలిసిన వారెంట్లో బాలికను పెట్టాడు.

Also Read: Bhoodan Land Case: ఈడీ కేసును కొట్టేయలేం.. భూదాన్​ భూములపై హైకోర్టు కీలక వ్యాఖ్యలు!

ఆ తరువాత పలుమార్లు చిన్నారిపై అఘాయిత్యం జరిపాడు. దాంతో బాలిక తీవ్ర గాయాలకు గురైంది. దాంతో భయపడి ఏడు రోజుల తరువాత రైల్లో హైదరాబాద్​ తీసుకొచ్చాడు. వాటర్​ బాటిల్​ తెస్తానని చెప్పి సికింద్రాబాద్ రైల్వే స్టేషన్​ వద్ద బాలికను కూర్చోబెట్టి పరారయ్యాడు. దారిన వెళుతున్న వ్యక్తి నుంచి సెల్ ఫోన్ తీసుకుని బాధితురాలు తండ్రికి ఫోన్ చేయగా ఆయన వచ్చి చిన్నారిని ఇంటికి తీసుకెళ్లాడు. జరిగిన విషయం తెలిసి పోలీసులకు ఫిర్యాదు చేశాడు.

ఈ మేరకు పోలీసులు పోక్సో యాక్ట్​ ప్రకారం కేసులు నమోదు చేసి నిందితుని కోసం గాలింపు మొదలు పెట్టారు. అయితే, రాబిన్సన్ వారి చేతికి చిక్కలేదు. అయినా, సీఐ నర్సింహ రాజు, ఎస్సై వినోద్​ కుమార్​, కానిస్టేబుళ్లు ఇఫ్తెకార్​, కృష్ణయ్య, మహ్మద్​ ఖదీర్​, శ్రీనివాస్​ లతో కలిసి పట్టు వదలకుండా వేటను కొనసాగించారు. చివరకు యాప్రాల్​ ప్రాంతంలో రాబిన్సన్​ ఉంటున్నట్టు గుర్తించి అతని కదలికలపై కన్నేశారు. గురువారం రాబిన్సన్​ సికింద్రాబాద్ లోని ఓ ఆస్పత్రిలో చికిత్స పొందుతున్న తన నాయనమ్మను చూడటానికి రాగా అదుపులోకి తీసుకున్నారు.

Also Read: Notice to Jhansi reddy: కాంగ్రెస్ నేత ఝాన్సీ రెడ్డికి షాక్!..హైకోర్టు షోకాజ్ నోటీసులు.. ఎందుకంటే?