Epaper 
Crime News: కాలిఫోర్నియాలోని స్టాక్టన్ నగరంలో జరిగిన కుటుంబ వేడుకలో కాల్పులు సంభవించి నలుగురు మృతిచెందగా, మరో 10 మందికి పైగా తీవ్రంగా గాయపడ్డారు. కొన్ని నివేదికల ప్రకారం ఈ ఘటన ఆదివారం చోటుచేసుకుంది.
సాన్ జోక్విన్ కౌంటీ షెరీఫ్ కార్యాలయం తెలిపిన వివరాల ప్రకారం, నగరంలోని లూసిల్ అవెన్యూ సమీపంలోని ఒక బ్యాంక్వెట్ హాల్లో కుటుంబ సమావేశం జరుగుతున్న సమయంలో అనుకోకుండా కాల్పులు మొదలయ్యాయి. కాల్పులు జరిపిన అనుమానితుడు పారిపోయినట్టుగా పోలీసులు వెల్లడించారు.
కాల్పుల సమాచారం అందివ్వడంతో డిప్యూటీలు వెంటనే ఘటనాస్థలానికి చేరుకున్నారు. ప్రస్తుతం ఈ ఘటనపై సాన్ జోక్విన్ కౌంటీ షెరీఫ్ కార్యాలయమే దర్యాప్తు చేపట్టింది.
షెరీఫ్ కార్యాలయ ప్రతినిధి హీథర్ బ్రెంట్ వెల్లడించిన వివరాల్లో, మృతి చెందిన వారిలో చిన్నారులు, పెద్దలు ఉన్నారని చెప్పారు. గాయపడిన వారిని సమీపంలోని ఆసుపత్రులకు తరలించి చికిత్స అందిస్తున్నట్టు తెలిపారు. “ కాల్పులే లక్ష్యంగా పెట్టుకుని చేసిన దాడిగా కనిపిస్తోంది” అని ఆమె పేర్కొన్నారు. పోలీసులు నిందితుడి కోసం పెద్ద ఎత్తున గాలింపు చర్యలు ప్రారంభించగా, ఈ ఘటనతో స్థానికులు తీవ్ర భయాందోళనకు గురయ్యారు.
