Epaper 
Realme New Launch: రియల్‌మీ తాజాగా తన కొత్త బడ్జెట్ 5G స్మార్ట్‌ఫోన్ Realme C85 5G ను నవంబర్ 28న భారత మార్కెట్‌లో అధికారికంగా లాంచ్ చేసింది. డిసెంబర్ 1 నుంచే ఈ ఫోన్ అమ్మకాలు ప్రారంభం కానున్నాయి. రియల్‌మీ అధికారిక వెబ్‌సైట్‌తో పాటు ఫ్లిప్‌కార్ట్‌లో కూడా ఇది అందుబాటులోకి రానుంది. ఈ ఫోన్‌లోని హైలైట్ ఏంటంటే.. ఒకసారి ఛార్జ్ చేస్తే నాలుగు రోజులు వచ్చే భారీ 7,000mAh బ్యాటరీ. కంపెనీ ప్రకారం, ఈ బ్యాటరీతో యూజర్స్ 22 గంటల వీడియోలు చూడగలరు, 50 గంటల పాటు కాల్స్ మాట్లాడగలరు, 145 గంటల పాటు మ్యూజిక్ వినగలరు.
ధర విషయానికి వస్తే, బేస్ మోడల్ ధర రూ. 16,499, హయ్యర్ మోడల్ ధర రూ. 17,999 గా నిర్ణయించారు. అయితే లాంచ్ ఆఫర్లను ఉపయోగించుకుంటే బేస్ వేరియంట్‌ను రూ. 14,999 కు, హయ్యర్ వేరియంట్‌ను రూ. 16,499 కు పొందొచ్చు. ఇది పారట్ పర్పుల్ మరియు పీకాక్ గ్రీన్ కలర్ ఆప్షన్లలో అందుబాటులో ఉండనుంది. డిస్‌ప్లే విషయానికి వస్తే, Realme C85 5Gలో 6.8-అంగుళాల LCD ప్యానల్‌ను ఉపయోగించారు. ఈ స్క్రీన్ HD+ రిజల్యూషన్, గరిష్టంగా 144Hz రిఫ్రెష్ రేట్, 1,200 నిట్స్ పీక్ బ్రైట్‌నెస్, 180Hz టచ్ సాంప్లింగ్ రేట్, అలాగే Corning Glass రక్షణను అందిస్తుంది.
పర్ఫార్మెన్స్ పరంగా, ఈ ఫోన్‌లో MediaTek Dimensity 6300 5G ప్రాసెసర్, ARM Mali-G57 MC2 GPU, 6GB RAM, ఇంకా అదనంగా 12GB డైనమిక్ RAM ఉంది. అంటే మొత్తం 18GB వరకు రామ్ అనుభూతి లభిస్తుంది. 128GB ఇంటర్నల్ స్టోరేజ్ తో పాటు, థర్మల్స్ కంట్రోల్ లో ఉండేందుకు 5,300 sq mm విస్తీర్ణం గల వేపర్ ఛాంబర్ కూలింగ్ సిస్టమ్ కూడా ఇందులో ఉంది. కంపెనీ ప్రకారం, ఒకేసారి 17 యాప్స్ ని కూడా ల్యాగ్ లేకుండా రన్ చేయగల సామర్థ్యం ఈ డివైస్‌కి ఉంది.
Also Read: Hong Kong Fire: 128 మందిని బలి తీసుకున్న హాంకాంగ్ అగ్ని ప్రమాదం కేసులో మరో ఎనిమిది మంది అరెస్ట్
కెమెరా సెక్షన్‌లో, Realme C85 5Gలో 50MP Sony IMX852 ప్రైమరీ కెమెరాని ఇచ్చారు. ఇది 1080p ఫార్మాట్‌లో 30fps వీడియోలను రికార్డ్ చేయగలదు. సెల్ఫీల కోసం 8MP ఫ్రంట్ కెమెరాను అందిస్తున్నారు, ఇది కూడా 1080p 30fps వీడియోలను సపోర్ట్ చేస్తుంది.
