Hari Chandana Dasari: తెలంగాణ అభివృద్ధిలో యువత ముందుండాలి : కలెక్టర్ హరిచందన దాసరి!

Hari Chandana Dasari: తెలంగాణ రైజింగ్ 2047 అభివృద్ధి లక్ష్యంగా నేటి విద్యార్థులు ముందడుగు వేయాలని జిల్లా కలెక్టర్ హరిచందన (Hari Chandana Dasari) దాసరి ఉద్బోధించారు. శుక్రవారం తిరుమలగిరి మండలం ప్రభుత్వ ప్రాథమిక ఉన్నత పాఠశాల లో విద్యార్థుల యూత్ పార్లమెంట్ కార్యక్రమానికి జిల్లా కలెక్టర్ హరి చందన దాసరి ముఖ్య అతిథిగా హాజరయ్యారు. ఈ సందర్భంగా కలెక్టర్ మాట్లాడుతూ రాష్ట్ర ప్రభుత్వం విద్యారంగానికి అత్యంత ప్రాధాన్యిస్తుందని, విద్యార్థులు లక్ష్యం మేరకు ఉన్నత స్థానాలకు చేరుకోవాలంటే, విద్యతోనే సాధ్యమని, ప్రతి ఒక్కరూ ప్రత్యేక దృష్టితో తమ లక్ష్యాన్ని ఎంచుకోవాలని కలెక్టర్ సూచించారు.

విద్యార్థులు 2047 అభివృద్ధి లక్ష్యం

ప్రతి పౌరుడు ఉజ్వల భవిష్యత్తు వాగ్దానంలో భాగస్వామ్యం పొందే రాష్ట్రాన్ని నిర్మించడమని, అందుకు స్థిరమైన సంక్షేమం, విద్యా, ఆరోగ్యం మౌలిక సదుపాయాలు క్రమ పద్ధతిలో సాధించడం ద్వారా ఈ లక్ష్యాన్ని సాధించవచ్చన్నారు. ఇక్షణ మార్కెటింగ్ ఆధ్వర్యంలో హైదరాబాద్ జిల్లాలోని 16 మండలాల్లోని 183 ప్రభుత్వ పాఠశాలలో యూత్ పార్లమెంట్-2025 కార్యక్రమం నిర్వహణ నేపథ్యంలో బాలుర ఉన్నత పాఠశాల తిరుమలగిరిలో మొదటగా ప్రారంభించినట్లు, అలాగే విద్యార్థులు 2047 అభివృద్ధి లక్ష్యంగా చేసుకుని ముందుకెళ్లాలని, లక్ష్యాలని నిర్దేశించుకుని ఉపాధ్యాయుల సహకారంతో కలలు సాకారం చేసుకోవాలన్నారు. పుస్తకాలు చదవడం కాకుండా ప్రతి విషయాన్ని ప్రాక్టీకల్ గా నేర్చుకోవాలని సూచించారు.

Also Read: Collector Harichandana: పర్యావరణ పరిరక్షణ అందరి బాధ్యత: కలెక్టర్ హరిచందన దాసరి

విహారయాత్రలకు కూడా ప్రాధాన్యత ఇవ్వాలి

కష్టపడి కాకుండా ఇష్టపడి చదువుకోవాలని 2047 వరకు మీరంతా యువకులుగా తెలంగాణ అభివృద్ధిని నిర్దేశిస్తారని ఆశిస్తున్నామని వ్యాఖ్యానించారు. వివిధ రకాల కార్యక్రమాల వల్ల విశ్లేషణాత్మక విజ్ఞానాన్ని సముపార్జించాలని కలెక్టర్ సూచించారు. అదేవిధంగా విద్యార్థులను తరచు విహారయాత్రలకు తీసుకేళ్లటంతో వారిలో ఆలోచన శక్తి మరింతగా పెరుగుతుందని, విహారయాత్రలకు కూడా ప్రాధాన్యత ఇవ్వాలని కలెక్టర్ ఉపాధ్యాయులకు సూచించారు. జిల్లా విద్యాశాఖ అధికారి రోహిణి మాట్లాడుతూ ఇలాంటి కార్యక్రమాల వల్ల విద్యార్థులలో నాయకత్వ లక్షణాలు కలుగుతాయని, ప్రతి విద్యార్థి నాయకత్వ లక్షణాలు అలవరర్చుచుకోవడానికి ఇలాంటి కార్యక్రమాలు వేదిక అవుతాయని అభిప్రాయపడ్డారు.

ఈ కార్యక్రమాన్ని నిర్వహించిన ఇక్షణ మార్కెటింగ్ ప్రతినిధి అంజనీ గుప్తా, ప్రతినిధులను ప్రశంసించారు. ప్రతి విద్యార్థి ఇలాంటి కార్యక్రమాల వల్ల భావవ్యక్తీకరణ సామర్ధ్యాన్ని అలవర్చుకుంటారన్నారు. ఆ తర్వాత విద్యార్థులచే యూత్ పార్లమెంట్ నిర్వహించిన తీరును వీక్షించి విద్యార్థులను కలెక్టర్ అభినందించారు. ఈ కార్యక్రమంలో తహశిల్దార్ బిక్షపతి, హెచ్ఎం భరద్వాజ, ఇన్ ఛార్జి హెచ్ఎం విజయలక్ష్మి, ఉపాధ్యాయులు తదితరులు పాల్గొన్నారు.

Also Read: Komati Reddy Venkat Reddy: విద్యా రంగానికి అత్యంత ప్రాధాన్యత: మంత్రి కోమటిరెడ్డి వెంకటరెడ్డి