Epaper 
Hong Kong Building Fire: హాంకాంగ్ లో అత్యంత ఎత్తైన హౌసింగ్ కాంప్లెక్స్ లో భారీ అగ్ని ప్రమాదం సంభవించిన సంగతి తెలిసిందే. ఈ ఘటనలో మృతుల సంఖ్య 55కు చేరినట్లు అధికారులు వెల్లడించారు. ఇంకా వందలాది మంది ఆచూకి తెలియడం లేదని పేర్కొన్నారు. వారిలోనూ పలువురు మరణించి ఉండొచ్చన్న అనుమానాలను వ్యక్తం చేస్తున్నారు. హాంకాంగ్ లో కొన్ని దశాబ్దాల తర్వాత జరిగిన అతిపెద్ద అగ్ని ప్రమాదంగా దీనిని అధికారులు పేర్కొన్నారు. అయితే ఈ ప్రమాదం ఎలా చోటుచేసుకుందన్న దానిపై హాంకాంగ్ పోలీసులు ఇప్పటికే దర్యాప్తు ప్రారంభించారు. ఈ క్రమంలో పలు కీలక విషయాలను కనుగొన్నారు. ముగ్గురు వ్యక్తులను సైతం అరెస్ట్ చేశారు.
వెదురు బొంగుల కారణంగా..!
31 అంతస్తుల్లో 2000 వేల ఇళ్లు ఉన్న 8 భవనాల కాంప్లెక్స్ లో బుధవారం మధ్యాహ్నం ఈ అగ్నిప్రమాదం జరిగినట్లు పోలీసులు గుర్తించారు. ఈ ప్రమాదానికి సంబంధించి గురువారం తెల్లవారుజామున ముగ్గురు వ్యక్తులను హాకాంగ్ పోలీసులు అరెస్టు చేశారు. నిర్మాణ సమయంలో వారు నిర్లక్ష్యంగా వదిలేసిన ఫార్మ్ ప్యాకేజీ (వెదురు బొంగులు, కలపతో చేసిన వస్తువులు) కారణంగా మంటలు మరింత చెలరేగినట్లు పోలీసులు పేర్కొన్నారు. దీనిని భారీ నిర్లక్ష్యంగా అభివర్ణించారు.
There was a fire in a residential building in Hong Kong, and more than 2,000 people lived there.
God bless them！ pic.twitter.com/BKFmUpcIHh
— The FinanceX (@thefinancexnews) November 26, 2025
కిటికీలు మూసి ఉండటంతో..
అయితే ప్రమాద సమయంలో తమకు పేలుడు శబ్దాలు వినిపించాయని ప్రత్యక్ష సాక్షి ఒకరు తెలియజేశారు. దట్టమైన పొగలో అగ్ని కణాలు గాల్లోకి ఎగిసిపడటాన్ని తాము చూశామని అన్నారు. మరోవైపు ప్రమాదం నుంచి బయటపడ్డ 65 ఏళ్ల వ్యక్తి యూయెన్ మాట్లాడుతూ మరమ్మత్తుల కారణంగా చాలావరకూ అపార్ట్ మెంట్ల కిటికీలు మూసి ఉన్నాయని చెప్పారు. దీంతో మంటలు చెలరేగిన విషయం చాలా మందికి తెలియలేదని పేర్కొన్నారు. పొరుగువారు ఫోన్ చేసి బయటకు రావాలని చెప్పడంతోనే ప్రమాదం జరిగిందన్న విషయం తనకు తెలిసిందని స్పష్టం చేశారు.
16 మంది పరిస్థితి విషమం..
మృతి చెందిన వారిలో 37 ఏళ్ల అగ్నిమాపక అధికారి కూడా ఉన్నారు. సహచరులతో సంబంధం కోల్పోయిన అరగంట తర్వాత ఆయన్ను ముఖం కాలిన గాయాలతో కనుగొన్నట్లు అగ్నిమాపక శాఖ డైరెక్టర్ ఆండీ యియుంగ్ తెలిపారు. ప్రస్తుతం ఆస్పత్రిలో 56 మంది చికిత్స పొందుతున్నట్లు సదరు అధికారి తెలిపారు. వీరిలో 16 మంది పరిస్థితి అత్యంత విషమంగా పేర్కొన్నారు. మరో 24 మంది తీవ్రగాయాలతో 16 మంది సాధారణ గాయాలతో చికిత్స పొందుతున్నారని యియుంగ్ వివరించారు.
Also Read: Ayyappa Swamis Protest: అయ్యప్ప స్వాముల కన్నెర్ర.. డీజీపీ ఆఫీసు ముట్టడి.. రాష్ట్రవ్యాప్త నిరసనలకు పిలుపు!
279 మంది ఆచూకీ మిస్సింగ్..
హాంకాంగ్ నగర అధికారి జాన్ లీ ప్రకారం.. గురువారం ఉదయం వరకు 279 మంది ఆచూకి తెలియరాలేదు. అయితే వారిలో కొందరు ఆచూకిని అగ్నిమాపక సిబ్బంది కనుగొన్నారు. ప్రమాదానికి గురైన బహుళ అంతస్తు భవనం నుంచి దాదాపు 900 మందిని క్షేమంగా బయటకు తీసుకొచ్చి.. సురక్షిత ప్రాంతాలకు అధికారులు చేర్చారు. మరోవైపు ప్రమాద సమయంలో ఒక భవనం నుంచి మరొక భవనానికి వేగంగా గాలులు వీచాయని అగ్నిమాపక అధికారి ఒకరు తెలిపారు. ఈ కారణం చేతనే మంటలు వేగంగా విస్తరించాయని స్పష్టం చేశారు.
