Epaper 
Ayyappa Swamis Protest: అయ్యప్ప మాల వేసుకున్న కంచన్ బాగ్ ఎస్సై కృష్ణ కాంత్ కు ఉన్నతాధికారులు మెమో జారీ చేయడం రాష్ట్రవ్యాప్తంగా చర్చకు దారితీసిన సంగతి తెలిసిందే. దీనిని ఖండిస్తూ హైదరాబాద్ లోని డీజీపీ కార్యాలయాన్ని (DGP Office) అయ్యప్ప స్వాములు ముట్టడించారు. అయ్యప్పమాల ధరించిన పోలీసు అధికారిపై చర్యలు తీసుకోవడాన్ని తీవ్రంగా తప్పుబట్టారు. హిందువుల మనోభావాలను కించపరిచేలా పోలీసులు వ్యవహరిస్తున్నారంటూ తీవ్రస్థాయిలో ఆగ్రహం వ్యక్తం చేశారు. మరోవైపు అయ్పప్పలకు మద్దతుగా బీజేవైఎం (BJYM) కార్యకర్తలు సైతం డీజీపీ ఆఫీసు వద్దకు తరలిరావడంతో ఉద్రిక్తత పరిస్థితులు చోటుచేసుకున్నాయి.
స్వాములు అరెస్టు
పదుల సంఖ్యలో వచ్చిన స్వాములు, జీబీవైఎం కార్యకర్తలు.. డీజీపీ ఆఫీసులోకి చొచ్చుకెళ్లేందుకు ప్రయత్నించారు. అయ్యప్ప దీక్షదారులను పోలీసు డ్రెస్ కోడ్ నుంచి మినహాయింపు ఇవ్వాలని నినాదాలు చేశారు. అయ్యప్ప దీక్షలో ఉన్న SI కి ఇచ్చిన మెమో వెనక్కు తీసుకోవాలని పట్టుబట్టారు. దీంతో పోలీసులు, స్వాములకు మధ్య తీవ్ర వాగ్వాదం చోటుచేసుకుంది. ఇరువురి మధ్య తోపులాట సైతం జరిగింది. దీంతో కొందరు స్వాములను అరెస్టు చేసి బలవంతంగా పోలీసు వాహనంలో తరలించారు.
Police Memo on Ayyappa Deeksha Sparks Outcry, #BJP hold protest outside DGP office in #Hyderabad. In a controversial move, the TG Police’s South East Zone has issued a memo instructing a Sub-Inspector at Kanchanbagh Police Station, to explain why he wore an Ayyappa mala (and… pic.twitter.com/6qPSGNVHOw
— Ashish (@KP_Aashish) November 27, 2025
‘రాష్ట్ర వ్యాప్త నిరసనలు చేస్తాం’
మరోవైపు అడిషనల్ డీజీపీకి బీజేవైఎం నాయకులు, అయ్యప్ప స్వాములు మెమోరాండం ఇచ్చారు. అనంతరం బీజేవైఎం రాష్ట్ర అధ్యక్షులు గణేష్ మీడియాతో మాట్లాడుతూ కీలక వ్యాఖ్యలు చేశారు. రేపటిలోగా ఎస్సైకి ఇచ్చిన మెమో ఉపసంహరించుకోకపోతే రాష్ట్రవ్యాప్త నిరసనలు చేస్తామని హెచ్చరించారు. ‘రేపు వందలాది మంది స్వాములతో డీజీపీ ఆఫీస్ ముట్టడిస్తాము. ఇతర మతాలలో లేని ఆంక్షలు అయ్యప్ప స్వాములు మీద ఎందుకు?. ఇతర మతం వాళ్లు గడ్డాలు పెంచుకొని డ్యూటీ చేయొచ్చు. పోలీసులు ఇఫ్తార్ విందులకు హాజరు కావచ్చు. కానీ అయ్యప్ప స్వాములు మాత్రం డ్యూటీ చేయకూడదా?. పోలీస్ శాఖతో పాటు అన్ని ప్రభుత్వ శాఖలలో పనిచేస్తున్న అయ్యప్ప స్వాములపై ఆంక్షలు ఎత్తివేయాలి. సర్వీస్ రూల్స్ పేరుతో అయ్యప్ప స్వాములపై ఆంక్షలు పెట్టకూడదు. భవిష్యత్ లో ఇలాంటి ఘటనలు జరగకుండా ఆదేశాలు ఇవ్వాలి’ అని గణేష్ డిమాండ్ చేశారు.
Also Read: Strange Incident: భార్యను చంపిన కేసులో జైలుకెళ్లిన భర్త.. కట్ చేస్తే ప్రియుడితో పట్టుబడ్డ వైఫ్.. ఇదేందయ్యా ఇది!
చీకోటి ప్రవీణ్ వార్నింగ్..
అయ్యప్పమాలలో ఉన్న ఎస్సై చర్యలు తీసుకోవడాన్ని బీజేపీ రాష్ట్ర నాయకుడు చీకోటి ప్రవీణ్ కుమార్ కూడా తప్పుబట్టారు. పోలీసులు ఒక వర్గానికి చెందిన వారిని ఒక లాగా చూస్తూ హిందువులని మరోలా చూడడం తగదన్నారు. లా అండ్ ఆర్డర్ కంట్రోల్ చేయాల్సిన పోలీస్ శాఖనే ఇలాంటి తప్పిదాలకు పాల్పడడం శోచనీయమన్నారు. మరోవైపు దర్శకుడు రాజమౌళిని సైతం చీకోటి ప్రవీణ్ హెచ్చరించారు. ఇటీవల ఓ సినిమా ఈవెంట్ లో రాజమౌళి చేసిన వ్యాఖ్యలపై మండిపడ్డారు. హిందూ భావాలను దెబ్బతీసేలా వ్యవహరిస్తే అంగీకరించేది లేదన్నారు.
