ESI Hospital: ఈఎస్ఐ ఆస్పత్రిలో ప్రమాదం.. కూలిన సెంట్రింగ్.. కార్మికుడు మృతి

ESI Hospital: హైదరాబాద్ సనత్ నగర్ లోని ఈఎస్ఐ ఆస్పత్రిలో ప్రమాదం చోటుచేసుకుంది. ఆస్పత్రిలో రెనోవేషన్ వర్క్ జరుగుతుండగా సెంట్రింగ్ ఒక్కసారిగా కుప్పకూలింది. స్లాబ్ పెచ్చులు ఊడి మీద పడటంతో ఒకరు మృతి చెందగా మరో నలుగురు గాయపడ్డారు.  ఈఎస్ఐ ఆస్పత్రిలోని ఎమర్జెన్సీ వార్డులో రెనోవేషన్ వర్క్ జరుగుతుండగా ఈ ప్రమాదం చోటుచేసుకున్నట్లు తెలుస్తోంది.

మరోవైపు ప్రమాద ఘటనపై ఆస్పత్రి డీన్ శిరీష్ కుమార్ చవాన్ స్పందించారు. ‘ఈరోజు సాయంత్రం నాలుగు గంటల సమయంలో జరిగిన ఘటనలో ఐదుగురు ప్రమాదానికి గురయ్యారు. వారిలో చికిత్స పొందుతూ ఒకరు మృతి చెందగా మరొక ఇద్దరి పరిస్థితి విషమంగా ఉంది. ఇంకో ఇద్దరి ఆరోగ్యం ప్రస్తుతం నిలకడగానే ఉంది’ అని తెలిపారు.

Also Read: Bigg Boss Telugu 9: ఈ వారం రెండు దశల్లో నామినేషన్స్.. టాప్ 5లో ఉండాల్సిన భామే టార్గెట్!

ఆసుపత్రిలో ఎమర్జెన్సీ వార్డు సమీపంలో రెనోవేషన్ పనులు నిర్వహిస్తుండగా ప్రమాదం జరిగినట్లు ఆస్పత్రి డీన్ ధ్రువీకరించారు. ‘ప్రమాదంలో గాయపడిన క్షతగాత్రులను వెంటనే ఎమర్జెన్సీ వార్డుకు తరలించి చికిత్స అందిస్తున్నాం. ప్రమాదంలో గాయపడిన ఐదుగురిలో భాను చందర్ మృతి చెందారు. రఘుపతి, మోహన్ పరిస్థితి విషమంగా ఉంది. మల్లేష్, మైసయ్య పరిస్థితి నిలకడగా ఉంది’ అని ఆస్పత్రి డీన్ శిరీష్ కుమార్ చవాన్ తెలిపారు.

Also Read: CM Revanth Reddy: ఎడ్యుకేషన్ హబ్‌గా కొడంగల్.. రాష్ట్రానికే రోల్ మోడల్.. సీఎం రేవంత్