Bigg Boss Telugu 9: బిగ్ బాస్ తెలుగు సీజన్ 9లో 78వ రోజు (Bigg Boss Telugu Season 9 Day 78) మండే. ఈ వారానికి ఓ స్పెషల్ ఉంటుందని అందరికీ తెలిసిందే. మండే అంటే ఇంట్లో మంటలే. వారం మొత్తం చేసిన తప్పులను దృష్టిలో పెట్టుకుని హౌస్‌మేట్స్ నామినేషన్స్ చేస్తుంటారు, లేదంటే తమకు పోటీ అనుకున్న వాళ్లను నామినేట్ చేస్తుంటారు. ఈ సండే చివరి నిమిషంలో ఇమ్ము తీసుకున్న నిర్ణయం ఎలిమినేషన్ లేకుండా చేసింది. లేదంటే మరో కంటెస్టెంట్ హౌస్ నుంచి బయటకు వెళ్లిపోయేవారే. ఆ కంటెస్టెంట్ ఎవరో కూడా నాగార్జున (King Nagarjuna) రివీల్ చేశారు. లాస్ట్ వీక్ ఎలిమినేషన్స్‌లో దివ్య ఇంటి నుంచి బయటకు రావాల్సి ఉండగా, చివరిలో ఇమ్ము తన దగ్గర ఉన్న పవరాస్త్రను వాడి, ఎలిమినేషన్ లేకుండా చేశాడు. ఇక ఈ వారం బయటకు వెళ్లే నిమిత్తం జరుగుతున్న నామినేషన్స్ (Bigg Boss Telugu9 Nominations) పర్వాన్ని బిగ్ బాస్ చాలా ఆసక్తికరంగా ప్లాన్ చేశారు. అందుకు సంబంధించిన ప్రోమోలు తాజాగా విడుదలయ్యాయి. ఈ ప్రోమోలను గమనిస్తే..

Also Read- Bandi Saroj Kumar: సినీ ప్రపంచానికి పెద్ద సర్‌ప్రైజ్.. ‘పెద్ది’ బుచ్చిమామపై ‘మోగ్లీ’ విలన్ ప్రశంసలు!

నామినేషన్స్ టైమ్

నామినేషన్స్ టైమ్ అంటూ వచ్చిన ఈ ప్రోమోలో.. ‘ఈసారి నామినేషన్స్ బాగా ఆసక్తిగా, భిన్నంగా ఉండబోతున్నాయి. ఈ నామినేషన్స్ రెండు దశల్లో జరగబోతుంది. ఒకరి తర్వాత ఒకరు డెన్‌కు వచ్చి, నామినేట్ చేయాలనుకున్న పర్సన్ గురించి, ఎదురుగా చెప్పలేకపోయిన పాయింట్స్‌ని స్పష్టంగా బయటపెట్టి, వారి పేరును కార్డు మీద పెట్టి, బాక్సులో వేసి ప్రైవేట్ నామినేషన్ చేయాలి’ అని బిగ్ బాస్ వివరంగా చెప్పారు. ఈ ప్రైవేట్ నామినేషన్స్‌లో ఇమ్ము వచ్చేసి డిమోన్ పవన్‌ని నామినేట్ చేసి, ఎందుకనేది వివరణ ఇచ్చారు. సుమన్ శెట్టిని కళ్యాణ్, తనూజని భరణి, కళ్యాణ్‌ని డిమోన్ పవన్, భరణిని దివ్య, సంజనని సుమన్ శెట్టి నామినేట్ చేసి వివరణ ఇచ్చారు. తనూజ ఎవరిని నామినేట్ చేసిందనేది మాత్రం ఈ ప్రోమోలో క్లారిటీ ఇవ్వలేదు.

Also Read- Director Maruthi: కాలర్ ఎగరేయడం చిన్నమాట.. ఎన్టీఆర్ ఫ్యాన్స్ హర్ట్.. సారీ చెప్పిన మారుతి!

వైల్డ్ ఫైర్ నామినేషన్స్

వైల్డ్ ఫైర్ నామినేషన్స్ అంటూ వచ్చిన రెండో ప్రోమోలో.. ‘ఈ నామినేషన్స్‌లోని రెండో భాగం మీలోని ధైర్యాన్ని పరీక్షిస్తుంది. మీరు నామినేట్ చేయాలనుకున్న ఫొటోను ఫైర్‌లో వేసి నామినేషన్స్ చేయండి’ అని బిగ్ బాస్ చెప్పారు. ఈ దశలో ఇమ్మానుయేల్ వచ్చి తనూజని నామినేట్ చేసి, ఆమె ఫొటోను ఫైర్‌లో వేశాడు. ఇమ్ము, తనూజల మధ్య వాగ్వివాదం నడుస్తోంది. తర్వాత భరణి వచ్చి దివ్యను నామినేట్ చేసి.. తన వివరణ ఇస్తుండగా.. అతనిపై దివ్య ఫైరయింది. డిమోన్ పవన్‌ని కళ్యాణ్ నామినేట్ చేసి, అతను చేసిన మిస్టేక్‌ను చెబుతున్నాడు. నీ వల్ల నాకు కెప్టెన్సీ పోయిందని చెబుతూ తనూజని సుమన్ శెట్టి నామినేట్ చేశాడు. అతనితో తనూజ వాదిస్తుంది. అలా ఈ నామినేషన్స్‌లో ఫైరింగ్ నడుస్తోంది. రీతూ కెప్టెన్ కావడంతో ఆమెకు ఈ వారం విముక్తి లభించింది. మొత్తంగా అయితే, ఈ వారం ఇంటి సభ్యులందరూ వారి స్ట్రాటజీని వాడి నామినేషన్స్ చేస్తున్నారనేది మాత్రం సుస్పష్టమవుతోంది. అందులో ముఖ్యంగా ఇప్పటి వరకు టాప్ 5లో ఉంటుందని భావించిన తనూజ.. ఈ వారం టార్గెట్ అయినట్లుగా తెలుస్తోంది. చూద్దాం మరి.. ఈ వారం ఎవరెవరు నామినేషన్స్‌లో ఉంటారో..