Bandi Saroj Kumar: ‘పెద్ది’ బుచ్చిమామపై ‘మోగ్లీ’ విలన్ ప్రశంసలు!
BSK on Peddi Movie (Image Source: X)
ఎంటర్‌టైన్‌మెంట్

Bandi Saroj Kumar: సినీ ప్రపంచానికి పెద్ద సర్‌ప్రైజ్.. ‘పెద్ది’ బుచ్చిమామపై ‘మోగ్లీ’ విలన్ ప్రశంసలు!

Bandi Saroj Kumar: మెగా పవర్ స్టార్ రామ్ చరణ్ (Mega Power Star Ram Charan) హీరోగా, బాలీవుడ్ బ్యూటీ జాన్వీ కపూర్ (Janhvi Kapoor) హీరోయిన్‌గా రూపుదిద్దుకుంటోన్న పాన్ ఇండియా స్పెక్టకిల్ ‘పెద్ది’ (Peddi Movie). బుచ్చిబాబు సానా (Buchi Babu Sana) దర్శకత్వంలో వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తున్నారు. ఈ ప్రెస్టీజియస్ ప్రాజెక్ట్‌ని మైత్రీ మూవీ మేకర్స్, సుకుమార్ రైటింగ్స్ ప్రెజెంట్ చేస్తున్న విషయం తెలిసిందే. ఈ సినిమాకు సంబంధించి ఇప్పటి వరకు విడుదలైన ప్రమోషనల్ కంటెంట్ సినిమాపై అంచనాలను పీక్స్‌లోకి తీసుకెళ్లింది. ప్రస్తుతం ఈ సినిమా శరవేగంగా చిత్రీకరణ జరుపుకుంటోంది. తాజాగా ఈ సినిమాపై మల్టీ టాలెంటెడ్ యాక్టర్ బండి సరోజ్ కుమార్ (Bandi Saroj Kumar) చేసిన ట్వీట్ బాగా వైరల్ అవుతోంది. మరీ ముఖ్యంగా బుచ్చిబాబు సానాపై ఆయన చేసిన కామెంట్స్‌ వాస్తవం అంటూ నెటిజన్లు కూడా అంగీకరిస్తున్నారు. అసలింతకీ బండి సరోజ్ కుమార్ ఏమని ట్వీట్ చేశారంటే..

Also Read- Director Maruthi: కాలర్ ఎగరేయడం చిన్నమాట.. ఎన్టీఆర్ ఫ్యాన్స్ హర్ట్.. సారీ చెప్పిన మారుతి!

భారతీయ సినీ ప్రపంచానికి ఒక పెద్ద సర్‌ప్రైజ్

‘‘ఈ దశాబ్దంలో ప్రేక్షకులే ప్రమోటర్లుగా మారి మోస్తున్న సినిమా ఏదైనా ఉంటే అది పెద్ది మాత్రమే. సినిమాకు సంబంధించి వచ్చినవి రెండు కంటెంట్లు.. రెండూ సూపర్ హిట్లు. ఇప్పటివరకూ చూసిన వాటిల్లో ఏఆర్ రెహమాన్‌ను ఈ రేంజ్‌లో వాడుకుని, రామ్ చరణ్‌ను ఇంత వైవిధ్యంగా చూపించి, సినిమాటోగ్రాఫర్ రత్నవేలుతో, జానీ మాస్టర్ కొరియోగ్రఫీలో ఇంత కొత్త కోణాల్ని ఆవిష్కరించిన దర్శకుడిని ఈరోజుల్లో నేను చూసాను అంటే అది కేవలం బుచ్చిబాబు సానానే. ఇంత పెద్ద స్కేల్ ఉన్న సినిమాని ఇంత వేగంగా తీస్తుండడం మరో గొప్ప అచీవ్‌మెంట్. అతని మొదటి సినిమా చూసినప్పుడే ఇతను పెద్దగా వ్యాపిస్తాడు అని నమ్మాను, ఇప్పుడు చూస్తున్నాను. బుచ్చిబాబు ఖచ్చితంగా భారతీయ సినీ ప్రపంచానికి ఒక పెద్ద సర్‌ప్రైజ్. ఆల్ ద బెస్ట్ సార్’’ అని బండి సరోజ్ కుమార్ తన ట్వీట్‌లో పేర్కొన్నారు.

Also Read- The Raja Saab: ‘పాన్ ఇండియా నెంబర్ 1 బ్యాచ్‌లర్ నేనేలే’.. ‘రెబల్ సాబ్’ సాంగ్ ఎలా ఉందంటే?

100 మిలియన్ల క్లబ్‌లో ‘చికిరి’

‘పెద్ది’ ప్రమోషన్స్‌లో భాగంగా రీసెంట్‌గా వచ్చిన ‘చికిరి’ సాంగ్ ఎలా వైరల్ అయిందో ప్రత్యేకంగా చెప్పాల్సిన అవసరం లేదు. ఈ సాంగ్‌పై రీల్స్ లెక్కేస్తే.. గిన్నిస్ బుక్ రికార్డ్ కూడా వస్తుందంటే.. ఏ రేంజ్‌లో ఈ సాంగ్ జనాల్లోకి వెళ్లిపోయిందో అర్థం చేసుకోవచ్చు. ఈ సాంగ్ విడుదలైన 16 రోజుల్లోనే 100 మిలియన్ల వ్యూస్‌ను రాబట్టుకున్నట్లుగా చిత్రయూనిట్ అధికారికంగా ప్రకటించింది. అంతేకాదు, ఈ సందర్భాన్ని పురస్కరించుకుని చిన్న ట్రీట్ కూడా ఇవ్వబోతున్నట్లుగా మేకర్స్ అధికారికంగా ప్రకటించారు. ఆ ట్రీట్ ఏంటనేది తెలియాలంటే.. ఇంకాస్త టైమ్ వెయిట్ చేయాల్సిందే. చాలా గ్యాప్ తర్వాత ఏఆర్ రెహమాన్ తెలుగు చిత్రానికి సంగీతం అందిస్తున్నారు. ఆయన కంపోజిషన్‌లో వచ్చిన ‘చికిరి’ సాంగ్‌ను మోహిత్ చౌహాన్ ఆలపించగా, బాలాజీ సాహిత్యం అందించారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు

Just In

01

Balakrishna: బోయపాటి నోటి వెంట చిరు, ప్రభాస్ పేరు.. హర్టయిన బాలయ్య!

Tollywood: రషా తడానీ, హర్షాలి.. నెక్ట్స్ టాలీవుడ్‌ను ఊపేసే భామలు వీరేనా?

Sahakutumbanam: తన ఫ్రెండ్ చనిపోతే.. ఆసక్తికర విషయం చెప్పిన బుచ్చిబాబు సానా!

Jailer 2: ‘జైలర్ 2’లో గెస్ట్ రెల్ చేసేది బాలయ్య కాదట.. ఎవరంటే?

Bhartha Mahasayulaku Wignyapthi: కలర్‌ఫుల్‌గా ఫస్ట్ సింగిల్.. సాంగ్ ప్రోమో చూశారా?