Vitamin D: ఆరోగ్యం మెరుగుపడాలంటే విటమిన్ D తప్పనిసరి.. వీటి గురించి తప్పక తెలుసుకోవాలి!

Vitamin D:  ప్రస్తుతం, చాలా మంది ఇంట్లోనే గడపడం, బయటకి తక్కువగా వెళ్లడం వల్ల విటమిన్‌ D లోపం పెరుగుతోందని డాక్టర్లు చెబుతున్నారు. “సన్‌షైన్ విటమిన్‌” అనే పేరుతో పిలిచే విటమిన్‌ D మన శరీరం బాగుండేందుకు చాలా అవసరం. ఎముకలు బలంగా ఉండటం, రోగనిరోధక శక్తి పెరగటం, మూడ్‌ మెరుగుపడటం. ఇవన్ని దానిపైనే ఆధారపడ్డాయి.

ఎముకలు బలం కోసం ఇది చాలానే అవసరం

విటమిన్‌ D ఉండాలంటేనే కాల్షియం శరీరంలో సరిగ్గా పని చేస్తుంది. ఇది తక్కువైతే ఎముకలు బలహీనపడటం, చిన్న గాయాలకు కూడా ఫ్రాక్చర్లు అవ్వడం, పిల్లల్లో రికెట్స్‌ రావడం వంటి సమస్యలు వస్తాయి. అందుకే విటమిన్‌ D లెవల్స్‌ మామూలుగా ఉండాలి.

జలుబు, ఫ్లూ తగ్గించే రోగనిరోధక శక్తి

ఇమ్యూనిటీ అంటే మన శరీరం జబ్బులు రాకుండా కాపాడే శక్తి. విటమిన్‌ D దీనిని బాగా బలపరుస్తుంది. ఇది సరిపడా ఉంటే జలుబు, ఫ్లూ, చిన్న చిన్న ఇన్ఫెక్షన్లు కూడా తక్కువగా వస్తాయని అధ్యయనాలు చెబుతున్నాయి.

Also Read: Hidma Encounter: చికిత్స కోసం విజయవాడ వెళ్తే చంపేశారు.. హిడ్మా ఎన్‌కౌంటర్‌పై మావోయిస్టు కేంద్ర కమిటీ సంచలన లేఖ

మూడ్‌ మెరుగుపడటానికి కూడా కారణం

విటమిన్‌ D తక్కువైతే డిప్రెషన్‌, ఆందోళన రావడానికి అవకాశాలు ఎక్కువ. ఎందుకంటే ఇది “సీరోటోనిన్‌” అనే ఫీల్-గుడ్ హార్మోన్‌ని నియంత్రిస్తుంది. అందుకే సూర్యకాంతిలో కొద్దిసేపు ఉన్నా మన మూడ్‌ ఫ్రెష్‌గా అనిపిస్తుంది.

హార్ట్‌ హెల్త్‌కు కూడా ఇది హెల్ప్ అవుతుంది

విటమిన్‌ D రక్తపోటు కంట్రోల్‌ చేయడంలో, శరీరంలోని వాపు తగ్గించడంలో ఇది సహాయపడుతుంది. ఇవి రెండూ గుండె ఆరోగ్యానికి చాలా ముఖ్యం. అందువల్ల హార్ట్‌ ప్రాబ్లమ్స్‌ వచ్చే అవకాశాలు కూడా తగ్గుతాయి.

Also Read: Registration Scam: అక్రమ రిజిస్ట్రేషన్లకు కేరాఫ్‌గా​ రంగారెడ్డి.. ప్రభుత్వ పార్కులను సైతం వదలిపెట్టని అధికారులు!

మసిల్స్ బలం పెరగడంలో సహాయం

పిల్లలు, పెద్దలు, వృద్ధులు.. అందరికీ విటమిన్‌ D అవసరం. ఇది మసిల్స్‌కు బలం ఇస్తుంది. విటమిన్‌ D తక్కువైతే అలసటగా ఉంటారు.

విటమిన్‌ D సహజ వనరులు ఇవే

1. సూర్యకాంతి

ఉదయం 10–20 నిమిషాలు సూర్యకిరణాల్లో నడిస్తే శరీరం సహజంగానే విటమిన్‌ D తయారు చేసుకుంటుంది.

2. చేపలు

సాల్మన్‌, ట్యూనా, సార్డిన్స్‌, మాకరెల్‌ వంటి చేపల్లో విటమిన్‌ D ఎక్కువగా ఉంటుంది.

Also Read: Delhi Blast Case: పిండి మిల్లు ఉపయోగించి, ఇంట్లోనే బాంబు తయారీ.. ఢిల్లీ పేలుడు కేసులో మరో సంచలనం వెలుగులోకి!

3. గుడ్డు పచ్చసొన

రోజూ గుడ్డు తింటే విటమిన్‌ D కొంత వరకు డ్రైగా అందుతుంది.

4. పుట్టగొడుగులు

సూర్యకాంతిలో పెరిగిన కొన్ని రకాల పుట్టగొడుగులు విటమిన్‌ Dకి మంచి వనరు.

5. ఫోర్టిఫైడ్‌ ఫుడ్స్‌

పాలు, కొన్ని బ్రేక్‌ఫాస్ట్‌ ఐటమ్స్‌ వంటి చాలా ఆహారాల్లో విటమిన్‌ Dని ప్రత్యేకంగా కలుపుతారు.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా డాక్టర్ లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఇందులో పేర్కొన్న అంశాలకు ‘స్వేచ్ఛ’ బాధ్యత వహించదని గమనించగలరు.