Delhi Blast Case: పిండి మిల్లు ఉపయోగించి, ఇంట్లోనే బాంబు తయారీ.. ఢిల్లీ పేలుడు కేసులో మరో సంచలనం వెలుగులోకి!

Delhi Blast Case: ఢిల్లీ బాంబు పేలుడు కేసులో (Delhi Blast Case) దర్యాప్తు ముమ్మరంగా కొనసాగుతోంది. పేలుడుతో సంబంధాలు ఉన్నవారిని ఎన్ఐఏ (NIA) సహా ఇతర దర్యాప్తు సంస్థలు వేటాడుతున్నాయి. ప్రతి చిన్న వివరాన్ని వెలికితీస్తున్నాయి. పేలుడుకు పాల్పడ్డ మొహమ్మద్ ఉమర్ నబీ‌కు (Umar Nabi) సహకరించిన సహ-నిందితుడు ముజమ్మిల్ షకీల్ గనైను (Mujammil Shakeel Ganai) రెండు రోజులక్రితం అరెస్ట్ చేసిన విషయం తెలిసిందే. అతడిని ప్రశ్నిస్తూ, వివరాలు కూపీ లాగుతున్నా కొద్దీ షాకింగ్ నిజాలు వెలుగుచూస్తున్నాయి. పేలుడు పదార్థాలకు అవసరమైన రసాయనాలను తయారు చేయడానికి ఏకంగా ఇంట్లోనే ఒక పిండి మిల్లు సెటప్‌ను ఏర్పాటు చేసుకున్నట్టు దర్యాప్తు అధికారులు గుర్తించారు. బాంబుల తయారీకి ఆ పిండిమిల్లును ఉపయోగించినట్టు తేల్చారు. హర్యానాలోని ఫరీదాబాద్‌లో ఒక ట్యాక్సీ డ్రైవర్ ఇంట్లో దాచిపెట్టిన ఈ పిండి మిల్లు, ఎలక్ట్రానిక్ యంత్రాలను అధికారులు గుర్తించి, స్వాధీనం చేసుకున్నారు.

Read Also- KTR on Land Scam: దేశంలోనే అతిపెద్ద భూ కుంభకోణం.. సీఎం రేవంత్‌పై కేటీఆర్ సంచలన ఆరోపణలు

యూరియాను మెత్త చేసి..

సహనిందితుడు ముజమ్మిల్ గనై, ఫరీదాబాద్‌లో ఒక గదిని అద్దెకు తీసుకొని, అందులో పిండి మిల్లును ఉపయోగించినట్లు తెలిసింది. యూరియాను మెత్తగా పొడి చేయడానికి ఈ పిండి మిల్లును వినియోగించాడు. ఆ తర్వాత ప్రత్యేక ఎలక్ట్రిక్ యంత్రాల ద్వారా శుద్ధి చేసి అవసరమైన కెమికల్స్‌ను తయారు చేసేవాడని గుర్తించారు. అల్ ఫలాహ్ యూనివర్సిటీలో వైద్యుడిగా పనిచేస్తున్న గనై విచారణ సమయంలో కీలక విషయాలు అంగీకరించాడు. యూరియా నుండి అమ్మోనియం నైట్రేట్‌ను వేరు చేయడానికి, పేలుడు పదార్థాలను శుద్ధి చేయడానికి తాను చాలా కాలంగా పిండి మిల్లును ఉపయోగిస్తున్నట్టుగా అతడు అంగించినట్టుగా తెలుస్తోంది. అతడు చెప్పిన దానికి బలం చేకూర్చుతో నవంబర్ 9న ఆ గదిలో పోలీసులు ఏకంగా 360 కేజీల అమ్మోనియం నైట్రేట్, ఇతర పేలుడు పదార్థాలను స్వాధీనం చేసుకున్నారు.

Read Also- KTR: సౌదీ మృతుల కుటుంబాలకు అండగా బీఆర్ఎస్.. సహాయసహకారాలు అందిస్తామని కేటీఆర్ హామీ

ఆ ట్యాక్సీ డ్రైవర్ ఎవరో తెలుసా?

ఓ ట్యాక్సీ డ్రైవర్‌కు చెందిన ఇంట్లో పిండి మిల్లు లభ్యమవ్వగా, ఆ డ్రైవర్ ఎవరనే విషయాన్ని కూడా ఎన్ఐఏ అధికారులు వెలికితీశారు. విచారణ నిమిత్తం ట్యాక్సీ డ్రైవర్‌ను కూడా అదుపులోకి తీసుకున్నారు. దాదాపు నాలుగేళ్ల క్రితం తన కొడుకుని ట్రీట్‌మెంట్ కోసం అల్ ఫలాహ్ మెడికల్ కాలేజీ హాస్పిటల్‌కు తీసుకెళ్లానని, అప్పుడు ముజిమ్మిల్ గనైని కలిసినట్లు ఆ ట్యాక్సీ డ్రైవర్ ఎన్‌ఐఏకి చెప్పినట్టుగా సమాచారం. కాగా, నవంబర్ 10న ఎర్రకోట సమీపంలో జరిగిన భారీ పేలుడులో కీలక పాత్ర పోషించిన గనై కూడా జమ్మూ కాశ్మీర్‌లోని పుల్వామాకు చెందినవాడే. ఇక, హ్యుందాయ్ ఐ20 కారుతో ఎర్రకోట వద్ద పేలుడుకు పాల్పడి 13 మంది మరణానికి కారణమైన ఉమర్ నబీ కూడా కశ్మీర్‌లోని పుల్వామా జిల్లాకు చెందిన వ్యక్తే. గనైతో పాటు అల్ ఫలాహ్ యూనివర్సిటీకి చెందిన అతడి సహచరులు ఉత్తరప్రదేశ్‌కు చెందిన షాహీన్ సయీద్, కశ్మీర్‌లోని అనంత్‌నాగ్‌కు చెందిన అదీల్ అహ్మద్ రథర్‌లను కూడా ఇప్పటికే అరెస్టయ్యారు.