CV Anand: సిబ్బంది అందరికీ అభినందనలు తెలిపిన సీపీ ఆనంద్!

CV Anand: లక్షలాది మంది పాల్గొన్న వినాయక నిమజ్జన శోభా యాత్ర ప్రశాంతంగా ముగిసిందని హైదరాబాద్ కమిషనర్​ సీ.వీ.ఆనంద్(Commissioner C.V. Anand) చెప్పారు. సిబ్బంది సమష్టి కృషి వల్లనే ఈ ఫలితాన్ని సాధించగలిగామన్నారు. నిద్రహారాలు మాని రాత్రింబవళ్లు కంటి మీద కునుకు లేకుండా పని చేసి శాంతిభద్రతలను కాపాడిన సిబ్బంది అందరికీ పేరు పేరునా అభినందనలు తెలిపారు. రెండో రోజు నిమజ్జన ఊరేగింపును పర్యవేక్షించిన అనంతరం తెలుగు తల్లి ఫ్లై ఓవర్ వద్ద ఆయన మీడియాతో మాట్లాడారు. వినాయక చవితి వేడుకలు మొదలైన 3వ రోజు నుంచి 11వ రోజు వరకు 1.40లక్షల వినాయక విగ్రహాల నిమజ్జనం జరిగినట్టు సీపీ ఆనంద్​ చెప్పారు.

ప్రధాన నిమజ్జనం రోజున

వీటిలో 1.20లక్షల విగ్రహాలు బేబీ పాండ్స్​, చిన్న చిన్న చెరువుల్లో నిమజ్జనమైనట్టు తెలిపారు. ఇక, ఆన్​ లైన్​ ద్వారా సేకరించిన వివరాల ప్రకారం హైదరాబాద్(Hyderabad)( లో 12,030 విగ్రహాలను ప్రతిష్ట జరిగినట్టు చెప్పారు. వీటిలో ప్రధాన నిమజ్జనానికి ముందు 7,330 విగ్రహాల నిమజ్జనం జరిగిందన్నారు. మిగితా 4,700 విగ్రహాలు ప్రధాన నిమజ్జనం రోజున ఊరేగింపులో పాల్గొన్నట్టు చెప్పారు. వీటిలో రెండో రోజు మధ్యాహ్నం సమయానికి ఇంకా 900 విగ్రహాలు నిమజ్జనార్థం క్యూలో ఉన్నట్టు తెలిపారు. నిమజ్జన శోభా యాత్ర 40గంటలకు పైగా కొనసాగిందన్నారు. ఈసారి కొన్ని విగ్రహాల ఎత్తు 40 అడుగుల కంటే ఎక్కువగా ఉండటం వల్ల శోభా యాత్ర కొంత ఆలస్యమైందని చెప్పారు. 9 డ్రోన్లు, 35 హై రైజ్​ భవనాలపై కెమెరాలను ఏర్పాటు చేసి నిఘా పెట్టామన్నారు. ఇక, నిర్వాహకుల సహకారంతో ఖైరతాబాద్ బడా గణేశ్​ నిమజ్జనం అనుకున్న సమయానికన్నా ముందుగానే నిమజ్జనమైనట్టు చెప్పారు.

Also Read: Telangana Jagruthi: తెలంగాణ జాగృతి సంస్థ నాయకులు ఫైర్.. కారణం అదేనా..?

ట్రాఫిక్​ మళ్లింపులు

ఇక, ఊరేగింపులో చిన్న చిన్న గొడవలు జరిగాయని, వీటికి సంబంధించి 5 కేసులు నమోదయ్యాయని తెలిపారు. అలాగే మహిళల పట్ల అభ్యంతరకరంగా ప్రవర్తించిన 170మందితోపాటు కొందరు పిక్​ పాకెటర్లను అదుపులోకి తీసుకున్నట్టు చెప్పారు. రెండో రోజు కూడా నిమజ్జన ఊరేగింపు కొనసాగుతోందన్నారు. ట్రాఫిక్​ మళ్లింపులు పూర్తిగా తొలగించినపుడే నిమజ్జనం పూర్తయినట్టుగా భావిస్తామన్నారు. జీహెచ్​ఎంసీ, రెవెన్యూ, విద్యుత్, ఆర్టీఏ, హెచ్​ఎండీఏ తదితర ప్రభుత్వ శాఖల అధికారుల సమన్వయం…ఉత్సవ నిర్వాహకుల సహకారం వల్లనే నిమజ్జన ఊరేగింపు ప్రశాంతంగా పూర్తయ్యేలా చూడగలిగామన్నారు. కమిషనర్​ వెంట అదనపు సీపీ (లా అండ్​ ఆర్డర్​) విక్రమ్​ సింగ్ మాన్​, అదనపు సీపీ (క్రైం) విశ్వప్రసాద్​, జాయింట్​ సీపీ (ట్రాఫిక్​) జోయల్ డేవిస్​, నేరపరిశోధక విభాగం డీసీపీ శ్వేత, సెంట్రల్​ జోన్​ డీసీపీ శిల్పవల్లి, సీఏఆర్ హెడ్​ క్వార్టర్స్​ డీసీపీ రక్షిత కృష్ణమూర్తి తదితర అధికారులు కార్యక్రమంలో పాల్గొన్నారు.

Also Read: Gadwal District: జోగులాంబ గద్వాల జిల్లాలో దారుణం.. నది ప్రవాహంలో బాలుడు గల్లంతు