Hyderabad Heavy Rains: నగరంలో భారీ వర్షం .. ట్రాఫిక్‌తో వాహనదారుల ఇక్కట్లు

Hyderabad Heavy Rains:హైదరాబాద్ వాసులను చాలా రోజుల తర్వాత వరుణుడు పలకరించాడు. క్యూములోనింబస్ మేఘాల ప్రభావంతో పలుచోట్ల భారీ వర్షం పడింది. మాదాపూర్, కూకట్ పల్లి, శేరిలింగంపల్లి, హకీంపేట, కంటోన్మెంట్, పటాన్ చెర్ ఏరియాల్లో భారీ వర్షం కురవడంతో రోడ్లన్నీ జలమయం అయ్యాయి. కొన్ని చోట్ల ఉరుములు, మెరుపులతో వర్షం పడింది. ప్రజలు అప్రమత్తంగా ఉండాలని అధికారులు హెచ్చరించారు. రూడ్లపై నీరు నిలిచిపోవడంతో ట్రాఫిక్ సమస్యలు తలెత్తాయి. వాహనదారులు తీవ్ర ఇబ్బందులు పడ్డారు. ఎక్కడికక్కడే ట్రాఫిక్ నిలిచిపోగా, పలువురు మెట్రో పిల్లర్ల కింద వాహనాలతో తలదాచుకున్నారు.

 Also Read: Hyderabad Land Dispute: నమ్మి మోసపోయామంటున్న బాధితులు.. రూ.2 వేల కోట్లకు పైగా నష్టమంటూ ఆవేదన

ఇంకో రెండు రోజులు వర్షాలు

తెలంగాణలో ఇంకో రెండు రోజులపాటు భారీ వర్షాలు కురిసే అవకాశం ఉన్నదని వాతావరణ శాఖ అధికారులు ప్రకటించారు. శనివారం వరకూ తెలంగాణ వ్యాప్తంగా పలు జిల్లాలో వర్షాలు పడతాయని వెల్లడించారు. హైదరాబాద్, సిద్దిపేట, మహబూబ్ నగర్, సంగారెడ్డి, వికారాబాద్, పెద్దపల్లి, నాగర్ కర్నూల్, రంగారెడ్డి, వరంగల్, హనుమకొండ జిల్లాల్లో భారీ వర్షాలు పడే అవకాశం ఉన్నదని పేర్కొన్నారు. ఆయా జిల్లాల్లో గంటకు 40 కిలోమీటర్ల వేగంతో ఈదురుగాలులు సైతం వీచే ఛాన్స్ ఉందని తెలిపారు.

Also Read: Heavy Rainfall Alert: మూడు రోజులపాటు రాష్ట్రంలో భారీ వర్షాలు!