High Court: మహిళకు ఇచ్చే గౌరవం ఇదేనా.. నల్లపురెడ్డిపై హైకోర్టు సీరియస్

High Court: వైసీపీ సీనియర్ నేత, మాజీ ఎమ్మెల్యే నల్లపురెడ్డి ప్రసన్నకుమార్‌రెడ్డిపై ఆంధ్రప్రదేశ్ హైకోర్టు సీరియస్ అయ్యింది. టీడీపీ మహిళా ఎమ్మెల్యే వేమిరెడ్డి ప్రశాంతిరెడ్డిపై నల్లపురెడ్డి వ్యాఖ్యలను ధర్మాసనం తీవ్రంగా తప్పుబట్టింది. ఒక మహిళా ఎమ్మెల్యే ఈ వ్యాఖ్యలు ఏంటి? మహిళా ఎమ్మెల్యేకు ఇచ్చే గౌరవం ఇదేనా? అంటూ తీవ్రంగా మండిపడింది. మాట్లాడేటప్పుడు జాగ్రత్తగా ఉండాలని న్యాయస్థానం ఘాటుగా హెచ్చరించింది. ఇది రాజకీయాల్లో మహిళల పట్ల ప్రవర్తించాల్సిన తీరుపై తీవ్రమైన సందేహాలను లేవనెత్తింది. మాట్లాడేటప్పుడు జాగ్రత్తగా ఉండాలని నల్లపురెడ్డిని హైకోర్టు వార్నింగ్ ఇచ్చింది. ప్రజాప్రతినిధులు, నాయకులు తమ మాటల పట్ల బాధ్యత వహించాల్సిన అవసరాన్ని ఇది నొక్కి చెప్పింది. ఈ ఘటన రాజకీయ వర్గాల్లో, ముఖ్యంగా మహిళా ప్రజాప్రతినిధుల పట్ల వ్యవహరించాల్సిన మర్యాద, గౌరవంపై చర్చకు దారితీసింది. ప్రజా జీవితంలో ఉన్నవారు తమ మాటల పట్ల మరింత అప్రమత్తంగా ఉండాలని ఈ హైకోర్టు వ్యాఖ్యలు స్పష్టం చేస్తున్నాయి. అంతేకాదు.. నల్లపురెడ్డిపై నమోదైన కేసు పూర్తి వివరాలను సమర్పించాలని పోలీసులను ఆదేశించింది. ‘ మీ వ్యాఖ్యలతో న్యూసెన్స్ చేశార’ని హైకోర్టు తీవ్రంగా వ్యాఖ్యానించింది. ఈ క్రమంలోనే నల్లపురెడ్డి ముందస్తు బెయిల్ పిటిషన్‌పై విచారణ బుధవారానికి హైకోర్టు వాయిదా వేసింది.

Read Also- MP Mallu Ravi: ప్రతి పథకం ప్రజలకు చేరాలి.. ఎంపీ డాక్టర్ మల్లురవి

ప్రజాప్రతినిధుల బాధ్యత..
ఈ ఘటన హైకోర్టు ప్రజాప్రతినిధుల ప్రవర్తన, భాష పట్ల సీరియస్‌గా ఉందని మరోసారి గుర్తు చేసింది. ప్రజా జీవితంలో ఉన్నవారు, ముఖ్యంగా మహిళల పట్ల మాట్లాడేటప్పుడు అత్యంత జాగ్రత్తగా ఉండాలని న్యాయస్థానాలు తరచుగా హెచ్చరిస్తూ ఉంటాయి. ప్రసన్న రెడ్డికి, పరోక్షంగా వైసీపీకి కొంత ఇబ్బందికరంగా మారాయని చెప్పుకోవచ్చు. ప్రజా జీవితంలో భాషా సంయమనం ఎంత అవసరమో ఈ ఘటన మరోసారి స్పష్టం చేసింది. కాగా, జూలై 7న కోవూరు నియోజకవర్గంలోని పడుగుపాడులో జరిగిన వైసీపీ నియోజకవర్గ స్థాయి విస్తృత సమావేశంలో ఎమ్మెల్యే ప్రశాంతిరెడ్డిపై నల్లపురెడ్డి అసభ్యకరమైన, వ్యక్తిగత దూషణలకు పాల్పడ్డారు. ‘ రేణిగుంట మెస్‌లో పీహెచ్‌డీ చేశావ్. రేణిగుంటలో పీహెచ్‌డీ చేశావ్. బెంగళూరులో పీహెచ్‌డీ చేసావ్. ఆమె ఏమి పీహెచ్‌డీ చేసిందో మీరే ఆలోచించుకోండి. సూరత్‌లో కూడా ఈమె గొప్పతనం చెప్పుకుంటారు. ప్రశాంతిరెడ్డి తన భర్త, ఎంపీ వేమిరెడ్డి ప్రభాకర్ రెడ్డిని బెదిరించి, బ్లాక్ మెయిల్ చేసి వివాహం చేసుకున్నారు’ అని ప్రశాంతిపై తీవ్ర వ్యాఖ్యలు చేశారు. ఈ క్రమంలోనే తీవ్ర ఆగ్రహానికి లోనైన తెలుగు తమ్ముళ్లు, మహిళలు నల్లపురెడ్డి ఇంటికి దాడికి దిగారు. మరోవైపు.. ఈ వ్యాఖ్యలపై టీడీపీ, జనసేన, బీజేపీ కార్యకర్తలు తీవ్ర అసంతృప్తి వెలిబుచ్చారు. ‘ మంచి ప్రభుత్వం ప్రజలకు కావాలి గానీ, నేరస్థులకు కాదు. గతంలో బండారు సత్యనారాయణ కేవలం విమర్శలు చేస్తే నిముషాల వ్యవధిలో అరెస్టు చేశారు. కానీ మంచి ప్రభుత్వంలో నల్లపురెడ్డి ప్రసన్న కుమార్ రెడ్డి అసభ్య పదజాలంతో మహిళా ప్రజా ప్రతినిధి నీ దూషించిన నేటి వరకు చర్యలు లేవు!’ అని ప్రభుత్వంపై మండిపడ్డారు.

Read Also- SSMB 29: రాజమౌళి, మహేష్ బాబు సినిమాలో వారు చేయట్లేదా?

ఘాటుగా స్పందన..
మరోవైపు.. ఈ వ్యాఖ్యలపై ప్రశాంతిరెడ్డి నెల్లూరు జిల్లా ఎస్పీకి అధికారికంగా ఫిర్యాదు చేశారు. నేరపూరిత కుట్ర, నేరపూరిత పరువు నష్టం, మహిళ గౌరవాన్ని భంగం చేయడం, పరువు నష్టం సెక్షన్లతో సహా ఐపీసీ, భారతీయ న్యాయ సంహితలోని పలు సెక్షన్ల కింద కేసు నమోదు చేశారు. ఈ క్రమంలోనే ప్రసన్నకుమార్‌రెడ్డి దాఖలు చేసిన ముందస్తు బెయిల్ పిటిషన్‌పై విచారణ సందర్భంగా ఏపీ హైకోర్టు మంగళవారం నాడు తీవ్ర ఆగ్రహం వ్యక్తం చేసింది. నల్లపురెడ్డి వ్యాఖ్యలను రాష్ట్రవ్యాప్తంగా మహిళలు, పలు పార్టీల నేతలు తీవ్రంగా ఖండించారు. ముఖ్యంగా.. టీడీపీ, జనసేన నాయకులు, ఆంధ్రప్రదేశ్ మహిళా కమిషన్ ఈ వ్యాఖ్యలను తీవ్రంగా ఖండించింది. సీఎం చంద్రబాబు, లోకేష్, పవన్ కళ్యాణ్, నారా భువనేశ్వరి వంటి ప్రముఖులు ఈ వ్యాఖ్యలను ఖండిస్తూ, మహిళల పట్ల వైసీపీ నాయకుల ప్రవర్తనను విమర్శించారు. ‘ మహిళల వ్యక్తిత్వాన్ని కించపరిచేలా మాట్లాడడం వైసీపీ నాయకుల డీఎన్ఏ లో ఉంది. ఆ పార్టీ నాయకుడు జగన్ మోహన్ రెడ్డి దగ్గర నుంచి నేడు ప్రసన్నకుమార్ రెడ్డి దాకా ఇదే తీరు. అమరావతి మహిళా రైతుల మీద, తెలుగుదేశం, జనసేన, బీజేపీ మహిళల మీద సామాజిక మాధ్యమాల్లో వీళ్ళు అనేక రకాలుగా వ్యక్తిత్వ హననం చేయడం హీరోయిజం అనుకుంటున్నారు. దేవాలయం లాంటి అసెంబ్లీలో మహిళలను కించపరుస్తూ బూతులు మాట్లాడిన నీచ చరిత్ర ఈ వైసీపీ నాయకులది. ఒక మహిళ చేతిలో ఓటమి జీర్ణించుకోలేక పోతున్నారు ప్రసన్నకుమార్ రెడ్డి. ప్రజాస్వామ్యంలో ప్రజలే దేవుళ్ళు మీ బూతుల పాలన అవినీతి పాలన చూసి ప్రజలు కనీసం ప్రతిపక్ష హోదా కూడా ఇవ్వలేదు అయినా మీ బుద్ధి మారలేదు. మీ మురికి మాటలకు తగిన మూల్యం చెల్లించుకోవడానికి సిద్ధంగా ఉండాలి’ అని నల్లపురెడ్డికి మహిళా ఎమ్మెల్యేలు స్ట్రాంగ్ వార్నింగ్ ఇచ్చారు.

Read Also-Chandrababu: చదువుకున్న యువత రాజకీయాల్లోకి రావాలి!