Ganja Seized: 1.26కోట్ల గంజాయి డ్రగ్స్​ దహనం.. 2‌0‌ కిలోల గంజాయి కుల్ఫీలు స్వాధీనం!

Ganja Seized: 1.26 కోట్ల రూపాయల విలువ చేసే గంజాయి, డ్రగ్స్​ ను ఎక్సయిజ్​ అధికారులు దహనం చేశారు. హైదరాబాద్ డివిజన్ పరిధిలోని తొమ్మిది ఎక్సయిజ్ పోలీస్​ స్టేషన్లలో నమోదైన 102 కేసుల్లో అధికారులు 171.34 కిలోల గంజాయిని సీజ్ చేశారు. దాంతోపాటు 21.0‌‌3 కిలోల గంజాయి చాక్లెట్లు, 2‌0‌ కిలోల గంజాయి కుల్ఫీలు, 320.6 గ్రాముల హాష్​ ఆయిల్​, 51 గ్రాముల ఓజీ కుష్​, 17.66 గ్రాముల ఎండీఎంఏ, 12 గ్రాముల కొకైన్ ను కూడా స్వాధీనం చేసుకున్నారు.

డిస్పోజల్​ అధికారిగా ఉన్న హైదరాబాద్​ ఎక్సయిజ్​ డిప్యూటీ కమిషనర్​ కే.ఏ.బీ.శాస్త్రి ఇచ్చిన ఆదేశాల మేరకు ఏఈఎస్​లు శ్రీనివాస రావు, మోహన్​ బాబు తదితరులు జీజే మల్టీ కౌవ్​ ప్రైవేట్​ లిమిటెడ్​ సంస్థలో ఈ మాదక ద్రవ్యాలను దహనం చేశారు.

Also Read: Fake Documents: నకిలీ ఇండ్ల పట్టాల దందా.. రెచ్చిపోతున్న అక్రమార్కులు!

గంజాయి డ్రగ్స్​ సీజ్​

స్టేట్​ ఎక్సయిజ్​ టాస్క్​ ఫోర్స్​ బృందాలు హైదరాబాద్​ లోని వేర్వేరు చోట్ల దాడులు జరిపి గంజాయితోపాటు డ్రగ్స్​ ను స్వాధీనం చేసుకున్నారు. ఎక్సయిజ్​ ఎన్​ ఫోర్స్​ మెంట్​ డైరెక్టర్​ షానవాజ్​ ఖాసీం తెలిపిన ప్రకారం వివరాలు ఇలా ఉన్నాయి. ధూల్​ పేటలో సోనూ బాయి అనే మహిళ గంజాయి విక్రయాలు చేస్తున్నట్టు సమాచారం అందుకున్న ఎస్టీఎఫ్​ ఏ టీం సీఐ అంజిరెడ్డి సిబ్బందితో కలిసి దాడి చేశారు. ఆమెను అదుపులోకి తీసుకుని 1.162 కిలోల గంజాయిని సీజ్ చేశారు.

కాగా, ఇదే కేసులో నిందితునిగా ఉన్న సతీష్​ పాల్​ సింగ్​ పరారీలో ఉన్నాడు. అమీర్​ పేటలో డ్రగ్స్​ అమ్మకాలు జరుగుతున్నట్టు తెలియటంతో ఎస్టీఎఫ్​ బీ టీం ఎస్సై బాలరాజు సిబ్బందితో కలిసి దాడులు జరిపారు. శోభన్​, ప్రజ్ఞ అనే వ్యక్తులను అరెస్ట్​ చేసి వీరి నుంచి ఆరు ఎల్​ఎస్​డీ బ్లాస్ట్స్​, రెండు ఎస్టీ పిల్స్​ ను స్వాధీనం చేసుకున్నారు. నిందితులపై కేసులు నమోదు చేసి అమీర్​ పేట ఎక్సయిజ్​ పోలీసులకు అప్పగించారు.

Also Read: Medak District SP: మొబైల్ ఫోన్ రికవరీ లో.. తెలంగాణ మొదటి స్థానం!