Karimnagar: బ్యాచ్‌మేట్‌ స్నేహం కోసం.. గ్రామానికి వచ్చిన పోలీస్ కమిషనర్

Karimnagar: కరీంనగర్ పోలీస్ కమిషనర్ (సీపీ) గౌస్ ఆలం హుజురాబాద్ మండలంలోని పోతిరెడ్డిపేట గ్రామానికి ఆకస్మికంగా విచ్చేశారు. ఎలాంటి అధికారిక పనులూ లేకుండా, కేవలం వ్యక్తిగత పలకరింపుల కోసం తన బ్యాచ్‌మేట్, ఐపీఎస్ అధికారి చింత కుమార్‌ను కలిసేందుకు ఆయన ఇక్కడికి వచ్చారు. ప్రస్తుతం సెలవుపై ఉన్న ఐపీఎస్ చింత కుమార్ దీపావళి సందర్భంగా తమ స్వగ్రామమైన పోతిరెడ్డిపేటలో ఉన్నారు. ఈ నేపథ్యంలో, సీపీ గౌస్ ఆలం తమ స్నేహితుడిని మర్యాదపూర్వకంగా కలిసేందుకు ప్రత్యేకంగా పోతిరెడ్డిపేటకు పయనమయ్యారు. ఒకే బ్యాచ్‌కు చెందిన ఈ ఇద్దరు ఉన్నతాధికారులు కొద్దిసేపు ఆత్మీయంగా ముచ్చటించుకున్నారు.

Also Read: Karimnagar District: ఓరి నాయనా.. స్మశానంలో దీపావళి వేడుకలు.. ఎక్కడో తెలుసా..!

యువత ఆసక్తి

ఈ సందర్భంగా వారు తమ వృత్తి జీవితంలో ఎదురైన అనుభవాలను, ప్రస్తుత పరిణామాలను పరస్పరం పంచుకున్నారు. కొద్దిసేపు సాగిన ఈ స్నేహపూర్వక సమావేశం అనంతరం, సీపీ గౌస్ ఆలం తిరిగి కరీంనగర్‌కు పయనమయ్యారు. ఎలాంటి అధికారిక ఆర్భాటం లేకుండా, కేవలం వ్యక్తిగత స్నేహం, పలకరింపు కోసం ఒక ఉన్నత స్థాయి పోలీస్ అధికారి గ్రామీణ ప్రాంతానికి రావడం పట్ల స్థానికులు, ముఖ్యంగా యువత ఆసక్తి చూపారు. ఉన్నతాధికారుల మధ్య ఉన్న వ్యక్తిగత సంబంధాలు, ఆత్మీయతకు ఈ పర్యటన అద్దం పట్టిందని స్థానికులు పేర్కొన్నారు. 

Also Read:Karimnagar District: ప్రైవేటు ఆస్పత్రిలో దారుణం.. తీవ్ర జ్వరంతో బాధపడుతున్న యువతిపై లైంగిక దాడి!