Eye Care: వెచ్చని కంటి కాపడం, కాజల్ వాడకం మీ కళ్ళకి సురక్షితమేనా? కంటి వైద్య నిపుణులు ఏం చెబుతున్నారంటే?

Eye Care: మనలో చాలా మంది కంటి సమస్యలకు ఇంటి చిట్కాలను పాటిస్తుంటారు. ముఖ్యంగా కొందరు ఇప్పటికీ పాత కాలం పద్దతులను ఆచరిస్తుంటారు. వాటిలో వెచ్చని కంటి కాపడం (వార్మ్ కంప్రెస్), కాజల్ వాడకం వంటివి సాధారణంగా ఉపయోగిస్తారు. అయితే, ఇవి సురక్షితమేనా? అవి కంటికి ఎలాంటి ప్రమాదాలను తెచ్చిపెడతాయి? అనే దానిపై కంటి వైద్య నిపుణులు నమ్మలేని నిజాలను బయట పెట్టారు.

1. వెచ్చని కంటి కాపడం (Warm Eye Compress):

వెచ్చని కాపడం అనేది కంటి వాపు, కనురెప్పలపై గడ్డలు (స్టైస్), పొడి కళ్ల సమస్యలకు ఉపయోగించే చికిత్స. ఇది మీబోమియన్ గ్రంథుల అడ్డుపడటాన్ని తగ్గించి, వాపును నియంత్రిస్తుంది. వెచ్చని కాపడం సాధారణంగా సురక్షితం. శుభ్రమైన క్లాత్ ను తీసుకుని వెచ్చని నీటిలో (కాల్చేంత వేడిగా కాకుండా) ముంచి, కళ్లపై 10 నుంచి 15 నిమిషాలు ఉంచాలి. డాక్టర్ చెప్పినట్లు, ఇది తాత్కాలిక ఉపశమనం ఇస్తుంది, కానీ సరైన జాగ్రత్తలు తీసుకోకపోతే సమస్యలు తలెత్తవచ్చు.

జాగ్రత్తలు:

ఉష్ణోగ్రత: నీరు చాలా వేడిగా ఉంటే కంటి చుట్టూ ఉన్న సున్నితమైన చర్మం కాలిపోవచ్చు. 40°C దాటకుండా చూసుకోండి.

శుభ్రత: క్లాత్ శుభ్రంగా లేకపోతే బ్యాక్టీరియా వల్ల ఇన్ఫెక్షన్ వచ్చే ప్రమాదం ఉంది.

అతిగా వాడకండి: వెచ్చని కాపడంతో కంటిని ఎక్కువగా రుద్దితే, కార్నియా ఆకారం మారే ప్రమాదం ఉంది.

Also Read: Gold Rates (01-08-2025): బంగారం కొనాలంటే కోనేయండి ఇప్పుడే.. భారీగా తగ్గిన గోల్డ్ రేట్స్..

2. కాజల్ వాడకం (Kajal Application):

కాజల్ అనేది కళ్లను అందంగా చూపడానికి, రక్షణగా లేదా కంటి సమస్యలకు చికిత్సగా ఉపయోగిస్తారు. కానీ, దీని వాడకం గురించి ఆలోచించాల్సిన విషయాలు ఉన్నాయి. అయితే, ఇవి సురక్షితమేనా? అనే దానిపై కంటి వైద్య నిపుణులు కొన్ని నిజాలను బయట పెట్టారు.

కాజల్: ఇంట్లో తయారు చేసే కాజల్‌లో సీసం (లెడ్ సల్ఫైడ్) ఉంటుంది, ఇది 30-70% వరకు హానికరమైన లోహాలను కలిగి ఉంటుంది. దీన్ని అదే పనిగా వాడితే, సీసం విషపూరితం (లెడ్ పాయిజనింగ్) అయి కంటి ఇన్ఫెక్షన్లు (కంజంక్టివైటిస్) వచ్చే ప్రమాదం ఉంది.

కమర్షియల్ కాజల్: కొన్ని ఆధునిక కాజల్ ఉత్పత్తుల్లో పారాబెన్స్, ఫినాక్సీఎథనాల్ వంటి ప్రిజర్వేటివ్స్ ఉంటాయి. ఇవి కంటి పొరను రుద్దితే ఇరిటేషన్ కలిగించవచ్చు.

జాగ్రత్తలు:

నాణ్యత: ఎల్లప్పుడూ బ్రాండ్‌ల నుండి లెడ్-ఫ్రీ, ఆప్తాల్మాలజిస్ట్-టెస్టెడ్ కాజల్‌ను ఎంచుకోండి. విషపూరిత పదార్థాలు లేని సర్టిఫికేషన్ చూడండి.

శుభ్రత: మీ కాజల్‌ను ఇతరులకు ఇవ్వకండి. ఎక్స్‌పైర్డ్ ఉత్పత్తులను వాడకండి. ఇవి బ్యాక్టీరియా ఇన్ఫెక్షన్లకు కారణం కావచ్చు.

కాజల్‌ ను తొలగించడం: రాత్రి నిద్రపోయే ముందు కాజల్‌ను తప్పనిసరిగా శుభ్రం చేయండి. లేకపోతే, కంటి చుట్టూ బ్యాక్టీరియా పెరిగి ఇన్ఫెక్షన్ వచ్చే అవకాశం ఉంది.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘స్వేచ్ఛ’ ఎటువంటి బాధ్యత వహించదని గమనించగలరు.