Ganesh Chaturthi 2025: గణేష్ పూజ చేసేటప్పుడు.. ఈ తప్పులు అస్సలు చేయకండి!

Ganesh Chaturthi 2025: కొద్ది గంటల్లో దేశవ్యాప్తంగా ఈ పండుగను ఆనందం, ఉత్సాహం, భక్తి, విశ్వాసంతో జరుపుకోనున్నారు. ఇది కేవలం ఉత్సవం మాత్రమే కాదు, శాస్త్రీయ సంప్రదాయాల సమ్మేళనం కూడా. ఇంట్లో వినాయకుడిని ప్రతిష్ఠించిన తర్వాత, ప్రతిరోజూ పూజా నియమాలను ఖచ్చితంగా పాటించడం చాలా ముఖ్యం. ఇప్పుడు ఆ పూజా విధానం, మంత్రాలు, నైవేద్యాల గురించి ఇక్కడ తెలుసుకుందాం..

పూజకు ముందు చేయాల్సిన పనులు ఇవే..

ముందుగా తల స్నానం చేసి, కొత్త బట్టలు ధరించి, ఆ తర్వాత ఆచమనంతో పూజ స్టార్ట్ చేయాలి. ఆచమనం అంటే, మూడుసార్లు నీళ్లు తీసుకుని ‘ఓం కేశవాయ నమః’, ‘ఓం మాధవాయ నమః’, ‘ఓం గోవిందాయ నమః’ అని చెప్పాలి. ఆ తర్వాత భూమికి నమస్కరించి, సంకల్పం చెప్పుకోవాలి. సంకల్పం అంటే, మీ మనసులోని కోరికలను, పూజ ఉద్దేశాన్ని గణపతికి చెప్పడం.

కీలక మంత్రాలు: గణపతి పూజలో ‘ఓం గం గణపతయే నమః’. దీన్ని పూజ అంతా జపిస్తూ ఉండాలి. అలాగే, గణపతి అధర్వశీర్ష పఠనం చదివితే మంచి ఉంటుంది. సాయంత్రం హారతి ఇచ్చేటప్పుడు ‘సుఖకర్త దుఃఖహర్త’, ‘జై దేవ జై దేవ’ లాంటి హారతులు పాడితే భక్తి రెట్టింపవుతుంది.

Also Read: Swathi Murder Case: ఇంకా దొరకని స్వాతి శరీర భాగాలు.. మొండాన్ని తీసుకెళ్లబోమన్న కుటుంబీకులు

పూజా విధానం: పూజ మొదలు పెట్టేటప్పుడు గణపతికి గంధం, అక్షింతలు, పూలు సమర్పించాలి. గరిక (దూర్వ) ఈ పూజలో తప్పనిసరి. తర్వాత, గణేశుడికి ఇష్టమైన మోదకాలు, పండ్లు, మిఠాయిలు నైవేద్యంగా పెట్టాలి. కొందరు పాలు, కొబ్బరికాయ, పంచామృతం కూడా సమర్పిస్తారు. పూజ ముగిసిన తర్వాత దీపాలు వెలిగించి, గణేశుడికి హారతి ఇవ్వాలి. భక్తితో కూడిన పూజా విధానంతో గణపతి ఆశీస్సులు పొందండి.

పూజ సమయంలో ఈ తప్పులు అస్సలు చేయకండి.. 

గణేష్ చతుర్థి పూజ సమయంలో భక్తి, శ్రద్ధతో పాటు కొన్ని నియమాలను పాటించడం చాలా ముఖ్యం. కొన్ని తప్పులు చేయడం వల్ల పూజ ఫలితం దెబ్బతినవచ్చు. మరి, అలాంటి తప్పులు ఏంటో ఇక్కడ చూద్దాం..

ఆశ్రద్దతో పూజ చేయడం: స్నానం చేయకుండా లేదా మురికి బట్టలతో పూజ చేయడం మానండి. గణపతి పూజకు పరిశుభ్రత చాలా అవసరం.
సంకల్పం మర్చిపోవడం: పూజ మొదలు పెట్టే ముందు సంకల్పం (పూజ ఉద్దేశం) చెప్పుకోవడం మర్చిపోతే, పూజ సంపూర్ణంగా ఉండదు.
గరిక (దూర్వ) లేకుండా పూజ: గణేశుడికి గరిక ఎంతో ఇష్టం. దీన్ని పూజలో వాడకపోతే, ఆచారం లోపిస్తుంది.

Also Read: Tribandhari Barbarik: దర్శకుడు మెచ్చిన కథ ఎలా మొదలైందంటే?.. రండి తెలుసుకుందాం..

తప్పుడు మంత్ర ఉచ్చారణ: ‘ఓం గం గణపతయే నమః’ వంటి మంత్రాలను తప్పుగా ఉచ్చరించడం లేదా జపించకపోవడం వల్ల పూజ శక్తి తగ్గుతుంది.
నైవేద్యంలో నిర్లక్ష్యం: గణేశుడికి మోదకాలు, పండ్లు, పంచామృతం ఇష్టం. కానీ అనుచితమైన లేదా అశుద్ధమైన నైవేద్యం సమర్పించడం చేయకూడదు.
చంద్రుడిని చూడటం: గణేష్ చతుర్థి రోజు చంద్రుడిని చూడటం శాస్త్ర ప్రకారం నిషిద్ధం. ఇది దోషాన్ని కలిగిస్తుందని చెబుతుంటారు.