Epaper 
Minister Seethakka: బీఆర్ఎస్ నేతలపై మంత్రి సీతక్క ఫైర్ అయ్యారు. ఇందిరమ్మ చీరలపై బీఆర్ఎస్ లీడర్‌ల దుష్ప్రచారం తగదని సూచించారు. మీడియా ప్రకటన విడుదల చేశారు. ఆడబిడ్డలు, మహిళా సంఘాలు ఎంపిక చేసుకున్న డిజైన్లలోనే చీరలను ఇస్తున్నామని, అయినా కలర్(Colur) బాగాలేదని, డిజైన్ బాగాలేదని బీఆర్ఎస్(BRS) నేతలు విమర్శిస్తున్నారని మండిపడ్డారు. సహజంగానే ఆడవాళ్లు ఎదుగుతుంటే ఓర్వలేనితనం కేటీఆర్(KTR), హరీష్ రావు(Harish Rao)లది అని తీవ్రస్థాయిలో ధ్వజమెత్తారు. ఆడబిడ్డలు సంతోషంగా ఉంటే కళ్ళల్లో నిప్పులు పోసుకుంటున్నారన్నారు.
సిరిసిల్ల నేతన్నలని అవమానించేలా..
బీఆర్ఎస్‌లాగా ఇవి సూరత్ నుంచి కిలోల లెక్కన తీసుకొచ్చిన చీరలు కాదు.. సిరిసిల్ల నేతన్నలు తమ చేతితో స్వయంగా నేసిన చీరలు.. కావాలంటే కేటీఆర్(KTR), హరీష్ రావు(harish Rao), కవిత(Kavitha) స్వయంగా సిరిసిల్ల వెళ్లి నేతన్నలను వెళ్లి అడగవచ్చు అని సూచించారు. కొందరు బీఆర్ఎస్ కార్యకర్తలు, నేతలు కావాలని చీరలు బాగా లేవంటూ మాట్లాడటం సిరిసిల్ల నేతన్నలని అవమానించేలా ఉన్నాయన్నారు. చీరల్ని కొందరికే, మహిళా సంఘాల వారికే ఇస్తున్నామని ఆరోపణలు చేస్తున్నారని, మహిళా సంఘాల సభ్యులకు ఇస్తూనే సభ్యత్వం లేని వారిని సైతం సంఘంలోకి ఆహ్వానిస్తూ వారికి సారె పెడుతున్నామన్నారు. కాంగ్రెస్ ప్రభుత్వం మహిళల కోసం ఏం చేసినా బీఆర్ఎస్ నేతలు ఓర్చుకోవడం లేదు.. ఫ్రీ బస్సు పెడితే బ్రేక్ డాన్స్ చేసుకోవాలని, కొట్టుకుంటున్నారని దుష్ప్రచారం చేశారన్నారు. బీఆర్ఎస్ నేతలు ఇకనైనా తమ బుద్ధి మార్చుకుంటే మంచిది.. మహిళలకు మంచి జరుగుతుంటే స్వాగతించడం సంతోషించడం నేర్చుకోండి అని హితవు పలికారు.
Also Read: Telangana PCB: కాలుష్యం వెదజల్లే కంపెనీల చర్యలు.. 1,234 పరిశ్రమలకు నోటీసులు
అందులో తప్పేం ఉంది
కోటి మంది మహిళలను కోటీశ్వరులను చేయాలని లక్ష్యంగా ప్రభుత్వం పని చేస్తుందన్నారు. 65 లక్షల చీరలకు ఏడాది క్రితమే ఆర్డర్ ఇచ్చాం.. అందరికి ఇచ్చేందుకు మరో 35 లక్షల చీరలకు ఆర్డర్ ఇచ్చామన్నారు. అబద్ధాలకు కేరాఫ్ హరీష్ రావు అని మండిపడ్డారు. కోటి మంది మహిళలను, మహిళా సంఘాలలో చేర్చాలని.. చీర,సారే పెట్టీ ఆహ్వానిస్తున్నాం అందులో తప్పేం ఉందన్నారు. దుర్మార్గపు, నీచ రాజకీయాలు చేయడం బీఆర్ఎస్ కే చెల్లిందని, మహిళలను అపహాస్యం చేసేవారికి బుద్ధి చెప్పాలని అన్నారు. మహిళల వివరాలు అప్ లో నమోదు చేస్తున్నాం.. వారికి భీమా కూడా అందిస్తున్నామన్నారు. మహిళా సంఘాల రుణాలకు 13 వందల కోట్లు వడ్డీనీ ఇప్పటికే చెల్లించాం. భవిష్యత్తులో కూడా ఇస్తామన్నారు. మహిళల కోసం మహిళా బజార్ ను శిల్పారామంలో ఇచ్చాం.. ఆడవాళ్ళు సంతోషంగా ఉంటే.. చూడలేరు.. మీది ఫ్యూడల్ మెంటాలిటీ అని దుయ్యబట్టారు. వాస్తవంగా చీరలలో లోపాలు ఉంటే ఆధారాలతో సూచనలు చేయండి.. తప్ప అబద్ధపు ప్రచారం చేయకండి అని సూచించారు
Also Read: Hydra: ‘చెరువుల పున‌రుద్ధ‌ర‌ణ అద్భుతం’.. హైడ్రాపై కర్ణాటక బృందం ప్రశంసలు
