Telangana: తెలంగాణలో భారీగా పడిపోయిన ఉష్ణోగ్రతలు.. రాబోయే రోజుల్లో చలి తీవ్రత పెరిగే అవకాశం

Telangana: తెలంగాణ రాష్ట్రం మరికొన్ని రోజుల పాటు తీవ్రమైన చలి దెబ్బకు గురయ్యే అవకాశం ఉందని వాతావరణ విశ్లేషకుడు టీ. బాలాజీ అంచనా వేశారు. రాష్ట్రంలోని అనేక జిల్లాల్లో ఉష్ణోగ్రతలు సగటు స్థాయిల కంటే గణనీయంగా తగ్గి 6°C నుండి 9°C వరకూ పడిపోవచ్చని ఆయన తెలిపారు. ఇప్పటికే పలు ప్రాంతాల్లో ఉదయం, రాత్రి వేళల్లో చలి ప్రభావం పెరుగుతుండగా, రాబోయే రోజుల్లో ఈ తీవ్రత మరింత పెరిగే ఛాన్స్ ఉందని తెలిపారు. శీతల గాలులు, ఉత్తర దిశ నుండి వీచే గాలి ప్రభావం వల్ల చలితీవ్రత రాష్ట్రమంతటా విస్తరించనున్నట్లు అంచనాలు వెల్లువెత్తుతున్నాయి.

Also Read: Ramachandra Naik: తండాల అభివృద్ధి కోసం కాంగ్రెస్ పార్టీ అభ్యర్థిని సర్పంచ్ గా గెలిపించాలి : జాటోత్ రామచంద్రనాయక్

ఇక హైదరాబాద్‌లో కూడా చలిగాలుల ప్రభావం స్పష్టంగా కనిపించనుంది. నగరంలో రాత్రి ఉష్ణోగ్రతలు 9°C నుంచి 12°C మధ్య నమోదవుతాయని, ఈ పరిస్థితి డిసెంబర్ 16 వరకు కొనసాగుతుందని విశ్లేషణ. ముఖ్యంగా, డిసెంబర్ 10 నుండి 13 వరకు చలి గరిష్టానికి చేరుకుని, తెల్లవారుజామున, సాయంత్రం వేళల్లో హైదరాబాదీలు గట్టి చలిని అనుభవించాల్సి వస్తుందని సూచిస్తున్నారు. పిల్లలు, వృద్ధులు, ఆరోగ్య సమస్యలు ఉన్నవారు ఈ సమయంలో అదనపు జాగ్రత్తలు తీసుకోవాలని అధికారులు హెచ్చరిస్తున్నారు.

Also Read: Ramachandra Naik: తండాల అభివృద్ధి కోసం కాంగ్రెస్ పార్టీ అభ్యర్థిని సర్పంచ్ గా గెలిపించాలి : జాటోత్ రామచంద్రనాయక్

అయితే, పగటి పూట మాత్రం పరిస్థితి భిన్నంగా ఉండనుంది. ఎండ అధికంగా ఉంటూ.. ఉష్ణోగ్రతలు సాధారణ స్థాయికి చేరతాయని వాతావరణ విశ్లేషకులు చెబుతున్నారు. చలితీవ్రత ఉన్నప్పటికీ వడదెబ్బల వంటి సమస్యలు లేకుండా పగటి సమయం కొంత సౌకర్యంగా ఉంటుందని అంచనా. మొత్తం మీద, ఉదయం–రాత్రి వేళల్లో తీవ్రమైన చలి ఉంటుందని ప్రజలు అప్రమత్తంగా ఉండాలని, పగటి పూట మాత్రం సాధారణ వాతావరణం కనిపించనుందని నిపుణులు చెబుతున్నారు.

Also Read: Illegal Registrations: రంగారెడ్డి జిల్లాలో దారుణం.. రిజిస్ట్రేషన్ చేయాలంటే చేతులు తడపాల్సిందే.. లేదంటే ముప్పు తిప్పలు