Epaper 
Aadhaar Deactivation: మృతి చెందారని నిర్దారించుకున్న తర్వాత దాదాపు 2 కోట్ల మందికిపై వ్యక్తుల ఆధార్ కార్డ్ నంబర్లను (Aadhaar Numbers) యూఐడీఏఐ (యూనిక్ ఐడెంటిఫికేషన్ ఆధారిటీ ఆఫ్ ఇండియా) డీయాక్టివేట్ (Aadhaar Deactivation) చేసింది. చనిపోయిన వ్యక్తుల ఆధార్ నంబర్లను ఎందుకు డిలీట్ చేస్తారు?, ఈ నంబర్లను వేరేవారికి కేటాయిస్తారా?, ఈ సందేహాలపై యూఐడీఏఐ (UIDAI) క్లారిటీ ఇచ్చింది. రిజిస్ట్రార్ జనరల్ ఆఫ్ ఇండియా (ఆర్జీఐ), రాష్ట్రాలు, కేంద్రపాలిత ప్రాంతాలు, ప్రజా పంపిణీ వ్యవస్థలు, జాతీయ సామాజిక సహాయ కార్యక్రమాలు, ఇతర సంస్థల నుంచి డేటా సేకరించి మృతి చెందిన వ్యక్తుల డేటాను నిర్ధారించుకున్నామని వివరించింది. భవిష్యత్తులో మరింతమంది వ్యక్తుల ఆధార్ నంబర్లను డీయాక్టివేట్ చేసేందుకుగానూ ఆర్థిక సంస్థలు, ఇతర సంస్థల సహకారం కూడా తీసుకుంటామని తెలిపింది.
చనిపోయిన వ్యక్తుల ఆధార్‌లు ఎందుకు డీయాక్టివేట్ చేస్తారు?
చనిపోయిన వ్యక్తుల ఆధార్ నంబర్లను డీయాక్టివేట్ చేయడం చాలా ముఖ్యమైన యూఐడీఏఐ చెబుతోంది. ఎందుకంటే, ఒక వ్యక్తి మరణించాక, అతడి గుర్తింపు వాడుకొని మోసానికి లేదా, సంక్షేమ ప్రయోజనాలను పొందడానికి దుర్వినియోగపరిచే ఛాన్స్ ఉందని చెప్పింది. ఆధార్ నంబర్లను అనధికారిక వినియోగానికి అడ్డుకట్ట వేసేందుకు డీయాక్టివేట్ చేయడం అనివార్యమని స్పష్టత ఇచ్చింది.
Read Also- GHMC: జీహెచ్ఎంసీ నుంచి బదిలీ కోసం అధికారుల ప్రయత్నాలు.. కారణం అదేనా..!
మృతుల నంబర్లు వేరేవారికి కేటాయిస్తారా?
మృతి చెందిన వ్యక్తుల ఆధార్ నంబర్లను డీయాక్టివేట్ చేసినప్పటికీ, ఆ నంబర్లను వేరే ఎవరికీ కేటాయించబోమని యూఐడీఏఐ క్లారిటీ ఇచ్చింది. ఒక ఆధార్ నంబర్‌ను ఇతర వ్యక్తులు ఎవరికీ, ఎప్పుడూ తిరిగి కేటాయించడం జరగదని తెలిపింది.
కుటుంబ సభ్యులు చనిపోతే, రిపోర్ట్ చెయ్యొచ్చు
ఆధార్ దుర్వినియోగాలు, మోసాలు పెరిగిపోతున్న నేపథ్యంలో, ముఖ్యంగా చనిపోయిన వ్యక్తుల గుర్తింపు దుర్వినియోగం కాకుండా ఈ ఏడాది జూన్ 9న యూఐడీఏఐ కొత్త సర్వీసును అందుబాటులోకి తీసుకొచ్చింది. కుటుంబ సభ్యులు ఎవరైనా చనిపోతే, రిపోర్ట్ చేసే సదుపాయాన్ని కల్పించింది. ‘మైఆధార్’ (myAadhaar) పోర్టల్‌లో కూడా ఈ సేవ అందుబాటులో ఉంది. రిపోర్ట్ చేసే వ్యక్తి తొలుత తన గుర్తింపును నిర్ధారించుకున్న తర్వాత, మృతుడి వివరాలు రిపోర్ట్ చేసేందుకు అనుమతి ఉంటుంది. ఆధార్ నంబర్, డెత్ రిజిస్టర్ నంబర్, ఇతర వివరాలను పోర్టల్‌లో సబ్మిట్ చేయాలి. కుటుంబ సభ్యులు సమర్పించే సమాచారాన్ని ధృవీకరణ ప్రక్రియ పూర్తయిన తర్వాత, ,చనిపోయిన వ్యక్తి ఆధార్ నంబర్‌ను డీయాక్టివేట్ చేస్తారు.
Read Also- Jay Krishna: జయకృష్ణను పరిచయం చేస్తూ అజయ్ భూపతి తీస్తున్న సినిమా టైటిల్ వచ్చేసింది.. ఏంటంటే?
ఆధార్ నంబర్ డీయాక్టివేట్ అయ్యిందో, లేదో చట్టపరమైన వారసులు చెక్ చేసుకునేందుకు కూడా అవకాశం ఉంటుంది. స్టేటస్ తెలుసుకునేందుకు ‘మైఆధార్’ పోర్టల్ ఓపెన్ చేయాలి. చెక్ ఆధార్ స్టేటస్‌పై క్లిక్ చేయాలి. అక్కడ ఆధార్ నంబర్‌ను రిజిస్టర్ చేయాలి. ఆ నంబర్ డీయాక్టివేట్ అయ్యుంటే, ‘ఇన్‌యాక్టివ్’ లేదా ‘మృతి కారణంగా డీయాక్టివేట్ అయ్యింది’’ అని చూపిస్తుంది. ఆఫ్‌లైన్‌లో చెక్ చేసుకోవాలనుకుంటే, ఆధార్ సేవా కేంద్రం (ASK), లేదా నమోదు కేంద్రాన్ని సందర్శించి, అక్కడి అధికారుల ద్వారా స్టేటస్ నిర్ధారించుకోవచ్చు. సివిల్ రిజిస్ట్రేషన్ సిస్టమ్‌ను ఉపయోగిస్తున్న 25 రాష్ట్రాలు, కేంద్రపాలిత ప్రాంతాలలో మరణాలను రిపోర్ట్ చేసే సేవ అందుబాటులో ఉంది. మిగతా ప్రాంతాలలో కూడా సేవను అందుబాటులోకి తీసుకొచ్చేందుకు ప్రక్రియ జరుగుతోంది.
