Fake iPhone Spare Parts: కోటి రూపాయల.. ఐఫోన్​ నకిలీ విడిభాగాలు సీజ్!

Fake iPhone Spare Parts: సెంట్రల్ జోన్​ టాస్క్​ ఫోర్స్​ అధికారులు ఆబిడ్స్​ పోలీసులతో క​లిసి ఆబిడ్స్​ జగదీష్​ మార్కెట్ లోని పలు దుకాణాలపై దాడులు జరిపారు. ఈ క్రమంలో నలుగురు దుకాణందారులను అరెస్ట్​ చేసి వారి నుంచి కోటి రూపాయల విలువ చేసే ఐఫోన్​ నకిలీ విడిభాగాలను స్వాధీనం చేసుకున్నారు. టాస్క్ ఫోర్స్ డీసీపీ సుధీంద్ర తెలిపిన ప్రకారం వివరాలు ఇలా ఉన్నాయి. జగదీష్ మార్కెట్​ లో కొందరు వ్యాపారులు ఐఫోన్​ నకిలీ విడిభాగాలను విక్రయిస్తున్నట్టుగా టాస్క్​ ఫోర్స్​ పోలీసులకు సమాచారం అందింది.

Also Read: Hyderabad Crime: హైదరాబాద్‌లో దారుణం.. గేమ్స్ ఆడొద్దన్న తల్లి.. ప్రాణాలు తీసుకున్న బిడ్డ!

ఈ క్రమంలో టాస్క్​ ఫోర్స్​ సిబ్బంది ఆబిడ్స్​ పోలీసులతో కలిసి దాడులు జరిపారు. శ్రీమాతాజీ మొబైల్​ షాప్ నిర్వాహకుడు, గౌలిగూడ నివాసి విక్రమ్​ సింగ్ (30), ఆర్​జీ మొబైల్స్​ యజమాని గౌలిగూడ వాస్తవ్యుడు సురేశ్​ కుమార్​ రాజ్ పురోహిత్ (25), సుల్తాన్ బజార్ నివాసి, రాజారాం మొబైల్స్ షాపు ఓనర్​ నాథూరాం చౌదరి (25), గౌలిపురం వాస్తవ్యుడు, సప్నా మొబైల్స్ యజమాని అయిన మహ్మద్ సర్ఫరాజ్​ (24)లను అరెస్ట్​ చేశారు. వీరి నుంచి ఐఫోన్​ నకిలీ విడిభాగాలైన ఇయర్​ పాడ్స్​, పవర్​ బ్యాంకులు, యాపిల్ లోగో స్టిక్కర్టు, అడాప్టర్లు, అడాప్టర్ కవర్లు, యూఎస్బీ కేబుల్లు, బ్యాటరీలు, బ్యాక్​ గ్లాసులు, సిలికాన్ కవర్లను స్వాధీనం చేసుకున్నారు. తేలికగా డబ్బు సంపాదించేందుకుగాను ఈ నలుగురు ముంబయికి చెందిన మార్కెటింగ్​ ఏజెంట్ల నుంచి తక్కువ ధరలకు వీటిని కొని ఎక్కువ ధరలకు అమ్ముతున్నట్టుగా విచారణలో వెల్లడైంది.

Also Read: Suravaram Pratap Reddy University: సురవరం ప్రతాపరెడ్డి తెలుగు విశ్వవిద్యాలయం.. నోటిఫికేషన్ రిలీజ్!