Hyderabad Crime: మెట్రో స్టేషన్ వద్ద డ్రగ్స్ విక్రయాలు.. స్కెచ్ వేసి మరీ పోలీసుల దాడులు..

Hyderabad Crime: మెట్రో స్టేషన్ సమీపాన అడ్డాగా మార్చుకున్నారు. ఏకంగా డ్రగ్స్ అమ్మకాలు సాగిస్తున్నారు. ఈ ముఠా అతకట్టించేందుకు పోలీసులు వేసిన ప్లాన్ సఫలమైంది. ఎట్టకేలకు వీరిని అరెస్ట్ చేశారు. హైదరాబాద్ నగరంలో డ్రగ్స్, గంజాయి మాటెత్తితే చాలు.. పోలీసులు అక్కడ మాటేస్తున్నారు.

వేర్వేరు చోట్ల డ్రగ్స్​.. గంజాయి అమ్మతున్న అయిదుగురిని ఎక్సైజ్ స్టేట్​ టాస్క్ ఫోర్స్​ బృందాలు అదుపులోకి తీసుకున్నాయి. నిందితుల నుంచి ఎంవీఎంఏ డ్రగ్​ తోపాటు గంజాయిని స్వాధీనం చేసుకున్నాయి. ఎక్సైజ్​ ఎన్​ ఫోర్స్​ మెంట్​ డైరెక్టర్​ వీ.బీ.కమలాసన్​ రెడ్డి తెలిపిన ప్రకారం వివరాలు ఇవే.

ఎర్రగడ్డ మెట్రో స్టేషన్​ సమీపంలో కొందరు డ్రగ్స్​ అమ్మకాలు జరుపుతున్నట్టుగా సమాచారం అందటంతో ఎక్సైజ్​ స్టేట్​ టాస్క్​ ఫోర్స్​ బీ టీం సీఐ భిక్షారెడ్డి సిబ్బందితో కలిసి దాడి చేశారు. షేక్​ మహ్మద్​ రహీం, మహ్మద్​ ఫక్రుద్దీన్​ అనే వ్యక్తులను అరెస్ట్​ చేసి వారి నుంచి 2.78 గ్రాముల ఎండీఎంఏ డ్రగ్​ ను స్వాధీనం చేసుకున్నారు. సౌదీ అరేబియాకు చెందిన సఫాన్​, బెంగళూరు నివాసి ఇబ్రహీం జహీర్​ లు వీరికి ఎండీఎంఏ డ్రగ్​ ను సరఫరా చేసినట్లు విచారణలో వెల్లడి కావటంతో వారిద్దరిపై కూడా కేసులు పెట్టారు. పరారీలో ఉన్న వీరి కోసం గాలిస్తున్నారు.

Also Read: CM Revanth on KCR: రాజకీయ కక్ష సాధింపు మీదా? మాదా?.. సీఎం రేవంత్ ఫైర్

గంజాయి సీజ్​…
ఇక, లోయర్​ ధూల్​ పేట ప్రాంతంలో గంజాయి అమ్మకాలు జరుగుతున్నట్టు సమాచారం తెలియటంతో ఎక్సైజ్​ టాస్క్​ ఫోర్స్​ బీ టీం సీఐ భిక్షారెడ్డి సిబ్బందితో కలిసి దాడులు జరిపారు. కునాల్​ సింగ్​, వినోద్​ సింగ్​, హేమా బాయిలను అరెస్ట్​ చేసి వారి నుంచి 1.3‌‌02 కిలోల గంజాయిపాటు నాలుగు సెల్​ ఫోన్లు, యాక్టీవా బైక్ ను స్వాధీనం చేసుకున్నారు. గంజాయి అమ్మకాలతో అనికేష్​ సింగ్​, ఆర్తి బాయి, నరేన్​, గణేశ్​ సింగ్​ లకు కూడా సంబంధం ఉన్నట్లు తేలటంతో వారిపై కూడా కేసులు నమోదు చేశారు. పరారీలో ఉన్న వీరి కోసం పోలీసులు గాలిస్తున్నారు. దాడుల్లో ఎస్సైలు బాలరాజు, సంధ్య, కానిస్టేబుళ్లు యాదగిరి, హనీఫ్​, నితిన్​, మహేశ్వర్​, కౌషిక్​, శ్రీనివాస్​ రెడ్డి పాల్గొన్నారు.