Ganja Seized: ఇద్దరు డ్రగ్​ పెడ్లర్ల అరెస్ట్​ కుష్​ గంజాయి…ఎల్​ఎస్డీ బ్లాస్ట్​ డ్రగ్ సీజ్​

Ganja Seized: డ్రగ్స్​ అమ్మకాలు సాగిస్తున్న ఇద్దరిని ఎక్సయిజ్​ స్టేట్​ టాస్క్​ ఫోర్స్​ పోలీసులు అరెస్ట్​ చేశారు. నిందితుల్లో ఒకరికి అమెరికా పౌరసత్వం ఉంది. కాగా, అరెస్ట్​ చేసిన నిందితుల నుంచి లక్ష రూపాయల నగదు, కారు, కుష్​ గంజాయి, ఎల్​ఎస్డీ బ్లాస్ట్​ డ్రగ్​ ను స్వాధీనం చేసుకున్నారు. ఎక్సయిజ్​ ఎన్​ ఫోర్స్​ మెంట్​ డైరెక్టర్​ వీ.బీ.కమలాసన్ రెడ్డి తెలిపిన ప్రకారం వివరాలు ఇలా ఉన్నాయి.

ప్రస్తుతం బేగంపేటలో నివాసముంటున్న తేజస్​ కట్టా (29) కుటుంబం హైదరాబాద్ లోనే ఉండేది. తేజస్​ కు ఏడాది వయసున్నపుడు కుటుంబం అమెరికా వెళ్లిపోయింది. అక్కడే పెరిగిన తేజస్​ కు అమెరికా పౌరసత్వం కూడా వచ్చింది. కాగా, రెండేళ్ల క్రితం స్వదేశానికి వచ్చిన తేజస్ ముంబయిలో కొన్నాళ్లపాటు ఉద్యోగం చేశాడు. అక్కడ చెడు సావాసాలతో డ్రగ్స్​ కు బానిసయ్యాడు. ముంబయిలో ఉద్యోగం మానేసిన హైదరాబాద్ వచ్చిన తరువాత బేగంపేటలో ఉంటూ రీగాక్స్​ కంపెనీలో పని చేస్తున్నాడు.

Khammam District: మా నాన్నే లేకుంటే.. ఆ జిల్లా కలెక్టర్ ఉద్వేగం

అక్కడ అతనికి సోహైల్​ అహ్మద్​ (29)తో పరిచయం ఏర్పడింది. అప్పటికే సొహైల్​ కూడా డ్రగ్స్​ సేవించటానికి అలవాటు పడి ఉన్నాడు. ఇలా మాదక ద్రవ్యాలకు బానిసలుగా మారిన ఇద్దరు తేలికగా డబ్బు సంపాదించాలని డ్రగ్స్ దందా మొదలు పెట్టారు.

ప్రతీ పదిహేను రోజులకు ఒకసారి ముంబయి వెళ్లి చరస్​, ఎల్​ఎస్డీ బ్లాస్ట్​, కుష్​ గంజాయి తీసుకొచ్చి సన్​ సిటీ ప్రాంతంలో అమ్ముతున్నారు. ఈ మేరకు పక్కాగా సమాచారాన్ని సేకరించిన ఎక్సయిజ్​ స్టేట్​ టాస్క్​ ఫోర్స్​ సీఐ అంజిరెడ్డి సిబ్బందితో క​లిసి ఇద్దరు నిందితులను అరెస్ట్ చేశారు. వారిపై కేసులు నమోదు చేసి తదుపరి దర్యాప్తు నిమిత్తం శంషాబాద్​ ఎక్సయిజ్​ పోలీసులకు అప్పగించారు.

స్వేచ్ఛ ఈ పేపర్ కోసం ఈ  https://epaper.swetchadaily.com/ లింక్ క్లిక్ చేయగలరు