Banjara Hills police: ఇదేం పైత్యం.. రీల్స్ కోసం గన్ తో ఓపెన్ టాప్ జీపు ఎక్కి..

తెలంగాణ బ్యూరో స్వేచ్ఛ: Banjara Hills police: సోషల్​ మీడియాలో ఫాలోవర్స్​ ను పెంచుకోవటానికి ఓపెన్​ టాప్​ జీపులో తిరుగుతూ ఎయిర్​ రైఫిల్​ తో హంగామా చేసిన యువకున్ని బంజారాహిల్స్ పోలీసులు అరెస్ట్​ చేశారు. నిందితుని నుంచి ఎయిర్​ రైఫిల్​ తోపాటు జీపును స్వాధీనం చేసుకున్నారు. వివరాలు ఇలా ఉన్నాయి. ఈనెల 26న అర్ధరాత్రి దాటిన తరువాత కొందరు యువకులు ఓపెన్​ టాప్​ జీపులో పరిమితికి మించి వేగంతో బంజారాహిల్స్ రోడ్డు నెంబర్​ 1లో వీరంగం సృష్టించారు.

 Also Read: Duvvada Srinivas: మాధురి ఇంటికి.. కరెంట్ కట్.. అంతు చూస్తానంటున్న దువ్వాడ

యువకుల్లో ఒకడు సర్వీ హోటల్​ వద్ద గాల్లో రైఫిల్ ను తిప్పుతూ పెద్ద పెద్దగా కేకలు పెట్టాడు. ఇది గమనించిన బంజారాహిల్స్ పోలీస్​ స్టేషన్ కానిస్టేబుల్​ శ్రీకాంత్​ ఫిర్యాదు చేశాడు. కేసులు నమోదు చేసిన పోలీసులు సీసీ కెమెరాల ఫుటేజీ ఆధారంగా జీపు నెంబర్​ ను సేకరించారు. ఈ క్రమంలో జీపు సనత్​ నగర్​ కు చెందిన అఫీజుద్దీన్​ (21)దని గుర్తించి అతనితోపాటు డ్రైవర్​ ను కూడా అరెస్ట్​ చేశారు. వృత్తిరీత్యా వీడియో గ్రాఫర్​ అయిన రీల్​ కోసమే ఇలా చేసినట్టు విచారణలో వెల్లడైంది.

స్వేచ్ఛ ఈ పేపర్ కోసం ఈ  https://epaper.swetchadaily.com/లింక్ క్లిక్ చేయగలరు